ਮੰਡੀ ਗੋਬਿੰਦਗੜ੍ਹ ਵਿਖੇ ਮਕਾਨ ਮਾਲਕਾਂ ਨੂੰ ਜਹਿਰੀਲੀ ਚੀਜ਼ ਖਿਲਾ ਕੇ ਘਰ ਦਾ ਰਸੋਈਆ ਗਹਿਣੇ ਅਤੇ ਕੈਸ਼ ਲੈਕੇ ਫਰਾਰ ਹੋ ਗਿਆ। ਪੁਲਿਸ ਮਾਮਲੇ ਦੀ ਜਾਂਚ ਵਿਚ ਜੁਟੀ ਹੋਈ ਹੈ। ਘਟਨਾਂ ਤੋਂ ਬਾਅਦ ਮੋਟਰਸਾਇਕਲ ‘ਤੇ ਫਰਾਰ ਹੁੰਦੇ ਚੋਰਾਂ ਦੀ ਸੀਸੀਟੀਵੀ ਫੁਟੇਜ ਵੀ ਸਾਹਮਣੇ ਆਈ ਹੈ। ਘਟਨਾ ਸਬੰਧੀ ਪੀੜਤ ਪਰਿਵਾਰ ਦੇ ਰਿਸ਼ਤੇਦਾਰ ਨਰਿੰਦਰ ਢੰਡ ਨੇ ਦੱਸਿਆ ਕਿ ਬੀਤੀ ਰਾਤ ਕਰੀਬ 9 ਵਜੇ ਉਸਦੇ ਭਰਾ ਦੇ ਮੁੰਡੇ ਦਾ ਫੋਨ ਉਨ੍ਹਾਂ ਨੂੰ ਆਇਆ ਸੀ ਕਿ ਮੰਮੀ ਪਾਪਾ ਫੋਨ ਨਹੀਂ ਚੁੱਕ ਰਹੇ ਜਦੋਂ ਨਰਿੰਦਰ ਘਰ ਜਾਕੇ ਦੇਖਿਆ ਤਾਂ ਭਰਾ ਭਰਜਾਈ ਅਤੇ ਘਰ ਦਾ ਚੌਂਕੀਦਾਰ ਬੇਹੋਸ਼ ਪਏ ਸਨ ਅਤੇ ਘਰ ਦਾ ਸਮਾਨ ਖਿਲਰਿਆ ਪਿਆ ਸੀ। ਜਿਸ ਤੋਂ ਬਾਅਦ ਉਸਨੇ ਤੁਰੰਤ ਪੁਲਿਸ ਨੂੰ ਫ਼ੋਨ ਕਰ ਘਟਨਾ ਦੀ ਜਾਣਕਾਰੀ ਦਿੱਤੀ। ਪੁਲਿਸ ਨੇ ਕਾਰਵਾਈ ਕਰਦੇ ਹੋਏ ਡੀਐਸਪੀ ਅਮਲੋਹ ਅਤੇ ਥਾਣਾ ਮੰਡੀ ਗੋਬਿੰਦਗੜ੍ਹ ਦੇ ਐਸਐਚਓ ਮੌਕੇ ‘ਤੇ ਪੁਲਿਸ ਪਾਰਟੀ ਨਾਲ ਪਹੁੰਚ ਗਏ ਅਤੇ ਜਿਨ੍ਹਾਂ ਜਾਂਚ ਸ਼ੁਰੂ ਕਰ ਦਿੱਤੀ। ਘਰ ਵਿੱਚੋ ਉਕਤ ਲੁਟੇਰੇ ਕੁੱਝ ਕੈਸ਼ ਲੈਕੇ ਫ਼ਰਾਰ ਹੋਏ ਹਨ ਇਸ ਦੀ ਉਨ੍ਹਾਂ ਨੂੰ ਕੋਈ ਜਾਣਕਾਰੀ ਨਹੀਂ ਸੀ। ਇਸ ਦੀ ਜਾਣਕਾਰੀ ਪਰਿਵਾਰਿਕ ਮੈਬਰ ਹੋਸ਼ ਵਿੱਚ ਆਉਣ ‘ਤੇ ਹੀ ਦੱਸ ਸਕਦੇ ਹਨ। ਉਥੇ ਹੀ ਐਸਐਚਓ ਆਕਾਸ਼ ਦੱਤ ਨੇ ਦੱਸਿਆ ਕਿ ਇਸ ਮਾਮਲੇ ਵਿੱਚ ਮੁਕਦਮਾ ਦਰਜ਼ ਕਰ ਅਗਲੀ ਕਰਵਾਈ ਸ਼ੁਰੂ ਕਰ ਦਿੱਤੀ ਹੈ।