ਟੇਸਲਾ ਨੇ ਅਮਰੀਕਾ ‘ਚ ਆਪਣੇ ਮਸ਼ਹੂਰ ਮਾਡਲ ਟੇਸਲਾ ਵਾਈ ਦੀਆਂ ਕੁੱਲ 3,470 ਯੂਨਿਟਾਂ ਵਾਪਸ ਮੰਗਵਾਈਆਂ ਹਨ। ਕੰਪਨੀ ਮੁਤਾਬਕ ਇਸ ਵਾਹਨ ਦੀ ਦੂਜੀ ਕਤਾਰ ਦੇ ਸੀਟਬੈਕ ‘ਚ ਕੁਝ ਸਮੱਸਿਆ ਕਾਰਨ ਹੁਣ ਤੱਕ ਕਈ ਵਾਹਨਾਂ ਨੂੰ ਵਾਪਸ ਬੁਲਾ ਲਿਆ ਗਿਆ ਹੈ। ਕੰਪਨੀ ਮੁਤਾਬਕ ਸਾਰੇ ਵਾਹਨਾਂ ਦੀ ਮੁਰੰਮਤ ਮੁਫਤ ਕੀਤੀ ਜਾਵੇਗੀ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਟੇਸਲਾ ਦੇ ਮਾਡਲ Y ਦੀ ਪਿਛਲੀ ਸੀਟ ਫਰੇਮ ਵਿੱਚ ਬੋਲਟ ਸਹੀ ਢੰਗ ਨਾਲ ਕੰਮ ਨਹੀਂ ਕਰ ਰਹੇ ਹਨ, ਜੋ ਕਿ ਹਾਦਸੇ ਦੌਰਾਨ ਯਾਤਰੀਆਂ ਨੂੰ ਜ਼ਖਮੀ ਕਰ ਸਕਦੇ ਹਨ।
ਸੰਭਾਵੀ ਤੌਰ ‘ਤੇ ਪ੍ਰਭਾਵਿਤ ਵਾਹਨਾਂ ਦਾ ਉਤਪਾਦਨ 23 ਮਈ 2022 ਅਤੇ 5 ਫਰਵਰੀ 2023 ਦੇ ਵਿਚਕਾਰ ਕੀਤਾ ਗਿਆ ਸੀ। ਦੱਸ ਦਈਏ ਕਿ ਦੁਨੀਆ ਦੀ ਮਸ਼ਹੂਰ ਕਾਰ ਕੰਪਨੀ ਟੇਸਲਾ ਨੇ ਨਵੰਬਰ ਮਹੀਨੇ ‘ਚ ਵੀ 3 ਲੱਖ 20 ਹਜ਼ਾਰ ਤੋਂ ਜ਼ਿਆਦਾ ਕਾਰਾਂ ਵਾਪਸ ਮੰਗਵਾਈਆਂ ਸਨ। ਇਨ੍ਹਾਂ ਕਾਰਾਂ ‘ਚ ਪਿਛਲੀ ਲਾਈਟ ‘ਚ ਤਕਨੀਕੀ ਖਰਾਬੀ ਦੀ ਸ਼ਿਕਾਇਤ ਸੀ।