ਗੋਆ ‘ਚ ਮਹਾਦੇਈ ਵਾਈਲਡਲਾਈਫ ਸੈਂਚੂਰੀ ‘ਚ ਪਿਛਲੇ ਕੁਝ ਦਿਨਾਂ ਤੋਂ ਅੱਗ ਲੱਗੀ ਹੋਈ ਹੈ। ਗੋਆ ਦੇ ਉੱਤਰ ਪੂਰਬੀ ਖੇਤਰ ‘ਚ ਸਥਿਤ ਇਹ ਸੈੰਕਚੂਰੀ ਕਰਨਾਟਕ ਦੀ ਸਰਹੱਦ ‘ਤੇ ਸਥਿਤ ਹੈ ਅਤੇ ਪਿਛਲੇ ਛੇ ਦਿਨਾਂ ਤੋਂ ਅੱਗ ਲੱਗੀ ਹੋਈ ਹੈ। ਹੁਣ ਇਹ ਅੱਗ ਸੈਂਚੂਰੀ ਦੇ ਕਈ ਹਿੱਸਿਆਂ ਵਿੱਚ ਫੈਲ ਚੁੱਕੀ ਹੈ, ਜਿਸ ਤੋਂ ਬਾਅਦ ਜਲ ਸੈਨਾ ਦੀ ਮਦਦ ਲੈਣ ਦਾ ਫੈਸਲਾ ਕੀਤਾ ਗਿਆ ਹੈ। ਜਲ ਸੈਨਾ ਦੇ ਹੈਲੀਕਾਪਟਰ ‘ਲਾਰਜ ਏਰੀਆ ਏਰੀਅਲ ਲਿਕਵਿਡ ਡਿਸਪਰਸ਼ਨ ਉਪਕਰਣ’ ਨਾਲ ਉਡਾਣਾਂ ਭਰਨਗੇ। ਰੱਖਿਆ ਮੰਤਰਾਲੇ ਦੇ ਅਧਿਕਾਰੀਆਂ ਨੇ ਵੀਰਵਾਰ ਨੂੰ ਇਹ ਜਾਣਕਾਰੀ ਦਿੱਤੀ।
ਭਾਰਤੀ ਜਲ ਸੈਨਾ ਦੇ ਗੋਆ ਨੇਵਲ ਏਰੀਆ ਨੇ ਟਵੀਟ ਕੀਤਾ ਕਿ ਸਥਾਨਕ ਪ੍ਰਸ਼ਾਸਨ ਦੀ ਮਦਦ ਲਈ ਵੀਰਵਾਰ ਨੂੰ ਵੀ ਨੇਵੀ ਦੇ ਹੈਲੀਕਾਪਟਰ ਉਡਾਣ ਭਰਨਗੇ। ਭਾਰਤੀ ਜਲ ਸੈਨਾ ਦੇ ਹੈਲੀਕਾਪਟਰਾਂ ਨੇ 7 ਅਤੇ 8 ਮਾਰਚ ਨੂੰ ਵੀ ਉਡਾਣ ਭਰੀ ਸੀ। ਕੋਰਟੇਲਿਮ ਅਤੇ ਮੋਰਲੇਮ ਵਰਗੇ ਇਲਾਕਿਆਂ ‘ਚ ਅੱਗ ‘ਤੇ ਕਾਬੂ ਪਾਉਣ ਲਈ ਲਗਭਗ 17 ਟਨ ਪਾਣੀ ਦਾ ਛਿੜਕਾਅ ਕੀਤਾ ਗਿਆ ਪਰ ਅਜੇ ਤੱਕ ਅੱਗ ‘ਤੇ ਕਾਬੂ ਨਹੀਂ ਪਾਇਆ ਜਾ ਸਕਿਆ ਹੈ।