ਮਾਰੂਤੀ ਸੁਜ਼ੂਕੀ ਨੇ ਆਟੋ ਐਕਸਪੋ ਦੇ ਦੂਜੇ ਦਿਨ ਆਪਣੀ ਆਫ ਰੋਡਰ SUV ਜਿਮਨੀ ਨੂੰ ਲਾਂਚ ਕਰ ਦਿੱਤਾ ਹੈ। ਜਿਮਨੀ ਕਈ ਸਾਲਾਂ ਤੋਂ ਅੰਤਰਰਾਸ਼ਟਰੀ ਬਾਜ਼ਾਰ ਵਿੱਚ ਮੌਜੂਦ ਹੈ। ਮਾਰੂਤੀ ਇਸ ਨੂੰ ਭਾਰਤ ‘ਚ ਪਿਛਲੇ ਪੰਜ ਸਾਲਾਂ ਤੋਂ ਵੱਖ-ਵੱਖ ਈਵੈਂਟਸ ‘ਚ ਦਿਖਾ ਰਹੀ ਹੈ ਹੁਣ ਆਖਿਰਕਾਰ ਇਸਨੂੰ 2023 ‘ਚ ਲਾਂਚ ਕੀਤਾ ਗਿਆ ਹੈ। ਜਿਮਨੀ ਦਾ 4 ਵ੍ਹੀਲ ਡਰਾਈਵ ਅਤੇ 5 ਡੋਰ ਵਰਜ਼ਨ ਭਾਰਤ ‘ਚ ਲਿਆਂਦਾ ਗਿਆ ਹੈ।
ਮਾਰੂਤੀ ਦਾ ਕਹਿਣਾ ਹੈ ਕਿ ਜਿਮਨੀ ਇਸ ਸਾਲ ਦੀ ਪਹਿਲੀ ਤਿਮਾਹੀ ‘ਚ ਸੜਕਾਂ ‘ਤੇ ਦਿਖਾਈ ਦੇਵੇਗੀ। ਇਸ ਦਾ ਮਤਲਬ ਹੈ ਕਿ ਕੰਪਨੀ ਨੇ SUV ਦੇ ਉਤਪਾਦਨ ਲਈ ਪੂਰੀ ਤਿਆਰੀ ਕਰ ਲਈ ਹੈ। ਇਹ ਆਫ ਰੋਡਰ ਕਾਰ 1.5 ਲੀਟਰ, 4 ਸਿਲੰਡਰ K-15-B ਪੈਟਰੋਲ ਇੰਜਣ ਦੁਆਰਾ ਸੰਚਾਲਿਤ ਹੋਵੇਗੀ। ਇਹ 6,000 RPM ‘ਤੇ 101 BHP ਪਾਵਰ ਅਤੇ 4,000 RPM ‘ਤੇ 130 NM ਟਾਰਕ ਜਨਰੇਟ ਕਰੇਗਾ। ਕਾਰ ‘ਚ 5-ਸਪੀਡ ਮੈਨੂਅਲ ਅਤੇ 4-ਸਪੀਡ ਆਟੋਮੈਟਿਕ ਟ੍ਰਾਂਸਮਿਸ਼ਨ ਮਿਲੇਗਾ। ਕੰਪਨੀ ਨੇ ਸ਼ੁਰੂਆਤ ‘ਚ ਜਿਮਨੀ ਨੂੰ ਸੱਤ ਰੰਗਾਂ ‘ਚ ਲਾਂਚ ਕੀਤਾ ਹੈ। ਦੱਸ ਦਈਏ ਕਿ ਮਾਰੂਤੀ ਨੇ ਜਿਮਨੀ ਦੀ ਬੁਕਿੰਗ ਵੀ ਸ਼ੁਰੂ ਕਰ ਦਿੱਤੀ ਹੈ। ਕੰਪਨੀ ਇਸ ਨੂੰ ਆਪਣੀ ਪ੍ਰੀਮੀਅਮ ਡੀਲਰਸ਼ਿਪ Nexa ਰਾਹੀਂ ਵੇਚੇਗੀ। ਗਾਹਕ ਇਸ ਨੂੰ 11,000 ਰੁਪਏ ਦਾ ਭੁਗਤਾਨ ਕਰਕੇ ਬੁੱਕ ਕਰ ਸਕਦੇ ਹਨ।