ਆਸਕਰ 2023 ਭਾਰਤ ਲਈ ਬਹੁਤ ਖਾਸ ਰਿਹਾ ਹੈ। ਇਸ ਵਾਰ ਐਸਐਸ ਰਾਜਾਮੌਲੀ ਦੀ ਫਿਲਮ ‘ਆਰਆਰਆਰ’ ਨੇ ਇਤਿਹਾਸ ਰਚ ਦਿੱਤਾ ਹੈ। ਇਸ ਦੇ ਗੀਤ ‘ਨਾਟੂ-ਨਾਟੂ’ ਨੂੰ ਸਰਵੋਤਮ ਮੂਲ ਸ਼੍ਰੇਣੀ ਵਿੱਚ ਸਨਮਾਨਿਤ ਕੀਤਾ ਗਿਆ ਹੈ। ਇਹ ਪਹਿਲੀ ਵਾਰ ਹੈ ਜਦੋਂ ਭਾਰਤੀ ਸਿਨੇਮਾ ਦੀ ਕਿਸੇ ਫਿਲਮ ਨੇ ਇਸ ਸ਼੍ਰੇਣੀ ਵਿੱਚ ਆਸਕਰ ਜਿੱਤਿਆ ਹੈ। ਲਘੂ ਫਿਲਮ ‘ਦ ਐਲੀਫੈਂਟ ਵਿਸਪਰਸ’ ਨੇ ਸਰਵੋਤਮ ਡਾਕੂਮੈਂਟਰੀ ਦਾ ਆਸਕਰ ਜਿੱਤਿਆ ਹੈ। ਇਸ ਦੌਰਾਨ ਜਦੋਂ ਬਾਲੀਵੁੱਡ ਅਭਿਨੇਤਾ ਸਿਧਾਰਥ ਮਲਹੋਤਰਾ ਤੋਂ ਆਸਕਰ ਐਵਾਰਡ ਜਿੱਤਣ ਨੂੰ ਲੈ ਕੇ ਮੀਡੀਆ ਵੱਲੋਂ ਸਵਾਲ ਕੀਤਾ ਗਿਆ ਤਾਂ ਅਦਾਕਾਰ ਨੇ ਬਹੁਤ ਹੀ ਅਜੀਬ ਤਰੀਕੇ ਨਾਲ ਪ੍ਰਤੀਕਿਰਿਆ ਦਿੱਤੀ, ਜਿਸ ਤੋਂ ਬਾਅਦ ਸੋਸ਼ਲ ਮੀਡੀਆ ‘ਤੇ ਲੋਕ ਉਨ੍ਹਾਂ ਦੀ ਆਲੋਚਨਾ ਕਰ ਰਹੇ ਹਨ। ਦਰਅਸਲ ਪਿਛਲੇ ਦਿਨੀਂ ਸਿਧਾਰਥ ਨੂੰ ਏਅਰਪੋਰਟ ‘ਤੇ ਸਪਾਟ ਕੀਤਾ ਗਿਆ ਸੀ। ਜਿਸ ਦੀ ਇੱਕ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਹੀ ਹੈ।
ਐਕਟਰ ਕਾਹਲੀ ‘ਚ ਨਜ਼ਰ ਆ ਰਹੇ ਹਨ। ਇਸ ਦੌਰਾਨ ਪਾਪਰਾਜ਼ੀ ਨੇ ਉਸ ਤੋਂ ਫਿਲਮ ‘ਆਰਆਰਆਰ’ ਦੇ ਗੀਤ ਨਾਟੂ ਨਾਟੂ ਅਤੇ ‘ਦ ਐਲੀਫੈਂਟ ਵਿਸਪਰਸ’ ਲਈ ਮਿਲੇ ਆਸਕਰ ਬਾਰੇ ਸਵਾਲ ਕੀਤੇ। ਜਿਸ ‘ਤੇ ਅਦਾਕਾਰ ਨੇ ਕਿਹਾ ਕਿ ਇੱਥੇ ‘ਪ੍ਰੈੱਸ ਕਾਨਫਰੰਸ ਥੋੜੀ ਚੱਲ ਰਹੀ ਹੈ!’ ਸਿਧਾਰਥ ਮਲਹੋਤਰਾ ਦੇ ਇਸ ਵੀਡੀਓ ‘ਤੇ ਮਿਲੀ-ਜੁਲੀ ਟਿੱਪਣੀਆਂ ਦੇਖਣ ਨੂੰ ਮਿਲ ਰਹੀਆਂ ਹਨ। ਜਿੱਥੇ ਕੁਝ ਲੋਕ ਅਭਿਨੇਤਾ ਨੂੰ ਟ੍ਰੋਲ ਕਰ ਰਹੇ ਹਨ, ਉੱਥੇ ਹੀ ਕੁਝ ਉਸ ਦੇ ਬਚਾਅ ‘ਚ ਵੀ ਆਏ ਹਨ। ਇੱਕ ਯੂਜ਼ਰ ਨੇ ਲਿਖਿਆ ਕਿ ‘ਉਹ ਜਲਦਬਾਜ਼ੀ ਵਿੱਚ ਸੀ, ਫਿਰ ਵੀ ਉਸ ਨੇ ਇਹ ਗੱਲ ਹਲਕੇ-ਫੁਲਕੇ ਅਤੇ ਮਜ਼ਾਕ ਵਿੱਚ ਕਹੀ ਹੈ।’ ਇੱਕ ਯੂਜ਼ਰ ਨੇ ਲਿਖਿਆ ਕਿ ‘ਉਸ ਨੂੰ ਹਰ ਚੀਜ਼ ਵਿੱਚ ਪਰੇਸ਼ਾਨੀ ਹੈ।’ ਇੱਕ ਯੂਜ਼ਰ ਨੇ ਲਿਖਿਆ ਕਿ ‘ਫਿਲਮ ਚੱਲ ਨਹੀਂ ਰਹੀ ਹੈ , ਇਸ ਲਈ ਇਹ ਅਜਿਹਾ ਰਵੱਈਆ ਦਿਖਾ ਰਿਹਾ ਹੈ।
