ਬਾਲੀਵੁੱਡ ਅਦਾਕਾਰਾ ਆਲੀਆ ਭੱਟ ਪਿਛਲੇ ਕੁਝ ਦਿਨਾਂ ਤੋਂ ਲੰਡਨ ‘ਚ ਆਪਣੀ ਹਾਲੀਵੁੱਡ ਫਿਲਮ ‘ਹਾਰਟ ਆਫ ਸਟੋਨ’ ਦੀ ਸ਼ੂਟਿੰਗ ਕਰ ਰਹੀ ਸੀ। ਹੁਣ ਅਦਾਕਾਰਾ ਨੇ ਇਸ ਫਿਲਮ ਦੀ ਸ਼ੂਟਿੰਗ ਪੂਰੀ ਕਰ ਲਈ ਹੈ ਅਤੇ ਜਲਦ ਹੀ ਆਪਣੇ ਘਰ ਪਰਤ ਰਹੀ ਹੈ। ਇਸ ਗੱਲ ਦਾ ਖੁਲਾਸਾ ਖੁਦ ਅਦਾਕਾਰਾ ਨੇ ਸੋਸ਼ਲ ਮੀਡੀਆ ‘ਤੇ ਕੀਤਾ ਹੈ। ਆਲਿਆ ਭੱਟ ਸੋਸ਼ਲ ਮੀਡੀਆ ‘ਤੇ ਬਹੁਤ ਐਕਟਿਵ ਰਹਿੰਦੀ ਹੈ। ਆਲਿਆ ਨੇ ਆਪਣੇ ਇੰਸਟਾਗ੍ਰਾਮ ਅਤੇ ਟਵਿੱਟਰ ਅਕਾਉਂਟ ਉੱਤੇ ਸ਼ੂਟਿੰਗ ਦੇ ਸਮੇਂ ਦੀਆਂ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ। ਇਨ੍ਹਾਂ ਤਸਵੀਰਾਂ ਦੇ ਵਿੱਚ ਆਲਿਆ ਫਿਲਮ ਦੇ ਵੱਖ-ਵੱਖ ਸੀਨ ਸ਼ੂਟ ਕਰਦੀ ਹੋਈ ਨਜ਼ਰ ਆ ਰਹੀ ਹੈ।ਇਨ੍ਹਾਂ ਤਸਵੀਰਾਂ ਨੂੰ ਸ਼ੇਅਰ ਕਰਦੇ ਹੋਏ ਆਲਿਆ ਨੇ ਦੱਸਿਆ ਕਿ ਉਸ ਨੇ ਆਪਣੇ ਪਹਿਲੇ ਹੌਲੀਵੁੱਡ ਪ੍ਰੋਜੈਕਟ ਹਾਰਟ ਆਫ ਸਟੋਨ ਦਾ ਸ਼ੂਟਿੰਗ ਸ਼ੈਡੀਊਲ ਪੂਰਾ ਕਰ ਲਿਆ ਹੈ।
ਆਲਿਆ ਨੇ ਆਪਣੇ ਪ੍ਰਸ਼ੰਸਕਾਂ ਅਤੇ ਫਾਲੋਅਰਜ਼ ਨਾਲ ਇੰਸਟਾਗ੍ਰਾਮ ‘ਤੇ ਫਿਲਮ ਦੇ ਸੈੱਟ ਤੋਂ ਤਸਵੀਰਾਂ ਦੀ ਇੱਕ ਲੜੀ ਦੇ ਨਾਲ ਅਪਡੇਟ ਨੂੰ ਸਾਂਝਾ ਕੀਤਾ। ਉਸਨੇ ਅਭੁੱਲ ਅਨੁਭਵ ਲਈ ਆਪਣੇ ਸਹਿ-ਸਿਤਾਰਿਆਂ ਅਤੇ ਨਿਰਦੇਸ਼ਕ ਦਾ ਧੰਨਵਾਦ ਕੀਤਾ। “ਹਾਰਟ ਆਫ਼ ਸਟੋਨ – ਤੁਹਾਡੇ ਕੋਲ ਮੇਰਾ ਪੂਰਾ ਧੰਨਵਾਦ ਹੈ ਸੁੰਦਰ @gal_gadot… ਮੇਰੇ ਨਿਰਦੇਸ਼ਕ ਟੌਮ ਹਾਰਪਰ… @jamiedornan ਨੇ ਅੱਜ ਤੁਹਾਨੂੰ ਯਾਦ ਕੀਤਾ… ਅਭੁੱਲ ਅਨੁਭਵ ਲਈ ਮੇਰੀ ਪੂਰੀ ਟੀਮ। ਮੈਂ ਪਿਆਰ ਅਤੇ ਦੇਖਭਾਲ ਲਈ ਸਦਾ ਲਈ ਧੰਨਵਾਦੀ ਰਹਾਂਗਾ। ਪ੍ਰਾਪਤ ਹੋਇਆ ਹੈ ਅਤੇ ਮੈਂ ਤੁਹਾਡੇ ਸਾਰਿਆਂ ਦੇ ਫਿਲਮ ਦੇਖਣ ਲਈ ਇੰਤਜ਼ਾਰ ਨਹੀਂ ਕਰ ਸਕਦੀ!” 29 ਸਾਲਾਂ ਅਦਾਕਾਰ ਨੇ ਲਿਖਿਆ। ਦੱਸ ਦਈਏ ਕਿ ਇਹ ਫਿਲਮ ਜਾਸੂਸੀ ਥ੍ਰਿਲਰ ਉੱਤੇ ਅਧਾਰਿਤ ਹੈ। ਇਸ ਵਿੱਚ ਆਲਿਆ ਦੇ ਨਾਲ-ਨਾਲ ਵਿੱਚ ਵੰਡਰ ਵੂਮੈਨ ਸਟਾਰ ਗੈਲ ਗਡੋਟ ਅਤੇ ਬੇਲਫਾਸਟ ਅਦਾਕਾਰ ਜੈਮੀ ਡੋਰਨਨ ਵੀ ਮੁਖ ਭੂਮਿਕਾ ਵਿੱਚ ਹਨ। ਨੈੱਟਫਲਿਕਸ ਫਿਲਮ ਦਾ ਨਿਰਦੇਸ਼ਨ ਟੌਮ ਹਾਰਪਰ ਕਰ ਰਹੇ ਹਨ। ਇਸ ਫਿਲਮ ਦੀ ਸਕ੍ਰੀਪਟ ਗ੍ਰੇਗ ਰੁਕਾ ਅਤੇ ਐਲੀਸਨ ਸ਼ਰੋਡਰ ਨੇ ਲਿਖੀ ਹੈ।
