ਲੀਨਾ ਮਨੀਮੇਕਲਾਈ ਦੀ ਡਾਕੂਮੈਂਟਰੀ “ਕਾਲੀ” ਦੇ ਪੋਸਟਰ ਨੂੰ ਲੈ ਕੇ 2 ਜੁਲਾਈ ਤੋਂ ਵਿਵਾਦ ਚੱਲ ਰਿਹਾ ਹੈ। ਦਰਅਸਲ, ਲੀਨਾ ਨੇ ਇਸ ਡਾਕੂਮੈਂਟਰੀ ਦਾ ਪ੍ਰੀਮੀਅਰ ਕੈਨੇਡਾ ਦੇ ਟੋਰਾਂਟੋ ਵਿੱਚ ਕੀਤਾ ਸੀ। ਜਿਸ ਵਿੱਚ ਮਾਂ ਕਾਲੀ ਬਣੀ ਹੋਈ ਅਦਾਕਾਰਾ ਨੂੰ ਸਿਗਰਟ ਪੀਂਦੀ ਦਿਖਾਇਆ ਗਿਆ ਹੈ। ਮਮਤਾ ਬੈਨਰਜੀ ਨੇ ਡਾਕੂਮੈਂਟਰੀ ਕਾਲੀ ਦੇ ਪੋਸਟਰ ‘ਤੇ ਟੀਐਮਸੀ ਸੰਸਦ ਮਹੂਆ ਮੋਇਤਰਾ ਦੇ ਵਿਵਾਦਿਤ ਬਿਆਨ ‘ਤੇ ਮਹੂਆ ਨੂੰ ਨਸੀਅਤ ਦਿੱਤੀ ਹੈ। ਮਮਤਾ ਨੇ ਕਿਹਾ ਹੈ ਕਿ ਜਨਤਕ ਜੀਵਨ ਵਿੱਚ ਸਾਨੂੰ ਲੋਕਾਂ ਦੀਆਂ ਭਾਵਨਾਵਾਂ ਦਾ ਖਿਆਲ ਰੱਖਣਾ ਹੋਵੇਗਾ। ਕੁਝ ਵੀ ਕਹਿਣ ਤੋਂ ਪਹਿਲਾਂ ਸੋਚ ਵਿਚਾਰ ਕਰਨੀ ਚਾਹੀਦੀ ਹੈ।
ਦੱਸ ਦਈਏ ਕਿ ਦਿੱਲੀ ਭਾਜਪਾ ਨੇਤਾਵਾਂ ਹਰੀਸ਼ ਖੁਰਾਣਾ ਅਤੇ ਰਾਜਨ ਤਿਵਾਰੀ ਨੇ ਲੀਨਾ ਮਨੀਮੇਕਲਾਈ ਅਤੇ ਟੀਐਮਸੀ ਸੰਸਦ ਮਹੂਆ ਮੋਇਤਰਾ ਦੇ ਖਿਲਾਫ ਆਈਪੀਸੀ ਦੀ ਧਾਰਾ 295, 505(2), 153ਬੀ, 509, 120ਬੀ ਅਤੇ ਆਈਟੀ ਐਕਟ ਦੀਆਂ ਧਾਰਾਵਾਂ 66 ਅਤੇ 67 ਦੇ ਤਹਿਤ ਮਾਮਲਾ ਦਰਜ ਕਰਵਾਇਆ ਹੈ। ਇਸ ਤੋਂ ਇਲਾਵਾ ਕਰਣੀ ਸੈਨਾ ਨੇ ਜੈਪੁਰ ਦੇ ਵੈਸ਼ਾਲੀ ਨਗਰ ਥਾਣੇ ‘ਚ ‘ਕਾਲੀ’ ਦੀ ਨਿਰਦੇਸ਼ਕ ਲੀਨਾ ਮਨੀਮੇਕਲਾਈ ਦੇ ਖਿਲਾਫ ਸ਼ਿਕਾਇਤ ਦਰਜ ਕਰਵਾਈ ਹੈ।
ਦੱਸ ਦਈਏ ਕਿ ਲੀਨਾ ਨੇ ਟ੍ਰੋਲਸ ਨੂੰ ਜਵਾਬ ਦਿੰਦੇ ਹੋਏ ਇੱਕ ਹੋਰ ਪੋਸਟ ਵਿੱਚ ਲਿਖਿਆ ਕਿ- ਇਹ ਟ੍ਰੋਲਰ ਮੇਰੀ ਕਲਾਤਮਕ ਆਜ਼ਾਦੀ ਦੇ ਪਿੱਛੇ ਪਏ ਹਨ। ਜੇ ਮੈਂ ਇਨ੍ਹਾਂ ਬੇਸਮਝ ਸੱਜੇਪੱਖੀ ਗੁੰਡਿਆਂ ਤੋਂ ਡਰ ਕੇ ਆਪਣੀ ਆਜ਼ਾਦੀ ਛੱਡ ਦਿੱਤੀ, ਤਾਂ ਇਹ ਦੂਜਿਆਂ ਦੀ ਆਜ਼ਾਦੀ ਵੀ ਖੋਹ ਲੈਣਗੇ।