ਚੰਡੀਗੜ੍ਹ: ਪੰਜਾਬ ਦੇ ਸਭ ਤੋ ਚਰਚਿੱਤ ਕਤਲ ਮਾਮਲਿਆਂ ਦੇ ਵਿਚ ਸ਼ਾਮਲ ਹੈ ਪੰਜਾਬੀ ਗਾਇਕ ਸਿੱਧੂ ਮੂਸੇਵਾਲਾ ਕਤਲਕਾਂਡ। ਇਸ ਕਤਲ ਨੇ ਪੰਜਾਬ ਦੀ ਸਿਆਸਤ ਹੀ ਨਹੀਂ ਸਗੋਂ ਦੇਸ਼ ਦੁਨੀਆ ਨੂੰ ਵੀ ਹਿਲਾ ਕੇ ਰੱਖ ਦਿੱਤਾ। ਇਸ ਮਰਡਰ ਲਈ ਜੋ ਪਲਾਨਿੰਗ ਕੀਤੀ ਗਈ ਉਸਨੇ ਬਾਲੀਵੁੱਡ ਸਾਊਥ ਦੀਆਂ ਫ਼ਿਲਮਾਂ ਨੂੰ ਫੇਲ ਕਰ ਦਿੱਤਾ। ਦੋ ਸਭ ਤੋਂ ਖਤਰਨਾਕ ਗੈਂਗਸਟਰ ਜੱਗੂ ਭਗਵਾਨਪੁਰੀਆ ਤੇ ਗੋਲਡੀ ਬਰਾੜ ਇਸ ਸਾਜਿਸ਼ ਲਈ ਹੋਰ ਨੇਹੜੇ ਆ ਗਏ। ਪਰ ਇਹ ਦੋਸਤੀ ਜ਼ਿਆਦਾ ਦਿਨ ਨਹੀਂ ਚੱਲੀ ਤੇ 9 ਮਹੀਨਿਆਂ ਦੇ ਅੰਦਰ ਹੀ ਇਹ ਦੋਵੇਂ ਗੈਂਗਸਟਰ ਜੋ ਕਿ ਕ੍ਰਾਈਮ ਪਟਨਰਸ ਸਨ, ਇੱਕ ਦੂਜੇ ਦੇ ਦੁਸ਼ਮਣ ਬਣ ਗਏ ਹਨ।
ਬੀਤੇ ਐਤਵਾਰ ਇਹ ਦੁਸ਼ਮਣੀ ਖੂਨੀ ਝੜਪ ‘ਚ ਤਬਦੀਲ ਹੋ ਗਈ ਤੇ ਸ੍ਰੀ ਗੋਇੰਦਵਾਲ ਜੇਲ੍ਹ ‘ਚ ਬੰਦ ਮਨਦੀਪ ਤੂਫ਼ਾਨ ਤੇ ਮਨਮੋਹਨ ਇਸ ਝੜਪ ‘ਚ ਮਾਰੇ ਗਏ। ਲਾਰੈਂਸ ਦੇ ਕਰੀਬੀ ਦੋਸਤ ਗੋਲਡੀ ਬਰਾੜ ਨੇ ਪੋਸਟ ਪਾ ਕੇ ਇਸਦੀ ਜ਼ਿੰਮੇਵਾਰੀ ਲਈ ਹੈ ਪਰ ਇਸ ਨਾਲ ਇਹ ਵੱਡਾ ਸਵਾਲ ਖੜ੍ਹਾ ਹੁੰਦਾ ਹੈ ਕਿ ਇਕ ਦੂਜੇ ਦੇ ਖਾਸ ਇਹ ਦੋਵੇਂ ਗੈਂਗ ਦੁਸ਼ਮਣ ਕਿਵੇਂ ਬਣ ਗਏ ਇਸ ਪਿੱਛੇ ਕੀ ਵਜ੍ਹਾ ਹੈ। ਮੀਡਿਆ ਰਿਪੋਰਟਾਂ ਮੁਤਾਬਕ ਇਹ ਉਸ ਸਮੇਂ ਹੋਇਆ ਜਦੋਂ ਨੈਸ਼ਨਲ ਇਨਵੈਸਟੀਗੇਸ਼ਨ ਏਜੰਸੀ (ਐਨ.ਆਈ.ਏ.) ਪੰਜਾਬ ਦੇ ਗੈਂਗਸਟਰਾਂ ਦੀ ਜਾਂਚ ਵਿੱਚ ਸ਼ਾਮਲ ਹੋਈ।
ਜੇਲ੍ਹ ‘ਚ ਕਿਊ ਹੋਈ ਹਿੰਸਾ?
ਤਰਨਤਾਰਨ ਦੀ ਗੋਇੰਦਵਾਲ ਜੇਲ ‘ਚ ਬੰਦ ਜੱਗੂ ਗੈਂਗ ਦੇ ਮੋਹਨਾ ਮਾਨਸਾ, ਮਨਦੀਪ ਤੂਫਾਨ ਅਤੇ ਕੁਝ ਹੋਰ ਮੈਂਬਰਾਂ ਨੇ ਐਤਵਾਰ ਨੂੰ ਲਾਰੈਂਸ ਗੈਂਗ ‘ਤੇ ਹਮਲਾ ਕਰ ਦਿੱਤਾ। ਜਿਸ ਵਿੱਚ ਦੋਵਾਂ ਦੀ ਮਨਪ੍ਰੀਤ ਭਾਊ ਢੈਪਈ ਨਾਲ ਲੜਾਈ ਹੋ ਗਈ। ਜਿਸ ਦਾ ਬਦਲਾ ਲੈਣ ਲਈ ਲਾਰੈਂਸ ਗੈਂਗ ਨੇ ਯੋਜਨਾ ਬਣਾਈ ਸੀ। ਇਸ ਵਿੱਚ ਮੋਹਨਾ ਮਾਨਸਾ ਅਤੇ ਮਨਦੀਪ ਤੂਫਾਨ ਦਾ ਕਤਲ ਹੋ ਗਿਆ ਸੀ। ਉਸ ਦਾ ਤੀਜਾ ਸਾਥੀ ਕੇਸ਼ਵ ਗੰਭੀਰ ਹੈ। ਘਟਨਾ ਤੋਂ ਤੁਰੰਤ ਬਾਅਦ ਲਾਰੈਂਸ ਦੇ ਕਰੀਬੀ ਗੋਲਡੀ ਬਰਾੜ ਨੇ ਕਿਹਾ ਕਿ ਅਸੀਂ ਇਹ ਕਤਲ ਕਰਵਾ ਲਿਆ ਹੈ।
ਜੱਗੂ ਭਗਵਾਨਪੁਰੀਆ ਗੈਂਗ ਨਾਲ ਲਾਰੈਂਸ ਗੈਂਗ ਦੀ ਦੁਸ਼ਮਣੀ ਦੇ 3 ਵੱਡੇ ਕਾਰਨ
ਜੱਗੂ ਗੈਂਗ ਨੇ ਪੁਲਿਸ ਨੂੰ ਵੀ ਦਿੱਤੀ ਮੰਨੂ-ਰੂਪਾ ਦੀ ਸੂਚਨਾ
ਲਾਰੈਂਸ ਗੈਂਗ ਦਾ ਮੰਨਣਾ ਹੈ ਕਿ ਜੱਗੂ ਨੇ ਸਿੱਧੂ ਮੂਸੇਵਾਲਾ ਦੇ ਕਤਲ ਤੋਂ ਕੁਝ ਸਮੇਂ ਬਾਅਦ ਹੀ ਉਨ੍ਹਾਂ ਦੇ ਗੈਂਗ ਨਾਲ ਕੁੱਟਮਾਰ ਕਰਨੀ ਸ਼ੁਰੂ ਕਰ ਦਿੱਤੀ ਸੀ। ਲਾਰੈਂਸ ਗੈਂਗ ਨੂੰ ਹੁਣ ਸੂਚਨਾ ਮਿਲੀ ਸੀ ਕਿ ਜੱਗੂ, ਉਸ ਦੇ ਗੈਂਗ ਦੇ ਮੈਂਬਰ ਮਨਦੀਪ ਤੂਫਾਨ ਅਤੇ ਹੋਰਾਂ ਨੇ ਮੰਨੂ ਅਤੇ ਰੂਪਾ ਦੀ ਸੂਚਨਾ ਪੁਲਸ ਨੂੰ ਦਿੱਤੀ ਸੀ। ਇਸ ਸੂਚਨਾ ਦੇ ਆਧਾਰ ‘ਤੇ ਪੁਲਿਸ ਨੇ ਜਾਲ ਵਿਛਾ ਕੇ ਮੰਨੂੰ ਅਤੇ ਰੂਪਾ ਦਾ ਐਨਕਾਊਂਟਰ ਕੀਤਾ ਸੀ। ਮੰਨੂੰ ਤੇ ਰੂਪਾ ਨੇ ਮੂਸੇਵਾਲਾ ਨੂੰ ਗੋਲੀ ਮਾਰ ਦਿੱਤੀ।
ਜੱਗੂ ਨੇ ਵਿਰੋਧੀ ਧੜੇ ਨੂੰ ਦੇਣੇ ਸ਼ੁਰੂ ਕਰ ਦਿੱਤੇ ਹਥਿਆਰ
ਜੱਗੂ ਭਗਵਾਨਪੁਰੀਆ ਦਾ ਨਾਂ ਸਭ ਤੋਂ ਅਮੀਰ ਗੈਂਗਸਟਰਾਂ ਦੀ ਸੂਚੀ ‘ਚ ਆਉਂਦਾ ਹੈ। ਜਿਸ ਦੀ ਕਮਾਈ ਦਾ ਸਭ ਤੋਂ ਵੱਡਾ ਸਾਧਨ ਹਥਿਆਰ ਅਤੇ ਨਸ਼ੇ ਦੀ ਤਸਕਰੀ ਅਤੇ ਜਬਰੀ ਵਸੂਲੀ ਹੈ। ਲਾਰੈਂਸ ਗੈਂਗ ਨੂੰ ਸੂਚਨਾ ਮਿਲੀ ਸੀ ਕਿ ਕੁਝ ਦਿਨ ਪਹਿਲਾਂ ਸੰਦੀਪ ਨੰਗਲ ਅੰਬੀਆ ਗੈਂਗ ਨੂੰ ਜੱਗੂ ਗੈਂਗ ਵੱਲੋਂ ਹਥਿਆਰ ਮੁਹੱਈਆ ਕਰਵਾਏ ਗਏ ਸਨ। ਲਾਰੈਂਸ ਗੈਂਗ ਮਹਿਸੂਸ ਕਰ ਰਿਹਾ ਹੈ ਕਿ ਜੱਗੂ ਉਨ੍ਹਾਂ ਨਾਲ ਦੋਗਲੀ ਨੀਤੀ ਅਪਣਾ ਰਿਹਾ ਹੈ।
ਜੱਗੂ-ਲਾਰੈਂਸ ਗੈਂਗ ਵਿਚਾਲੇ NIA ਦੀ ਐਂਟਰੀ
ਇਸ ਸਭ ਦੇ ਵਿਚਕਾਰ ਐਨ.ਆਈ.ਏ. ਦਸੰਬਰ 2022 ਨੂੰ, NIA ਨੇ ਲਾਰੈਂਸ ਨੂੰ 10 ਦਿਨਾਂ ਲਈ ਰਿਮਾਂਡ ‘ਤੇ ਲਿਆ ਅਤੇ ਫਿਰ ਜਨਵਰੀ 2023 ਨੂੰ ਜੱਗੂ ਭਗਵਾਨਪੁਰੀਆ ਨੂੰ। ਇਸ ਤੋਂ ਬਾਅਦ NIA ਨੇ ਉੱਤਰੀ ਭਾਰਤ ਵਿੱਚ ਦੋ ਵੱਡੇ ਛਾਪੇ ਮਾਰੇ ਹਨ। ਜਿਸ ਵਿੱਚ ਸਭ ਤੋਂ ਵੱਡਾ ਨਿਸ਼ਾਨਾ ਜੱਗੂ, ਲਾਰੈਂਸ ਅਤੇ ਗੋਲਡੀ ਬਰਾੜ ਸਨ। ਐਕਸ਼ਨ ਕੁਝ ਦਿਨ ਪਹਿਲਾਂ ਹੋਇਆ ਸੀ, ਜਿਸ ‘ਚ NIA ਨੇ ਲਾਰੇਂਸ ਦੇ ਜ਼ਿਆਦਾਤਰ ਕਰੀਬੀ ਦੋਸਤਾਂ ਨੂੰ ਨਿਸ਼ਾਨਾ ਬਣਾਇਆ ਸੀ।
ਪੰਜਾਬ ਵਿੱਚ, NIA ਨੇ ਗਿੱਦੜਬਾਹਾ ਦੇ ਲਖਵੀਰ ਸਿੰਘ, ਅਬੋਹਰ ਦੇ ਨਰੇਸ਼, ਸੁਰਿੰਦਰ ਚੀਕੂ, ਹਰਿਆਣਾ ਦੇ ਗੁਰੂਗ੍ਰਾਮ ਦੇ ਕੌਸ਼ਲ ਚੌਧਰੀ ਅਤੇ ਅਮਿਤ ਡਾਗਰ ਤੋਂ ਇਲਾਵਾ ਯੂਪੀ ਬਾਗਪਤ ਦੇ ਸੁਨੀਲ ਰਾਠੀ, ਕੁਝ ਹਵਾਲਾ ਮੁਲਜ਼ਮਾਂ, ਹਥਿਆਰਾਂ ਦੀ ਸਪਲਾਈ ਕਰਨ ਵਾਲੇ ਅਤੇ ਕਬੱਡੀ ਖਿਡਾਰੀਆਂ ਨੂੰ ਗ੍ਰਿਫਤਾਰ ਕੀਤਾ ਹੈ। ਜਿਸ ਤੋਂ ਬਾਅਦ NIA ਨੇ ਲਾਰੇਂਸ ਅਤੇ ਗੋਲਡੀ ਬਰਾੜ ਦੇ 6 ਕਰੀਬੀ ਦੋਸਤਾਂ ਨੂੰ ਫੜਿਆ। ਲਾਰੈਂਸ ਨੂੰ ਲੱਗਦਾ ਹੈ ਕਿ ਉਸ ਦੇ ਸਾਥੀਆਂ ‘ਤੇ ਛਾਪੇਮਾਰੀ ਪਿੱਛੇ ਜੱਗੂ ਭਗਵਾਨਪੁਰੀਆ ਦਾ ਹੱਥ ਹੈ।
ਇਹ ਕਾਰਨ ਹਨ ਕਿ ਜਿਗਰੀ ਯਾਰ ਜਾਨੀ ਦੁਸ਼ਮਣ ਬਣ ਗਏ। ਬਹਿਰਹਾਲ ਹੁਣ ਪੁਲਿਸ ਨੇ ਇਸ ਗੈਂਗ ਵਾਰ ਨੂੰ ਲੈਕੇ ਕਾਰਵਾਈ ਕਰਦੇ ਹੋਏ 7 ਗੈਂਗਸਟਰਾਂ ‘ਤੇ ਕਾਰਵਾਈ ਕੀਤੀ ਹੈ ਤੇ ਮਨਪ੍ਰੀਤ ਭਾਉ, ਅੰਕਿਤ ਸੇਰਸਾ, ਸਚਿਨ ਭਿਵਾਨੀ, ਕਸ਼ਿਸ਼, ਰਾਜਿੰਦਰ ਜੋਕਰ, ਕੇਸ਼ਵ ਤੇ ਅਰਸ਼ਦ ਖਾਨ ‘ਤੇ FIR ਦਰਜ ਕਰਵਾ ਲਈ ਹੈ।
