ਬਜਾਜ ਆਟੋ ਨੇ ਭਾਰਤ ‘ਚ Pulsar 220F ਦਾ ਅਪਡੇਟਿਡ ਵਰਜ਼ਨ ਲਾਂਚ ਕਰ ਦਿੱਤਾ ਹੈ। ਬਾਈਕ ਦੀ ਐਕਸ-ਸ਼ੋਰੂਮ ਕੀਮਤ 1.40 ਲੱਖ ਰੁਪਏ ਹੈ। ਇਸ ਦੀ ਕੀਮਤ ਪੁਰਾਣੇ ਮਾਡਲ ਨਾਲੋਂ 3,000 ਰੁਪਏ ਜ਼ਿਆਦਾ ਹੈ। ਦੱਸ ਦਈਏ ਕਿ ਕੰਪਨੀ ਨੇ ਇਸ ਸੈਮੀ-ਫਾਇਰਡ ਬਾਈਕ ਨੂੰ ਅਪ੍ਰੈਲ-2022 ‘ਚ ਬੰਦ ਕਰ ਦਿੱਤਾ ਸੀ। ਲੋਕਾਂ ‘ਚ ਮੰਗ ਨੂੰ ਦੇਖਦੇ ਹੋਏ ਕੰਪਨੀ ਨੇ ਕੁਝ ਅਪਡੇਟਸ ਦੇ ਨਾਲ ਇਸ ਨੂੰ ਭਾਰਤੀ ਬਾਜ਼ਾਰ ‘ਚ ਦੁਬਾਰਾ ਲਾਂਚ ਕੀਤਾ ਹੈ।
ਪਲਸਰ 220F ‘ਚ ਟੈਕੋਮੀਟਰ ਲਈ ਐਨਾਲਾਗ ਡਾਇਲ ਦੇ ਨਾਲ ਸੈਮੀ-ਡਿਜੀਟਲ ਇੰਸਟਰੂਮੈਂਟ ਕੰਸੋਲ ਮਿਲਦਾ ਹੈ। ਇਸ ਤੋਂ ਇਲਾਵਾ ਇੱਥੇ ਫਿਊਲ ਲੈਵਲ ਇੰਡੀਕੇਟਰ, ਸਪੀਡੋਮੀਟਰ ਅਤੇ ਡਿਜੀਟਲ ਸਕਰੀਨ ਦਿੱਤੀ ਗਈ ਹੈ। ਇਸ ‘ਚ ਟੈਲੀਸਕੋਪਿਕ ਫਰੰਟ ਫੋਰਕਸ ਅਤੇ ਰਿਅਰ ‘ਤੇ ਡਿਊਲ ਗੈਸ-ਚਾਰਜਡ ਸ਼ੌਕ ਐਬਜ਼ੋਰਬਰਸ ਦਿੱਤੇ ਗਏ ਹਨ। ਬਾਈਕ ਨੂੰ ਕੰਟਰੋਲ ਕਰਨ ਲਈ ਸਿੰਗਲ-ਚੈਨਲ ABS ਦੇ ਨਾਲ ਦੋਵੇਂ ਸਿਰਿਆਂ ‘ਤੇ ਡਿਸਕ ਬ੍ਰੇਕ ਦਿੱਤੇ ਗਏ ਹਨ ਯਾਨੀ ਕਿ ਅੱਗੇ ਅਤੇ ਪਿੱਛੇ। ਬਾਈਕ ‘ਚ 17-ਇੰਚ ਅਲੌਏ ਦਿਤੇ ਗਏ ਹਨ।