ਡੇਰਾਮੁਖੀ ਗੁਰਮੀਤ ਰਾਮ ਰਹੀਮ ਨੇ ਇੱਕ ਵਾਰ ਫਿਰ ਜੇਲ੍ਹ ਤੋਂ ਆਪਣੇ ਡੇਰਾ ਪ੍ਰੇਮੀਆਂ ਨੂੰ ਚਿੱਠੀ ਜਾਰੀ ਕੀਤੀ ਹੈ। ਇਸ ਵਿੱਚ ਜਿੱਥੇ ਇੱਕ ਪਾਸੇ ਸਿਆਸੀ ਵਿੰਗ ਨੂੰ ਭੰਗ ਕਰਨ ਦੀ ਪੁਸ਼ਟੀ ਕੀਤੀ ਗਈ ਹੈ, ਉੱਥੇ ਦੂਜੇ ਪਾਸੇ ਗੁਰੂ ਗੱਦੀ ਬਾਰੇ ਵੀ ਕਿਹਾ ਗਿਆ ਹੈ ਕਿ ਅਸੀਂ ਗੁਰੂ ਹੀ ਰਹਾਂਗੇ। ਇਹ ਪੱਤਰ ਡੇਰੇ ਵਿੱਚ ਕਰਵਾਏ ਗਏ ਗੁਰੂ ਮੰਤਰ ਦਿਵਸ ਮੌਕੇ ਭੰਡਾਰੇ ਦੌਰਾਨ ਪੜ੍ਹਿਆ ਗਿਆ।
ਸਿਰਸਾ ਡੇਰਾ ਸੱਚਾ ਸੌਦਾ ਵਿੱਚ ਸ਼ਨੀਵਾਰ ਨੂੰ ਗੁਰੂ ਮੰਤਰ ਦਿਵਸ ਮਨਾਇਆ ਗਿਆ। ਗੁਰੂ ਮੰਤਰ ਦਿਵਸ ‘ਤੇ ਡੇਰਾਮੁਖੀ ਨੇ ਜੇਲ੍ਹ ਤੋਂ ਚਿੱਠੀ ਲਿਖ ਕੇ ਆਪਣਾ ਸੰਦੇਸ਼ ਦਿੱਤਾ। ਇਸ ਵਿੱਚ ਉਨ੍ਹਾਂ ਨੇ ਏਕਤਾ ਵਿੱਚ ਬੱਝੇ ਹੋਣ ਦੀ ਗੱਲ ਕਹੀ। ਉਨ੍ਹਾਂ ਨੇ ਸੰਗਤਾਂ ਨੂੰ ਏਕਤਾ ਨਾ ਤੋੜਨ ਦਾ ਸੱਦਾ ਦਿੱਤਾ। ਡੇਰਾਮੁਖੀ ਨੇ ਸਪੱਸ਼ਟ ਕੀਤਾ ਕਿ ਸਾਧ-ਸੰਗਤ ਨੇ ਸਿਆਸੀ ਵਿੰਗ ਬਣਾਈ ਸੀ ਅਤੇ ਹੁਣ ਸਾਧ-ਸੰਗਤ ਨੇ ਇਸ ਨੂੰ ਭੰਗ ਕਰ ਦਿੱਤਾ ਹੈ।
