ਅਮਰੀਕਾ ਇਸ ਸਮੇਂ ਮੌਸਮ ਦੀ ਮਾਰ ਝੱਲ ਰਿਹਾ ਹੈ।। ਬਰਫੀਲੇ ਬੰਬ ਚੱਕਰਵਾਤ ਨੇ ਲੋਕਾਂ ਦੀ ਜਿੰਦਗੀ ਮੁਸੀਬਤ ਵਿੱਚ ਪਾ ਦਿੱਤੀ ਹੈ। ਹੁਣ ਤੱਕ ਕਾਰ ਕ੍ਰੈਸ਼ , ਦਰੱਖਤ ਡਿੱਗਣ ਅਤੇ ਹੋਰ ਕਾਰਨਾਂ ਕਰਕੇ 18 ਲੋਕਾਂ ਦੀ ਜਾਨ ਜਾ ਚੁੱਕੀ ਹੈ। ਕਈ ਲੋਕ ਬੀਮਾਰ ਹਨ। ਲਗਭਗ 18 ਲੱਖ ਲੋਕ ਘਰਾਂ ਵਿੱਚ ਫੱਸੇ ਹੋਏ ਹਨ। ਇੰਟਰਨੈਸ਼ਨਲ ਏਅਰਪੋਰਟਸ ਬੰਦ ਹਨ ਅਤੇ ਹਜ਼ਾਰਾਂ ਲੋਕ ਏਅਰਪੋਰਟਸ ‘ਤੇ ਵੀ ਫੈਂਸੇ ਹਨ।
ਨ ਜੀਵਨ ਇਸ ਤਰ੍ਹਾਂ ਰੁਕਿਆ ਹੋਇਆ ਹੈ ਕਿ ਐਮਰਜੈਂਸੀ ਸਥਿਤੀ ਵਿਚ ਵੀ ਲੋਕਾਂ ਨੂੰ ਮਦਦ ਨਹੀਂ ਮਿਲ ਰਹੀ। ਨੈਸ਼ਨਲ ਵੇਦਰ ਸਰਵਿਸ ਦੇ ਮੁਤਾਬਕ ਕਈ ਸਥਾਨਾਂ ‘ਤੇ ਤਾਪਮਾਨ -48 ਡਿਗਰੀ ਤੱਕ ਹੋ ਗਿਆ ਹੈ।ਨਿਊਯਾਰਕ ਦੀ ਗਵਰਨਰ ਕੈਥੀ ਹੋਚੁਲ ਨੇ ਇਸ ਸਥਿਤੀ ‘ਤੇ ਹੈਰਾਨੀ ਪ੍ਰਗਟ ਕੀਤੀ ਹੈ ਅਤੇ ਕਿਹਾ ਹੈ ਕਿ ਕੁਦਰਤ ਸਾਡੇ ‘ਤੇ ਕਹਿਰ ਬਰਪਾ ਰਹੀ ਹੈ। ਸਭ ਕੁਝ ਬਹੁਤ ਔਖਾ ਹੋ ਰਿਹਾ ਹੈ। ਬਫੇਲੋ ਵਿੱਚ ਹਵਾ ਦੀ ਰਫ਼ਤਾਰ 80 ਮੀਲ ਪ੍ਰਤੀ ਘੰਟਾ ਹੈ।
