ਪੰਜਾਬੀ ਅਦਾਕਾਰਾ ਸ਼ਹਿਨਾਜ਼ ਗਿੱਲ ਨੇ ਆਪਣਾ ਇੱਕ ਵੀਡੀਓ ਸ਼ੇਅਰ ਕਰਕੇ ਆਪਣੇ ਪਿੰਡ ਦੀ ਯਾਦ ਤਾਜ਼ਾ ਕਰਵਾਈ ਹੈ। ਸਵੇਰ ਦੀ ਤਾਜ਼ੀ ਹਵਾ. ਸਰ੍ਹੋਂ ਦਾ ਖੇਤ. ਲੱਸੀ ਨਾਲ ਭਰਿਆ ਗਿਲਾਸ। ਮਾਂ ਦੇ ਹੱਥਾਂ ਦੀ ਬਣੀ ਬਾਜਰੇ ਦੀ ਰੋਟੀ। ਚਿੱਟਾ ਮੱਖਣ. ਪਿੰਡ ਦੀ ਗੱਲ ਵੱਖਰੀ ਹੈ। ਸ਼ਹਿਰਾਂ ਦੀ ਭੀੜ-ਭੜੱਕੇ ਤੋਂ ਦੂਰ। ਸ਼ਹਿਨਾਜ਼ ਫਿਲਹਾਲ ਆਪਣੇ ਪਿੰਡ ‘ਚ ਸਮਾਂ ਬਿਤਾ ਰਹੀ ਹੈ। ਸ਼ਹਿਨਾਜ਼ ਦਾ ਅੰਦਾਜ਼ ਪੰਜਾਬੀ ਪਟਿਆਲਾ ਸੂਟ ‘ਚ ਦੇਖਣ ਨੂੰ ਮਿਲ ਰਿਹਾ ਹੈ। ਅਦਾਕਾਰਾ ਨੇ ਟਰੈਕਟਰ ‘ਤੇ ਚੜ੍ਹ ਕੇ ਕਈ ਪੋਜ਼ ਵੀ ਦਿੱਤੇ ਹਨ। ਉਸ ਦਾ ਇਹ ਅਵਤਾਰ ਦੇਖ ਕੇ ਸ਼ਾਹਰੁਖ ਖਾਨ ਅਤੇ ਕਾਜੋਲ ਸਟਾਰਰ ਫਿਲਮ ‘ਦਿਲਵਾਲੇ ਦੁਲਹਨੀਆ ਲੇ ਜਾਏਂਗੇ’ ਦੀ ਯਾਦ ਆ ਜਾਂਦੀ ਹੈ।
ਇਸ ਵੀਡੀਓ ਨੂੰ ਸ਼ੇਅਰ ਕਰਦੇ ਹੋਏ ਸ਼ਹਿਨਾਜ਼ ਨੇ ਇੱਕ ਖ਼ਾਸ ਕੈਪਸ਼ਨ ਲਿਖਿਆ ਹੈ, ਸ਼ਹਿਨਾਜ਼ ਨੇ ਲਿਖਿਆ ਹੈ, “ਮੇਰੇ ਪਿੰਡ… ਮੇਰੇ ਖੇਤ 🌸 #shehnaazgill ਇਸ ਵੀਡੀਓ ਦੇ ਬੈਕਗ੍ਰਾਉਂਡ ਵਿੱਚ ਗੀਤ ਚੱਲ ਚਲੀਏ ਵਜ ਰਿਹਾ ਹੈ। ਸਿਡਨਾਜ਼ ਲਵਰਸ ਤੇ ਸ਼ਹਿਨਾਜ਼ ਦੇ ਫੈਨਜ਼ ਉਸ ਦੀ ਇਸ ਵੀਡੀਓ ਨੂੰ ਬਹੁਤ ਪਸੰਦ ਕਰ ਰਹੇ ਹਨ। ਸ਼ਹਿਨਾਜ਼ ਦੇ ਹੱਸਦੇ-ਖੇਡਦੇ ਚਿਹਰੇ ਨੂੰ ਫੈਨਜ਼ ਕਾਫੀ ਪਸੰਦ ਕਰ ਰਹੇ ਹਨ ਅਤੇ ਉਸ ਦਾ ਇਹ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ। ਇਸ ਵੀਡੀਓ ਦੇ ਵਿੱਚ ਸ਼ਹਿਨਾਜ਼ ਦੇ ਠੇਠ ਪੰਜਾਬੀ ਅੰਦਾਜ਼ ਨੂੰ ਵੇਖ ਕੇ ਫੈਨਜ਼ ਹੈਰਾਨ ਵੀ ਹਨ ਤੇ ਕਾਫੀ ਖੁਸ਼ ਵੀ ਹਨ, ਉਹ ਸ਼ਹਿਨਾਜ਼ ਦੀ ਵੀਡੀਓ ਉੱਤੇ ਕਮੈਂਟ ਕਰਕੇ ਆਪਣੀ ਪ੍ਰਤੀਕਿਰਿਆ ਦੇ ਰਹੇ ਹਨ।
ਦੱਸ ਦਈਏ ਕਿ ਸ਼ਹਿਨਾਜ਼ ਗਿੱਲ ਆਪਣੇ ਫੋਨ ਦੇ ਵਾਲਪੇਪਰ ਕਾਰਨ ਵੀ ਲਾਈਮਲਾਈਟ ਵਿੱਚ ਆਈ ਸੀ। ਦਰਅਸਲ, ਜਦੋਂ ਸ਼ਹਿਨਾਜ਼ ਮੁੰਬਈ ਏਅਰਪੋਰਟ ‘ਤੇ ਨਜ਼ਰ ਆਈ ਤਾਂ ਕਿਸੇ ਦੀ ਨਜ਼ਰ ਉਸ ਦੇ ਫੋਨ ਦੇ ਵਾਲਪੇਪਰ ‘ਤੇ ਗਈ। ਵਾਲਪੇਪਰ ‘ਤੇ ਸਿਧਾਰਥ ਸ਼ੁਕਲਾ ਦੇ ਨਾਲ ਸ਼ਹਿਨਾਜ਼ ਦੀ ਫੋਟੋ ਸੀ, ਜਿਸ ‘ਚ ਦੋਵਾਂ ਨੇ ਇਕ-ਦੂਜੇ ਦਾ ਹੱਥ ਫੜਿਆ ਹੋਇਆ ਸੀ। ਇਸ ਫੋਟੋ ਨੂੰ ਦੇਖ ਕੇ ਦੋਹਾਂ ਦੇ ਪ੍ਰਸ਼ੰਸਕ ਕਾਫੀ ਭਾਵੁਕ ਹੋ ਗਏ।
