ਤਾਪਸੀ ਪੰਨੂ ਨੂੰ ਬਾਲੀਵੁੱਡ ਦੀ ਧਾਕੜ ਗਰਲ ਕਿਹਾ ਜਾਂਦਾ ਹੈ। ਉਸ ਦੇ ਅੰਦਾਜ਼ ‘ਚ ਦਰਸ਼ਕ ਕਾਫੀ ਪਸੰਦ ਕਰਦੇ ਹਨ। ਕਦੇ ਉਹ ਆਪਣੇ ਬੇਬਾਕ ਬਿਆਨਾਂ ਲਈ ਚਰਚਾ ‘ਚ ਰਹਿੰਦੀ ਹੈ ਤਾਂ ਕਦੇ ਆਪਣੇ ਫੈਸ਼ਨ ਸੈਂਸ ਲਈ। ਹਾਹਾਲ ਹੀ ‘ਚ ਤਾਪਸੀ ਨਾਲ ਕੁਝ ਅਜਿਹਾ ਹੋਇਆ ਹੈ ਕਿ ਯੂਜ਼ਰਸ ਉਸ ਨੂੰ ਬੁਰੀ ਤਰ੍ਹਾਂ ਟ੍ਰੋਲ ਕਰ ਰਹੇ ਹਨ। ਲੋਕ ਤਾਪਸੀ ਪੰਨੂ ‘ਤੇ ਗੁੱਸੇ ‘ਚ ਹਨ। ਲੋਕਾਂ ਨੇ ਤਾਪਸੀ ਪੰਨੂ ‘ਤੇ ਹਿੰਦੂ ਦੇਵੀ ਦਾ ਅਪਮਾਨ ਕਰਨ ਦਾ ਦੋਸ਼ ਲਗਾਇਆ ਹੈ। ਤਾਪਸੀ ਪੰਨੂ ਨੇ ਹਾਲ ਹੀ ਵਿੱਚ ਲੈਕਮੇ ਫੈਸ਼ਨ ਵੀਕ ਵਿੱਚ ਰੈਂਪ ਵਾਕ ਦੌਰਾਨ ਇੱਕ ਹਾਰ ਪਹਿਨਿਆ ਸੀ, ਪਰ ਇਹ ਹਾਰ ਉਸ ਲਈ ਇੱਕ ਸਮੱਸਿਆ ਬਣ ਗਿਆ। ਦਰਅਸਲ, ਤਾਪਸੀ ਪੰਨੂ ਨੇ ਲੈਕਮੇ ਫੈਸ਼ਨ ਵੀਕ ਦੌਰਾਨ ਲਾਲ ਰੰਗ ਦੀ ਡੀਪਨੇਕ ਡਰੈੱਸ ਪਾਈ ਸੀ। ਤਾਪਸੀ ਨੇ ਲਾਲ ਰੰਗ ਦੀ ਬੋਲਡ ਡੀਪਨੇਕ ਡਰੈੱਸ ਦੇ ਨਾਲ ਮਾਤਾ ਲਕਸ਼ਮੀ ਦੀ ਮੂਰਤੀ ਦਾ ਹਾਰ ਪਹਿਨਿਆ ਸੀ।
ਜਦੋਂ ਅਭਿਨੇਤਰੀ ਨੇ ਫੈਸ਼ਨ ਵੀਕ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ ‘ਤੇ ਸ਼ੇਅਰ ਕੀਤੀਆਂ ਤਾਂ ਉਨ੍ਹਾਂ ਦੇ ਲੁੱਕ ਦੀ ਤਾਰੀਫ ਕਰਨ ਦੀ ਬਜਾਏ ਲੋਕ ਗੁੱਸੇ ‘ਚ ਆ ਗਏ ਅਤੇ ਤਾਪਸੀ ਪੰਨੂ ‘ਤੇ ਹਿੰਦੂ ਦੇਵੀ ਦਾ ਅਪਮਾਨ ਕਰਨ ਦਾ ਦੋਸ਼ ਲਗਾਇਆ। ਤਾਪਸੀ ਪੰਨੂ ਦੁਆਰਾ ਪਹਿਨੇ ਗਏ ਗਹਿਣਿਆਂ ‘ਤੇ ਮਾਂ ਲਕਸ਼ਮੀ ਦੀ ਤਸਵੀਰ ਹੈ। ਜਿਵੇਂ ਹੀ ਉਸ ਨੇ ਇਸ ਅੰਦਾਜ਼ ‘ਚ ਆਪਣੀਆਂ ਤਸਵੀਰਾਂ ਸ਼ੇਅਰ ਕੀਤੀਆਂ ਤਾਂ ਲੋਕਾਂ ਨੇ ਉਸ ਨੂੰ ਅਜਿਹੇ ਗਹਿਣੇ ਪਹਿਨਣ ਤੇ ਖੂਬ ਖ਼ਰੀ ਖੋਟੀ ਸੁਣਾਈ। ਇੱਕ ਯੂਜ਼ਰ ਨੇ ਕਮੈਂਟ ਕੀਤਾ, ‘ਡੀਪਨੇਕ ਡਰੈੱਸ ਦੇ ਨਾਲ ਮਾਂ ਲਕਸ਼ਮੀ ਦਾ ਹਾਰ ਪਾਇਆ ਹੋਇਆ ਹੈ। ਸ਼ਰਮ ਕਰੋ ਤਾਪਸੀ। ਇੱਕ ਹੋਰ ਯੂਜ਼ਰ ਨੇ ਵੀ ਟਿੱਪਣੀ ਕੀਤੀ, ‘ਇਹ ਲੋਕ ਸਿਰਫ਼ ਸਾਡੇ ਸਨਾਤਨ ਧਰਮ ਨੂੰ ਨਿਸ਼ਾਨਾ ਬਣਾਉਂਦੇ ਹਨ। ਇਸ ਦੇ ਗਲੇ ਵਿਚ ਜੋ ਪਹਿਨਿਆ ਹੈ ਉਸ ਵਿਚ ਦੇਵੀ ਮਾਂ ਦੀ ਮੂਰਤੀ ਵੀ ਹੈ।
