ਦੇਸ਼ ਵਿੱਚ ਹਰ ਰੋਜ਼ ਸਾਈਬਰ ਘੁਟਾਲੇ ਹੋ ਰਹੇ ਹਨ ਅਤੇ ਹਰ ਰੋਜ ਕੋਈ ਨਾ ਕੋਈ ਇਸ ਦਾ ਸ਼ਿਕਾਰ ਹੋ ਰਿਹਾ ਹੈ। ਜਿਆਦਾਤਰ ਲੋਕ ਲਾਲਚ ਦੇ ਕਾਰਨ ਹੀ ਇਸ ਜਾਲ ਫਸ ਜਾਂਦੇ ਹਨ। ਬਿਹਤਰ ਹੈ ਕਿ ਤੁਸੀਂ ਅਜਿਹੀਆਂ ਚੀਜ਼ਾਂ ਤੋਂ ਦੂਰ ਰਹੋ ਅਤੇ ਕਿਸੇ ਵੀ ਅਣਜਾਣ ਵਿਅਕਤੀ ਵੱਲੋ ਭੇਜੇ ਗਏ ਲਿੰਕ ਤੇ ਕਲਿਕ ਨਾ ਕਰੋ ਨਹੀਂ ਤਾਂ ਤੁਸੀਂ ਵੀ ਕਿਸੇ ਵੱਡੀ ਠੱਗੀ ਦਾ ਸ਼ਿਕਾਰ ਹੋ ਸਕਦੇ ਹੋ।
ਤਾਜ਼ਾ ਮਾਮਲਾ ਬੇਂਗਲੁਰੂ ਤੋਂ ਸਾਹਮਣੇ ਆਇਆ ਹੈ ਜਿਥੇ ਕਿ 52 ਸਾਲਾ ਮਹਿਲਾ ਉਦਯੋਗਪਤੀ ਸਾਈਬਰ ਘੁਟਾਲੇ ਦਾ ਸ਼ਿਕਾਰ ਹੋ ਗਈ। ਠੱਗਾਂ ਨੇ ਔਰਤ ਨਾਲ 2.7 ਕਰੋੜ ਰੁਪਏ ਦੀ ਠੱਗੀ ਮਾਰੀ ਹੈ। ਇਹ ਘੁਟਾਲਾ ਇੱਕ ਇੰਸਟਾਗ੍ਰਾਮ ਗਰੁੱਪ ਵਿੱਚ ਸ਼ਾਮਲ ਹੋਣ ਨਾਲ ਸ਼ੁਰੂ ਹੋਇਆ। ਇਹ ਮਾਮਲਾ 6 ਅਪ੍ਰੈਲ ਤੋਂ 22 ਅਪ੍ਰੈਲ 2024 ਦਰਮਿਆਨ ਦਾ ਹੈ । ਰਿਪੋਰਟ ਮੁਤਾਬਕ ਇਕ ਦਿਨ ਮਹਿਲਾ ਉਦਯੋਗਪਤੀ ਨੂੰ ਉਸ ਦੇ ਮੋਬਾਇਲ ‘ਤੇ ਇਕ ਮੈਸੇਜ ਆਇਆ। ਲਿੰਕ ‘ਤੇ ਕਲਿੱਕ ਕਰਨ ਤੋਂ ਬਾਅਦ, ਉਹ ਇਕ ਇੰਸਟਾਗ੍ਰਾਮ ਗਰੁੱਪ ਵਿਚ ਸ਼ਾਮਲ ਹੋ ਗਈ। ਇਸ ਗਰੁੱਪ ‘ਚ ਔਰਤ ਨੂੰ ਕਿਹਾ ਗਿਆ ਕਿ ਤੁਸੀਂ ਯੂ-ਟਿਊਬ ਵੀਡੀਓਜ਼ ਨੂੰ ਲਾਈਕ ਕਰਕੇ ਮੋਟੀ ਕਮਾਈ ਕਰ ਸਕਦੇ ਹੋ। ਇਸ ਤੋਂ ਇਲਾਵਾ ਕਈ ਤਰ੍ਹਾਂ ਦੇ ਵੱਡੇ ਇਨਾਮ ਵੀ ਮਿਲਣਗੇ।
ਕੁਝ ਦਿਨਾਂ ਬਾਅਦ ਔਰਤ ਨੂੰ ਕਿਹਾ ਗਿਆ ਕਿ ਜੇਕਰ ਉਹ ਕੁਝ ਪੈਸੇ ਦਾ ਨਿਵੇਸ਼ ਤਾਂ ਉਸ ਨੂੰ ਜਲਦੀ ਹੀ ਵੱਡਾ ਰਿਟਰਨ ਮਿਲੇਗਾ। ਇਸ ਤੋਂ ਬਾਅਦ ਔਰਤ ਨੇ ਕਈ ਵਾਰ ਕੁੱਲ 2.5 ਕਰੋੜ ਰੁਪਏ ਨਿਵੇਸ਼ ਕੀਤੇ। ਨਿਵੇਸ਼ ਤੋਂ ਬਾਅਦ ਉਸ ਨੂੰ ਕੋਈ ਰਿਟਰਨ ਨਹੀਂ ਮਿਲਿਆ। ਪੁਲਿਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ।