ਨਵੀਂ ਦਿੱਲੀ: ਪਿਛਲੇ ਦਿਨੀਂ ਆਪਣੀ ਨਿੱਜੀ ਜ਼ਿੰਦਗੀ ‘ਚ ਉਤਰਾਅ-ਚੜ੍ਹਾਅ ਦਾ ਸਾਹਮਣਾ ਕਰਨ ਵਾਲੀ ਅਦਾਕਾਰਾ ਸ਼ਿਲਪਾ ਸ਼ੈੱਟੀ ਆਪਣੇ ਪਤੀ ਰਾਜ ਕੁੰਦਰਾ ਨਾਲ ਸਾਈਂ ਦਰਬਾਰ ‘ਚ ਸ਼ਾਮਲ ਹੋਣ ਲਈ ਸ਼ਿਰਡੀ ਪਹੁੰਚੀ। ਇਸ ਤੋਂ ਪਹਿਲਾਂ ਦੋਵੇਂ ਸਪਤਸ਼੍ਰਿੰਗੀ ਮੰਦਰ ‘ਚ ਦੇਵੀ ਦੇ ਦਰਸ਼ਨ ਕਰਦੇ ਨਜ਼ਰ ਆਏ ਸਨ। ਇੰਝ ਲੱਗਦਾ ਹੈ ਕਿ ਪਤੀ-ਪਤਨੀ ਇੰਨੀ ਦਿਨੀਂ ਮੰਦਰਾਂ ਦੇ ਦਰਸ਼ਨਾਂ ਲਈ ਨਿਕਲੇ ਹੋਏ ਹਨ। ਮੰਨਿਆ ਜਾ ਰਿਹਾ ਹੈ ਕਿ ਸ਼ਿਲਪਾ ਸ਼ੈੱਟੀ ਆਪਣੀ ਭੈਣ ਸ਼ਮਿਤਾ ਸ਼ੈੱਟੀ ਲਈ ਪ੍ਰਾਰਥਨਾ ਕਰਨ ਲਈ ਮੰਦਰ ਗਈ ਹੈ। ਸ਼ਮਿਤਾ ਇਸ ਸਮੇਂ ਬਿੱਗ ਬੌਸ ਦੇ ਘਰ ਵਿੱਚ ਹੈ ਅਤੇ ਜਲਦੀ ਹੀ ਬਿੱਗ ਬੌਸ 15 ਦਾ ਫਿਨਾਲੇ ਵੀ ਹੋਣ ਵਾਲਾ ਹੈ।
ਸ਼ਿਲਪਾ ਸ਼ੈੱਟੀ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ਤੋਂ ਸ਼ਿਰਡੀ ਸਾਈਂ ਮੰਦਰ ਦੇ ਅੰਦਰ ਦਾ ਇੱਕ ਵੀਡੀਓ ਸ਼ੇਅਰ ਕੀਤਾ ਹੈ। ਵੀਡੀਓ ‘ਚ ਸ਼ਿਲਪਾ ਸ਼ੈੱਟੀ ਪਿੰਕ ਕਲਰ ਦੀ ਸਲਵਾਰ ਕਮੀਜ਼ ਪਹਿਨੀ ਪਤੀ ਰਾਜ ਕੁੰਦਰਾ ਨਾਲ ਨਜ਼ਰ ਆ ਰਹੀ ਹੈ। ਦੋਵੇਂ ਪਤੀ-ਪਤਨੀ ਸ਼ਿਰਡੀ ਦੇ ਸਾਈਂ ਬਾਬਾ ਦੇ ਦਰਬਾਰ ‘ਚ ਪੂਜਾ ਕਰਦੇ ਨਜ਼ਰ ਆ ਰਹੇ ਹਨ। ਇਸ ਵੀਡੀਓ ਨੂੰ ਪੋਸਟ ਕਰਦੇ ਹੋਏ ਸ਼ਿਲਪਾ ਨੇ ਕੈਪਸ਼ਨ ‘ਚ ਲਿਖਿਆ, ‘ਸਭ ਕਾ ਮਾਲਿਕ ਏਕ ਹੈ, ਸ਼ਰਧਾ ਔਰ ਸਬੁਰੀ, ਓਮ ਸਾਈ ਰਾਮ’।
https://www.instagram.com/p/CYWJoG9hCHL/
ਹਾਲ ਹੀ ‘ਚ ਇਕ ਵੀਡੀਓ ਕਾਲ ਰਾਹੀਂ ਬਿੱਗ ਬੌਸ ਨਾਲ ਜੁੜੀ ਸ਼ਿਲਪਾ ਨੇ ਕਿਹਾ ਸੀ ਕਿ ਸ਼ਮਿਤਾ ਪਹਿਲਾਂ ਹੀ ਉਨ੍ਹਾਂ ਲਈ ਵਿਜੇਤਾ ਹੈ ਅਤੇ ਉਨ੍ਹਾਂ ਨੂੰ ਮਾਣ ਹੈ ਕਿ ਸ਼ਮਿਤਾ ਉਨ੍ਹਾਂ ਦੀ ਭੈਣ ਹੈ।
