ਨੂਰਪੁਰਬੇਦੀ 03 ਜਨਵਰੀ 2022: ਕਾਂਗਰਸ ਲੋਕਾਂ ਦੀ ਸਰਕਾਰ ਹੈ ਨਾਂ ਕਿ ਕਿਸੇ ਵਿਅਕਤੀ ਵਿਸ਼ੇਸ਼ ਦੀ ਨਿੱਜੀ ਜਗੀਰ ਉਕਤ ਸ਼ਬਦ ਪੰਜਾਬ ਯੂਥ ਕਾਂਗਰਸ ਦੇ ਪ੍ਰਧਾਨ ਅਤੇ ਹਲਕਾ ਰੋਪੜ ਦੇ ਇੰਚਾਰਜ ਸ੍ਰ ਬਰਿੰਦਰ ਸਿੰਘ ਢਿੱਲੋਂ ਵਲੋਂ ਹਲਕੇ ਦੇ ਬਲਾਕ ਨੂਰਪੁਰਬੇਦੀ ਵਿਖੇ ਨੈਸ਼ਨਲ ਸਟੂਡੈਂਟ ਯੂਨੀਅਨ ਆਫ ਇੰਡੀਆ (ਐਨਐਸਯੂਆਈ) ਦੇ ਨਵ ਨਿਯੁਕਤ ਜ਼ਿਲ੍ਹਾ ਪ੍ਰਧਾਨ ਸਤਵੰਤ ਸਿੰਘ ਗੱਗੂ ਦੀ ਤਾਜਪੋਸ਼ੀ ਸਮਾਰੋਹ ਵਿਚ ਪੁੱਜੇ ਹਲਕੇ ਦੇ ਲੋਕਾਂ ਨੂੰ ਸੰਬੋਧਨ ਹੁੰਦਿਆਂ ਕਹੇ। ਉਹਨਾਂ ਸਤਵੰਤ ਸਿੰਘ ਗੱਗੂ ਨੂੰ ਵਿਦਿਆਰਥੀ ਵਿੰਗ ਦੇ ਨੁਮਾਇੰਦੇ ਵਜੋਂ ਅਹਿਮ ਅਹੁਦਾ ਸੰਭਾਲਣ ਦੀ ਵਧਾਈ ਦਿੰਦਿਆਂ ਨੌਜਵਾਨ ਵਰਗ ਦੀਆਂ ਮੁਸ਼ਕਿਲਾਂ ਹੱਲ ਕਰਨ ਦੀ ਜਿੰਮੇਵਾਰੀ ਲਗਾਈ।
ਸ੍ਰ ਢਿੱਲੋਂ ਨੇ ਕਿਹਾ ਕਿ ਨੌਜਵਾਨ ਦੇਸ਼ ਦੀ ਰੀੜ੍ਹ ਦੀ ਹੱਡੀ ਹਨ ਜਿਸ ਕਰਕੇ ਕਾਂਗਰਸ ਪਾਰਟੀ ਅਤੇ ਰਾਹੁਲ ਗਾਂਧੀ ਦੀ ਸੋਚ ਹਮੇਸ਼ਾਂ ਨੌਜਵਾਨਾਂ ਨੂੰ ਅੱਗੇ ਲਿਆਕੇ ਦੇਸ਼ ਦੀ ਤਰੱਕੀ ਲਈ ਕੰਮ ਕਰਨ ਦੀ ਰਹੀ ਹੈ।ਨਵ ਨਿਯੁਕਤ ਪ੍ਰਧਾਨ ਸਤਵੰਤ ਸਿੰਘ ਗੱਗੂ ਨੇ ਪਾਰਟੀ ਹਾਈਕਮਾਂਡ ਅਤੇ ਸ੍ਰ ਬਰਿੰਦਰ ਸਿੰਘ ਢਿੱਲੋਂ ਦਾ ਵਿਸ਼ੇਸ਼ ਧੰਨਵਾਦ ਕਰਦਿਆਂ ਕਿਹਾ ਕਿ ਪਾਰਟੀ ਵਲੋਂ ਲਗਾਈ ਹਰ ਜਿੰਮੇਵਾਰੀ ਨੂੰ ਉਹ ਤਨ ਮਨ ਧਨ ਨਾਲ ਨਿਭਾਉਣਗੇ ਅਤੇ ਆਉਂਦੀਆਂ ਚੋਣਾਂ ਵਿੱਚ ਰੋਪੜ ਦੀ ਜਿੱਤ ਲਈ ਵਿਦਿਆਰਥੀ ਵਿੰਗ ਅਹਿਮ ਭੂਮਿਕਾ ਨਿਭਾਵੇਗਾ।ਐਨਐਸਯੂਆਈ ਦੇ ਬਲਾਕ ਪ੍ਰਧਾਨ ਗੁਰਦੀਪ ਸਿੰਘ ਸੰਧੂ ਨੇ ਕਿਹਾ ਕਿ ਪਾਰਟੀ ਦਾ ਨੁਕਸਾਨ ਕਰਨ ਵਾਲੇ ਲੋਕਾਂ ਨੂੰ ਬੇਮਿਸਾਲ ਜਿੱਤ ਦਰਜ ਕਰਵਾਕੇ ਸਬਕ ਸਿਖਾਇਆ ਜਾਵੇਗਾ।
ਇਸ ਦੌਰਾਨ ਐਨਐਸਯੂਆਈ ਦੀ ਟੀਮ ਵਲੋਂ ਪੰਜਾਬ ਯੂਥ ਕਾਂਗਰਸ ਦੇ ਪ੍ਰਧਾਨ ਸ੍ਰ ਬਰਿੰਦਰ ਸਿੰਘ ਢਿੱਲੋਂ ਨੂੰ ਸਿਰੋਪਾ,ਯਾਦਗਾਰੀ ਚਿੰਨ੍ਹ ਅਤੇ ਸ੍ਰੀ ਸਾਹਿਬ ਭੇਂਟ ਕਰਕੇ ਸਨਮਾਨਿਤ ਕੀਤਾ ਗਿਆ ਅਤੇ ਰੁਦਰਾ ਜਨਸੇਵਾ ਸਮੂਹ ਵੱਲੋਂ ਕਰੋਨਾ ਦੌਰਾਨ ਕੀਤੇ ਵਿਸ਼ੇਸ਼ ਸਮਾਜ ਸੇਵੀ ਕਾਰਜਾਂ ਲਈ ਸ੍ਰ ਢਿੱਲੋਂ ਨੂੰ ਕਰੋਨਾ ਵਾਰੀਅਰਜ਼ ਦਾ ਖਿਤਾਬ ਦੇ ਕੇ ਸਨਮਾਨਿਤ ਕੀਤਾ ਗਿਆ।
ਇਸ ਮੌਕੇ ਡਾ ਪ੍ਰੇਮ ਚੇਅਰਮੈਨ ਬਲਾਕ ਸੰਮਤੀ,ਡਾ ਦੇਸਰਾਜ ਜ਼ਿਲ੍ਹਾ ਪ੍ਰੀਸ਼ਦ ਮੈਂਬਰ,ਜਸਬੀਰ ਸਿੰਘ ਸਸਕੋਰ,ਨਰਿੰਦਰ ਬੱਗਾ,ਕੋਆਰਡੀਨੇਟਰ ਗੁਰੂ ਸ਼ਰਨ ਪਰਮਾਰ,ਡਾ ਅੱਛਰ ਸ਼ਰਮਾ,ਪ੍ਰਵੇਸ਼ ਸੋਨੀ,ਭੁਪਿੰਦਰ ਸਿੰਘ ਚਨੋਲੀ,ਵਿਜੈ ਕੁਮਾਰ ਪਿੰਕਾ,ਨੰਬਰਦਾਰ ਜਰਨੈਲ ਸਿੰਘ,ਵਿੱਕੀ ਪਲਾਟਾ,ਮਨਜੀਤ ਸਿੰਘ ਨਟ,ਨਰੇਸ਼ ਚੋਧਰੀ ਜ਼ਿਲ੍ਹਾ ਪ੍ਰੀਸ਼ਦ ਮੈਂਬਰ,ਪ੍ਰੀਤਮ ਸਿੰਘ ਮਾਵਾ,ਗੁਰਬਖਸ਼ ਸਿੰਘ ਮਾਵਾ,ਸਰਪੰਚ ਗੁਰਮੀਤ ਸਿੰਘ ਬਾੜੀਆਂ,ਕਰਨ ਰੰਧਾਵਾ ਤੋਂ ਇਲਾਵਾ ਵਡੀ ਗਿਣਤੀ ਵਿੱਚ ਯੂਥ ਵਲੰਟੀਅਰ ਹਾਜ਼ਰ ਸਨ।
