ਗੁਰਮੀਤ ਅਤੇ ਦੇਬੀਨਾ ਟੀਵੀ ਦੇ ਮਸ਼ਹੂਰ ਜੋੜਿਆਂ ਵਿੱਚੋਂ ਇੱਕ ਹਨ। ਕੁਝ ਮਹੀਨੇ ਪਹਿਲਾਂ ਅਦਾਕਾਰਾ ਨੇ ਦੂਜੀ ਬੇਟੀ ਨੂੰ ਜਨਮ ਦਿੱਤਾ ਸੀ। ਹੁਣ ਦੋਵਾਂ ਨੇ ਆਪਣੀ ਦੂਜੀ ਬੇਟੀ ਦੇਵੀਸ਼ਾ ਦੀ ਝਲਕ ਦਿਖਾਈ ਹੈ। ਇਸ ਤਸਵੀਰ ‘ਚ ਦੋਵੇਂ ਆਪਣੇ ਪਿਆਰੇ ਨੂੰ ਬਾਹਾਂ ‘ਚ ਫੜੇ ਹੋਏ ਨਜ਼ਰ ਆ ਰਹੇ ਹਨ। ਦੱਸ ਦੇਈਏ ਕਿ ਦੇਬੀਨਾ ਦੀ ਦੂਜੀ ਬੇਟੀ ਦਾ ਜਨਮ ਪਿਛਲੇ ਸਾਲ ਨਵੰਬਰ ‘ਚ ਹੋਇਆ ਸੀ। ਉਨ੍ਹਾਂ ਦੀ ਬੇਟੀ ਹੁਣ ਤਿੰਨ ਮਹੀਨਿਆਂ ਦੀ ਹੈ। ਇਸ ਤਸਵੀਰ ਦੇ ਨਾਲ ਉਨ੍ਹਾਂ ਨੇ ਇੱਕ ਹੋਰ ਤਸਵੀਰ ਪੋਸਟ ਕੀਤੀ ਹੈ, ਜਿਸ ਵਿੱਚ ਅਦਾਕਾਰਾ ਦਾ ਪੂਰਾ ਪਰਿਵਾਰ ਨਜ਼ਰ ਆ ਰਿਹਾ ਹੈ। ਇਨ੍ਹਾਂ ਤਸਵੀਰਾਂ ਨੂੰ ਸ਼ੇਅਰ ਕਰਦੇ ਹੋਏ ਸਟਾਰ ਕਪਲ ਨੇ ਇੱਕ ਖ਼ਾਸ ਕੈਪਸ਼ਨ ਵੀ ਦਿੱਤਾ ਹੈ। ਪੋਸਟ ਦੀ ਕੈਪਸ਼ਨ ਵਿੱਚ ਲਿਖਿਆ ਗਿਆ ਹੈ, “Hi World! That’s my miracle baby @divishaadiva 🥰🧿
ਟੀਵੀ ਕਪਲ ਵੱਲੋਂ ਸ਼ੇਅਰ ਕੀਤੀ ਗਈ ਤਸਵੀਰ ‘ਚ ਦੇਬੀਨਾ ਤੇ ਗੁਰਮੀਤ ਨੀਲੇ ਰੰਗ ਦੀ ਡਰੈਸ ਵਿੱਚ ਟਵਨਿੰਗ ਕਰਦੇ ਹੋਏ ਨਜ਼ਰ ਆ ਰਹੇ ਹਨ। ਤਸਵੀਰ ਦੇ ਵਿੱਚ ਤੁਸੀਂ ਵੇਖ ਸਕਦੇ ਹੋ ਕਿ ਗੁਰਮੀਤ ਨੇ ਨੀਲੇ ਰੰਗ ਦਾ ਆਊਟਫਿੱਟ ਪਾਇਆ ਹੋਇਆ ਹੈ। ਉੱਥੇ ਹੀ ਦੂਜੇ ਪਾਸੇ ਦੇਬੀਨਾ ਨੇ ਵੀ ਨੀਲੇ ਰੰਗ ਦੇ ਫਲੋਰਲ ਗਾਊਨ ਅਤੇ ਨਿਊਡ ਮੇਅਕਪ ਨਾਲ ਆਪਣੇ ਲੁੱਕ ਨੂੰ ਪੂਰਾ ਕੀਤਾ ਹੈ।ਇਸ ਜੋੜੀ ਦੀ ਗੋਦ ਵਿੱਚ ਉਨ੍ਹਾਂ ਦੀਆਂ ਦੋਵੇ ਕਿਊਟ ਧੀਆਂ ਲਿਆਨਾ ਅਤੇ ਦੇਵਿਸ਼ਾ ਵੀ ਨਜ਼ਰ ਆ ਰਹੀਆਂ ਹਨ। ਲਿਆਨਾ ਲਾਈਟ ਪਿੰਕ ਰੰਗ ਦੀ ਡਰੈਸ ਅਤੇ ਦੇਵਿਸ਼ਾ ਚਿੱਟੇ ਰੰਗ ਦੀ ਖੂਬਸੂਰਤ ਡਰੈਸ ਵਿੱਚ ਬੇਹੱਦ ਪਿਆਰੀ ਨਜ਼ਰ ਆ ਰਹੀ ਹੈ। ਦੱਸ ਦਈਏ ਕਿ ਇਸ ਤੋਂ ਪਹਿਲਾਂ ਜਦੋਂ ਵੀ ਇਹ ਜੋੜੀ ਆਪਣੀ ਧੀਆਂ ਦੀ ਤਸਵੀਰ ਸ਼ੇਅਰ ਕਰਦਾ ਸੀ ਤਾਂ ਉਸ ‘ਤੇ ਈਮੋਜੀ ਲਗਾ ਦਿੰਦਾ ਸੀ। ਹੁਣ ਸ਼ੇਅਰ ਕੀਤੀਆਂ ਗਈਆਂ ਇਨ੍ਹਾਂ ਤਸਵੀਰਾਂ ਵਿੱਚ ਲਿਆਨਾ ਦੇ ਨਾਲ-ਨਾਲ ਫੈਨਜ਼ ਦੇਵਿਸ਼ਾ ਦਾ ਚਿਹਰਾ ਵੀ ਵੇਖ ਸਕਦੇ ਹਨ। ਫੈਨਜ਼ ਇਸ ਜੋੜੇ ਦੀਆਂ ਇਨ੍ਹਾਂ ਪਿਆਰੀਆਂ ਤਸਵੀਰਾਂ ਤੇ ਉਨ੍ਹਾਂ ਦੀਆਂ ਦੋਹਾਂ ਧੀਆਂ ਲਿਆਨਾ ਤੇ ਦੇਵਿਸ਼ਾ ‘ਤੇ ਖੂਬ ਪਿਆਰ ਬਰਸਾ ਰਹੇ ਹਨ।
