ਹੌਂਡਾ ਮੋਟਰਸਾਈਕਲ ਐਂਡ ਸਕੂਟਰ ਇੰਡੀਆ (HMSI) ਅੱਜ ਆਪਣੀ ਸਭ ਤੋਂ ਸਸਤੀ ਬਾਈਕ ਪੇਸ਼ ਕਰਨ ਜਾ ਰਹੀ ਹੈ। ਨਵੀਂ ਬਾਈਕ ਦੇ ਜ਼ਰੀਏ ਹੌਂਡਾ ਐਂਟਰੀ-ਲੇਵਲ ਕਮਿਊਟਰ ਮੋਟਰਸਾਈਕਲ ਸੈਗਮੈਂਟ ‘ਚ ਹੀਰੋ ਮੋਟੋਕਾਰਪ ਨਾਲ ਮੁਕਾਬਲਾ ਕਰਨਾ ਚਾਹੁੰਦੀ ਹੈ। ਇਹ ਬਾਈਕ ਦੇਸ਼ ‘ਚ ਸਭ ਤੋਂ ਜ਼ਿਆਦਾ ਵਿਕਣ ਵਾਲੀ Hero Splendor, HF Deluxe ਅਤੇ Bajaj Platina ਨੂੰ ਮੁਕਾਬਲਾ ਦੇਵੇਗੀ।
ਮੀਡੀਆ ਰਿਪੋਰਟਸ ਮੁਤਾਬਿਕ ਇਸ ਬਾਈਕ ਦਾ ਨਾਂ ‘Honda Shine 100’ ਹੋ ਸਕਦਾ ਹੈ। ਇਹ ਬਾਈਕ ਕੰਪਨੀ ਦੀ ਮਸ਼ਹੂਰ Honda Shine 125cc ਦਾ ਛੋਟਾ ਵਰਜ਼ਨ ਹੋਵੇਗੀ। ਕੰਪਨੀ ਨੇ ਹਾਲ ਹੀ ‘ਚ ਸੋਸ਼ਲ ਮੀਡੀਆ ਪਲੇਟਫਾਰਮ ‘ਤੇ ਬਾਈਕ ਦੀ ਮਾਰਕੀਟਿੰਗ ਵੀਡੀਓ ‘ਘੱਟ ਖਰਚਾ, ਜ਼ਿਆਦਾ ਚਰਚਾ’ ਦੀ ਟੈਗਲਾਈਨ ਨਾਲ ਜਾਰੀ ਕੀਤੀ ਹੈ। ਇਸ ਵਿੱਚ 100cc ਸਿੰਗਲ-ਸਿਲੰਡਰ, ਏਅਰ-ਕੂਲਡ, ਫਿਊਲ-ਇੰਜੈਕਟਿਡ ਇੰਜਣ ਮਿਲੇਗਾ ਜੋ RDE ਅਨੁਕੂਲ ਹੋਵੇਗਾ ਅਤੇ E20 ਈਂਧਨ ‘ਤੇ ਚੱਲੇਗਾ। ਬਾਈਕ ਦੀ ਕੀਮਤ 70,000 (ਐਕਸ-ਸ਼ੋਰੂਮ) ਦੇ ਕਰੀਬ ਹੋਣ ਦੀ ਉਮੀਦ ਹੈ।