ਰਾਜਸਥਾਨ ‘ਚ ਕਿਸੇ ਨੇ 10-15 ਘੰਟੇ ਪਹਿਲਾਂ ਪੈਦਾ ਹੋਈ ਮਾਸੂਮ ਬੱਚੀ ਨੂੰ ਝਾੜੀਆਂ ‘ਚ ਸੁੱਟ ਦਿੱਤਾ। ਮਾਮਲਾ ਬਾੜਮੇਰ ਦੇ ਬਲੋਤਰਾ ਸ਼ਹਿਰ ਦਾ ਹੈ ਜਿਥੇ ਸਵੇਰ ਦੀ ਸੈਰ ਕਰਨ ਗਏ ਚਾਰ ਦੋਸਤਾਂ ਨੇ ਅਚਾਨਕ ਬੱਚੀ ਦੇ ਰੋਣ ਦੀ ਆਵਾਜ਼ ਸੁਣੀ ਤੇ ਉਸਨੂੰ ਓਥੋਂ ਲੈ ਗਏ ਅਤੇ ਤੁਰੰਤ ਹਸਪਤਾਲ ਦਾਖਿਲ ਕਰਵਾਇਆ। ਡਾਕਟਰਾਂ ਮੁਤਾਬਿਕ ਬੱਚੀ ਹੁਣ ਠੀਕ ਹੈ।
ਜਾਣਕਾਰੀ ਮੁਤਾਬਿਕ ਮੁਕੇਸ਼ ਕੁਮਾਰ, ਮੰਗੀਲਾਲ, ਪ੍ਰਕਾਸ਼ ਕੁਮਾਰ, ਰਾਜੂ ਕੁਮਾਰ ਚਾਰੋਂ ਦੋਸਤ ਐਤਵਾਰ ਸਵੇਰੇ ਸਵੇਰ ਦੀ ਸੈਰ ‘ਤੇ ਨਿਕਲੇ ਸਨ। ਅਚਾਨਕ ਰੇਲਵੇ ਸਟੇਸ਼ਨ ਨੇੜਿਓਂ ਲੰਘਦੇ ਸਮੇਂ ਨਵਜੰਮੇ ਬੱਚੇ ਦੇ ਰੋਣ ਦੀ ਆਵਾਜ਼ ਆਈ। ਮੁਕੇਸ਼ ਨੇ ਦੱਸਿਆ- ਅਸੀਂ ਇਧਰ-ਉਧਰ ਖੋਜ ਕੀਤੀ। ਦੇਖਿਆ ਕਿ ਝਾੜੀਆਂ ਦੇ ਵਿਚਕਾਰ ਇੱਕ ਪੈਕਟ ਪਿਆ ਸੀ। ਜਦ ਖੋਲਿਆ ਤਾਂ ਪੁਰਾਣੇ ਕੱਪੜਿਆਂ ਅਤੇ ਸ਼ਾਲ ਵਿਚ ਲਪੇਟੀ ਹੋਈ ਇਕ ਮਾਸੂਮ ਸੀ। ਇਸ ਇਲਾਕੇ ‘ਚ ਕੁੱਤੇ ਅਤੇ ਸੂਰ ਜ਼ਿਆਦਾ ਰਹਿੰਦੇ ਹਨ। ਇਸ ਲਈ ਸਾਡਾ ਪਹਿਲਾ ਉਦੇਸ਼ ਸੀ ਕਿ ਇਸ ਕੁੜੀ ਦੀ ਜਾਨ ਕਿਸੇ ਤਰ੍ਹਾਂ ਬਚਾਈ ਜਾਵੇਇਸ ਲਈ ਇਸਨੂੰ ਹਸਪਤਾਲ ਲਿਜਾਇਆ ਗਿਆ।
ਹਸਪਤਾਲ ਦੇ ਡਾਕਟਰ ਨੇ ਦੱਸਿਆ ਕਿ ਬੱਚੀ ਦਾ ਸਰੀਰ ਬਹੁਤ ਠੰਡਾ ਸੀ। ਜਿਵੇਂ ਹੀ ਨਵਜੰਮੇ ਬੱਚੇ ਨੂੰ ਹਸਪਤਾਲ ਲਿਆਂਦਾ ਗਿਆ, ਉਸ ਨੂੰ ਨਿੱਘਾ ਕਰਨਾ ਸ਼ੁਰੂ ਕਰ ਦਿੱਤਾ ਗਿਆ। ਬੱਚੀ ਦਾ ਭਾਰ ਲਗਭਗ 2.7 ਕਿਲੋ ਹੈ। ਸਿਹਤ ਠੀਕ ਹੈ। ਇਲਾਜ ਚੱਲ ਰਿਹਾ ਹੈ। ਹਸਪਤਾਲ ਲਿਆਉਣ ਤੋਂ 10-15 ਘੰਟੇ ਪਹਿਲਾਂ ਬੱਚੀ ਦਾ ਜਨਮ ਹੋਇਆ ਸੀ। ਹਸਪਤਾਲ ਦੇ ਡਾਕਟਰ ਦਾ ਕਹਿਣਾ ਹੈ ਕਿ ਬੱਚੀ ਦਾ ਚਾਈਲਡ ਕੇਅਰ ਯੂਨਿਟ ਵਿੱਚ ਇਲਾਜ ਚੱਲ ਰਿਹਾ ਹੈ। ਹਰ ਪੁਲਿਸ ਨੇ ਵੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਨੇੜਲੇ ਪ੍ਰਾਈਵੇਟ ਅਤੇ ਸਰਕਾਰੀ ਹਸਪਤਾਲਾਂ ਵਿੱਚ ਹੋਈਆਂ ਡਿਲੀਵਰੀਆਂ ਬਾਰੇ ਜਾਂਚ ਕੀਤੀ ਜਾਵੇਗੀ।