ਸਮਾਰਟਫੋਨ ਬ੍ਰਾਂਡ Oppo ਨੇ ਆਪਣੀ ਨਵੀਂ ਸਮਾਰਟਫੋਨ ਸੀਰੀਜ਼ Oppo Reno 8 ਦਾ ਭਾਰਤ ‘ਚ ਵਿਸਤਾਰ ਕੀਤਾ ਹੈ। ਕੰਪਨੀ ਨੇ ਸ਼ੁੱਕਰਵਾਰ ਨੂੰ ਇਸ ਸੀਰੀਜ਼ ਦੇ ਤਹਿਤ ਇਕ ਹੋਰ ਨਵਾਂ ਫੋਨ Oppo Reno 8T 5G ਲਾਂਚ ਕੀਤਾ ਹੈ। ਕੰਪਨੀ ਦੇ ਇਸ ਲੇਟੈਸਟ ਫੋਨ ‘ਚ ਤੁਹਾਨੂੰ 108 ਮੈਗਾਪਿਕਸਲ ਦਾ ਪ੍ਰਾਇਮਰੀ ਕੈਮਰਾ ਮਿਲੇਗਾ। ਇਸ ਦੇ ਨਾਲ ਹੀ ਫੋਨ ‘ਚ 4,800mAh ਦੀ ਬੈਟਰੀ ਅਤੇ ਕਰਵਡ ਡਿਸਪਲੇਅ ਹੈ।
Oppo Reno 8T 5G ਨੂੰ ਭਾਰਤ ਵਿੱਚ ਦੋ ਕਲਰ ਆਪਸ਼ਨ ਸਨਰਾਈਜ਼ ਗੋਲਡ ਅਤੇ ਮਿਡਨਾਈਟ ਬਲੈਕ ਵਿੱਚ ਪੇਸ਼ ਕੀਤਾ ਗਿਆ ਹੈ। ਫੋਨ ਸਿੰਗਲ ਸਟੋਰੇਜ ਵਿਕਲਪ 8 ਜੀਬੀ ਰੈਮ ਦੇ ਨਾਲ 128 ਜੀਬੀ ਸਟੋਰੇਜ ਵਿੱਚ ਉਪਲਬਧ ਹੈ। ਇਸ ਦੀ ਕੀਮਤ 29,999 ਰੁਪਏ ਰੱਖੀ ਗਈ ਹੈ। ਫੋਨ ਨੂੰ ਕੰਪਨੀ ਦੀ ਅਧਿਕਾਰਤ ਵੈੱਬਸਾਈਟ ਅਤੇ ਫਲਿੱਪਕਾਰਟ ਤੋਂ ਖਰੀਦਿਆ ਜਾ ਸਕਦਾ ਹੈ। ਫ਼ੋਨ ਨੂੰ ਫਿਲਹਾਲ ਪ੍ਰੀ-ਆਰਡਰ ਲਈ ਉਪਲਬਧ ਕਰਾਇਆ ਗਿਆ ਹੈ।