ਚੰਡੀਗੜ੍ਹ: ਪੰਜਾਬ ‘ਚ ਕੋਰੋਨਾ ਨਾਲ ਹਾਲਾਤ ਲਗਾਤਾਰ ਵਿਗੜਦੇ ਜਾ ਰਹੇ ਹਨ। ਕਈ ਦਿਨਾਂ ਦੀ ਰਾਹਤ ਤੋਂ ਬਾਅਦ ਇਕਦਮ ਮਾਮਲਿਆਂ ‘ਚ ਵਾਧਾ ਹੋਇਆ ਹੈ। ਸਿਹਤ ਵਿਭਾਗ ਦੀ ਰਿਪੋਰਟ ਮੁਤਾਬਕ ਮੰਗਲਵਾਰ ਨੂੰ ਪਹਿਲੀ ਵਾਰੀ ਸੂਬੇ ’ਚ ਕੋਰੋਨਾ ਦੇ 1027 ਨਵੇਂ ਕੇਸ ਮਿਲੇ ਹਨ ਤੇ 2 ਲੋਕਾਂ ਦੀਆਂ ਮੌਤ ਵੀ ਹੋਈ ਹੈ। ਸੂਬੇ ’ਚ ਪਾਜ਼ੇਟਿਵਿਟੀ ਦਰ 6.49 ਫ਼ੀਸਦੀ ਹੋ ਗਈ ਹੈ। ਪਟਿਆਲੇ ’ਚ ਸਭ ਤੋਂ ਜ਼ਿਆਦਾ 366, ਮੋਹਾਲੀ ’ਚ 149, ਲੁਧਿਆਣੇ ’ਚ 103, ਪਠਾਨਕੋਟ ’ਚ 88 ਤੇ ਜਲੰਧਰ ’ਚ 85 ਕੇਸ ਮਿਲੇ।
ਦੋ ਦਿਨਾਂ ’ਚ 122 ਡਾਕਟਰ ਤੇ ਮੈਡੀਕਲ ਵਿਦਿਆਰਥੀਆਂ ਦੀ ਰਿਪੋਰਟ ਪਾਜ਼ੇਟਿਵ ਆਈ ਹੈ। ਉੱਥੇ ਲੁਧਿਆਣਾ ’ਚ ਵੀ ਚਾਰ ਡਾਕਟਰ ਤੇ 41 ਨਰਸਿੰਗ ਵਿਦਿਆਰਥਣਾਂ ਪਾਜ਼ੇਟਿਵ ਆਈਆਂ। ਕੋਵਿਡ ਨੂੰ ਲੈ ਕੇ ਸਿਹਤ ਵਿਭਾਗ ਦੇ ਨੋਡਲ ਅਧਿਕਾਰੀ ਡਾ. ਰਾਜੇਸ਼ ਭਾਸਕਰ ਨੇ ਕਿਹਾ ਕਿ ਬੁੱਧਵਾਰ ਤੋਂ ਪਟਿਆਲਾ ’ਚ ਜਿਨੋਮ ਸੀਕੁਐਂਸਿੰਗ ਟੈਸਟ ਸ਼ੁਰੂ ਹੋਣਗੇ।
