ਪੱਛਮੀ ਬੰਗਾਲ ਦੀ ਮੁੱਖ ਮੰਤਰੀ ਮਮਤਾ ਬੈਨਰਜੀ ਦੀ ਪਾਰਟੀ ਆਲ ਇੰਡੀਆ ਤ੍ਰਿਣਮੂਲ ਕਾਂਗਰਸ (ਟੀਐਮਸੀ) ਦਾ ਟਵਿੱਟਰ ਅਕਾਊਂਟ ਹੈਕ ਹੋ ਗਿਆ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਮੰਗਲਵਾਰ ਤੜਕੇ ਟੀਐਮਸੀ ਦਾ ਟਵਿਟਰ ਅਕਾਊਂਟ ਹੈਕ ਕਰ ਲਿਆ ਗਿਆ।
ਹੈਕਰਾਂ ਨੇ ਪਾਰਟੀ ਦੇ ਵੈਰੀਫਾਈਡ ਖਾਤੇ ਦਾ ਨਾਂ ਬਦਲ ਕੇ ‘ਯੁੱਗ ਲੈਬ’ ਕਰ ਦਿੱਤਾ। ਨਾਮ ਦੇ ਨਾਲ ਡਿਸਪਲੇ ਪਿਕਚਰ ਨੂੰ ਵੀ ਬਦਲਿਆ ਗਿਆ ਹੈ। ਲੋਗੋ ਕਾਲੇ ਫੌਂਟ ‘ਚ ‘Y’ ਦੀ ਸ਼ਕਲ ‘ਚ ਦਿਖਾਈ ਦਿੱਤਾ। ਆਲ ਇੰਡੀਆ ਤ੍ਰਿਣਮੂਲ ਕਾਂਗਰਸ ਨੇ ਅਜੇ ਤੱਕ ਇਸ ਬਾਰੇ ਕੋਈ ਅਧਿਕਾਰਤ ਬਿਆਨ ਜਾਰੀ ਨਹੀਂ ਕੀਤਾ ਹੈ।
