ਸ੍ਰੀ ਅਕਾਲ ਤਖ਼ਤ ਸਾਹਿਬ ਦੇ ਜਥੇਦਾਰ ਗਿਆਨੀ ਹਰਪ੍ਰੀਤ ਸਿੰਘ ਵੱਲੋਂ ਮੀਡੀਆ ਮਾਮਲੇ ‘ਤੇ ਅੱਜ ਤਲਵੰਡੀ ਸਾਬੋ ਵਿਖੇ ਅੱਜ ਵਿਸ਼ੇਸ਼ ਇਕੱਤਰਤਾ ਸੱਦੀ ਗਈ। ਸ੍ਰੀ ਦਮਦਮਾ ਸਾਹਿਬ ਵਿਖੇ ਪ੍ਰਮੁੱਖ ਪੱਤਰਕਾਰਾਂ ਨੂੰ ਸ਼ਾਮਿਲ ਹੋਣ ਲਈ ਸੱਦਾ ਦਿੱਤਾ ਗਿਆ। ਜਥੇਦਾਰ ਹਰਪ੍ਰੀਤ ਸਿੰਘ ਨੇ ਕਿਹਾ ਪੂਰੀ ਦੁਨੀਆਂ ‘ਚ ਸਰਕਾਰਾਂ ਦੇ ਦਮਨ ਖ਼ਿਲਾਫ਼ ਬੋਲਣ ਵਾਲੇ ਮੀਡੀਆ ਨਾਲ ਅਸੀਂ ਜ਼ਰੂਰ ਖੜ੍ਹਾਗੇ ਅਤੇ ਸ੍ਰੀ ਅਕਾਲ ਤਖ਼ਤ ਸਾਹਿਬ ਬੋਲਦਾ ਰਹੇਗਾ ਚਾਹੇ ਟੈਂਕ ਚੜ੍ਹਾਏ ਜਾਣ। ਇਸ ਨਾਲ ਹੀ ਉਨ੍ਹਾਂ ਕਿਹਾ ਪੰਜਾਬ ‘ਚ ਗਲਤ ਮਾਹੌਲ ਸਿਰਜਿਆ ਜਾ ਰਿਹਾ ਹੈ।
ਵਿਸਾਖੀ ਮੌਕੇ ਵਿਸ਼ੇਸ਼ ਇਕੱਤਰਤਾ ਦਾ ਸੱਦਾ ਦਿੰਦਿਆਂ ਉਨ੍ਹਾਂ ਨੇ ਕਿਹਾ ਕਿ ਵੱਧ ਤੋਂ ਵੱਧ ਸੰਗਤ ਦਰਸ਼ਨ ਕਰਨ ਲਈ ਆਵੇ ਅਤੇ ਕਿਹਾ ਹੁਣ ਨੈਸ਼ਨਲ ਮੀਡੀਆ ਇਸ ਗੱਲ ਨੂੰ ਇਹ ਨਾ ਬਣਾ ਦੇਵੇ ਕਿ ਮੈਂ ਸਰਬੱਤ ਖਾਲਸਾ ਬੁਲਾ ਲਿਆ ਹੈ। ਉਨ੍ਹਾਂ ਕਿਹਾ ਅਸੀਂ ਸਰਕਾਰਾਂ ਨਾਲ ਸੰਵਾਦ ਚਾਹੁੰਦੇ ਹਾਂ, ਅਸੀਂ ਸਿੱਖਾਂ ਤੇ ਪੰਜਾਬ ਖਿਲਾਫ ਸਿਰਜੇ ਵਿਰਤਾਂਤ ਨੂੰ ਤੋੜਨ ਲਈ ਗਰੁੱਪ ਤਿਆਰ ਕਰਾਂਗੇ। SGPC ਨਾਲ ਗਿਲਾ ਕਰਦਿਆਂ ਉਨ੍ਹਾਂ ਨੇ ਕਿਹਾ ਕਿ ਸਿੱਖਾਂ ਨੂੰ ਬਦਨਾਮ ਕਰਨ ਵਾਲੇ ਅਫ਼ਸਰਾਂ ‘ਤੇ ਪਰਚੇ ਨਹੀਂ ਕਰਵਾਏ ਅਤੇ SGPC ਨੂੰ ਹੁਕਮ ਕੀਤਾ ਕਿ ਸਿੱਖ ਰਾਜ ਦੇ ਝੰਡਿਆ ਨੂੰ ਖਾਲਿਸਤਾਨ ਦੇ ਝੰਡੇ ਕਹਿਣ ਵਾਲੇ ਅਫਸਰਾਂ ‘ਤੇ ਪਰਚੇ ਦਰਜ ਕਰਾਓ।
