ਬਾਲੀਵੁੱਡ ਦੇ ਖੂਬਸੂਰਤ ਹੀਰੋ ਰਿਤਿਕ ਰੌਸ਼ਨ ਦਾ ਅੱਜ ਜਨਮਦਿਨ ਹੈ। ਅੱਜ ਰਿਤਿਕ ਆਪਣਾ 48ਵਾਂ ਜਨਮਦਿਨ ਮਨਾ ਰਹੇ ਨੇ। ਰਿਤਿਕ ਦੇ ਪਿਤਾ ਰਾਕੇਸ਼ ਰੌਸ਼ਨ ਇੱਕ ਅਦਾਕਾਰ ਅਤੇ ਨਿਰਦੇਸ਼ਕ ਹਨ। ਰਿਤਿਕ ਦੀ ਮਾਂ ਪਿੰਕੀ ਰੌਸ਼ਨ ਨਿਰਮਾਤਾ-ਨਿਰਦੇਸ਼ਕ ਜੇ. ਓਮ ਪ੍ਰਕਾਸ਼ ਦੀ ਬੇਟੀ ਹੈ। ਰਿਤਿਕ ਨੇ ਸਾਲ 2000 ‘ਚ ਫ਼ਿਲਮ ‘ਕਹੋ ਨਾ ਪਿਆਰ ਹੈ’ ਨਾਲ ਬਾਲੀਵੁੱਡ ‘ਚ ਡੈਬਿਊ ਕੀਤਾ ਸੀ। ਭਾਵੇਂ ਰਿਤਿਕ ਨੂੰ ਅਦਾਕਾਰੀ ਵਿਰਾਸਤ ਵਿੱਚ ਮਿਲੀ ਹੈ ਪਰ ਇਸ ਦੇ ਲਈ ਉਨ੍ਹਾਂ ਨੂੰ ਸਖ਼ਤ ਮਿਹਨਤ ਕਰਨੀ ਪੈਂਦੀ ਹੈ। ਅੱਜ ਰਿਤਿਕ ਰੌਸ਼ਨ ਦੇ ਜਨਮਦਿਨ ਤੇ ਸਾਥੀ ਕਲਾਕਾਰ ਪੋਸਟ ਪਾ ਕੇ ਉਨ੍ਹਾਂ ਨੂੰ ਬਰਥਡੇਅ ਵਿਸ਼ ਕਰ ਰਹੇ ਨੇ।
ਰਿਤਿਕ ਬਾਰੇ ਕਿਹਾ ਜਾਂਦਾ ਹੈ ਕਿ ਉਨ੍ਹਾਂ ਦੇ ਫ਼ੈਮਿਲੀ ਬੈਕਗਰਾਊਂਡ ਦਾ ਉਨ੍ਹਾਂ ਦੇ ਸੁਭਾਅ ‘ਤੇ ਕੋਈ ਅਸਰ ਨਹੀਂ ਪਿਆ। ਕਿਉਂਕਿ ਅਕਸਰ ਦੇਖਿਆ ਜਾਂਦਾ ਹੈ ਕਿ ਸਟਾਰ ਪੁੱਤਰ ਹੋਣ ਕਰਕੇ ਬੱਚਿਆਂ ‘ਚ ਅਕਸਰ ਆਕੜ ਆ ਜਾਂਦੀ ਹੈ। ਪਰ ਰਿਤਿਕ ਬਾਰੇ ਕਿਹਾ ਜਾਂਦਾ ਹੈ ਕਿ ਉਹ ਬੇਹੱਦ ਨਿਮਰ ਸੁਭਾਅ ਦੇ ਇਨਸਾਨ ਹਨ। ਰਿਤਿਕ ਦਾ ਅਸਲੀ ਨਾਂਅ ਰਿਤਿਕ ਰੌਸ਼ਨ ਨਹੀਂ ਰਾਕੇਸ਼ ਨਾਗਰਥ ਹੈ। ਰਿਤਿਕ ਨੂੰ ਬਚਪਨ ‘ਚ ਹਕਲਾਉਣ ਦੀ ਸਮੱਸਿਆ ਸੀ। ਜਿਸ ਦਿਨ ਸਕੂਲ ‘ਚ ਓਰਲ ਐਗਜ਼ਾਮ ਹੁੰਦਾ ਸੀ, ਉਸ ਦਿਨ ਰਿਤਿਕਕ ਬਹਾਨਾ ਬਣਾ ਕੇ ਸਕੂਲ ਨਹੀਂ ਜਾਂਦੇ ਸੀ।
ਪਰ ਉਨ੍ਹਾਂ ਨੇ ਠਾਣ ਲਿਆ ਸੀ ਕਿ ਉਹ ਆਪਣੀ ਇਸ ਸਮੱਸਿਆ ਨੂੰ ਆਪਣੇ ਜੀਵਨ ‘ਚ ਰੁਕਾਵਟ ਨਹੀਂ ਬਣਨ ਦੇਣਗੇ। ਉਨ੍ਹਾਂ ਨੇ ਸਪੀਚ ਥੈਰਪੀ ਦੇ ਜ਼ਰੀਏ ਆਪਣੀ ਬੀਮਾਰੀ ‘ਤੇ ਜਿੱਤ ਹਾਸਲ ਕੀਤੀ। ਅੱਜ ਵੀ ਉਹ ਸਪੀਚ ਥੈਰਪੀ ਦਾ ਇਸਤੇਮਾਲ ਕਰਦੇ ਹਨ, ਕਿਉਂਕਿ ਉਨ੍ਹਾਂ ਨੂੰ ਡਰ ਹੈ ਕਿ ਉਨ੍ਹਾਂ ਨੂੰ ਫ਼ਿਰ ਤੋਂ ਇਹ ਸਮੱਸਿਆ ਨਾ ਹੋ ਜਾਵੇ। ਜੇ ਗੱਲ ਕਰੀਏ ਰਿਤਿਕ ਰੌਸ਼ਨ ਦੇ ਵਰਕ ਫਰੰਟ ਦੀ ਤਾਂ ਉਹ ਪਹਿਲੀ ਵਾਰ ਦੀਪਿਕਾ ਪਾਦੂਕੋਣ ਦੇ ਨਾਲ ਸਿਲਵਰ ਸਕਰੀਨ ਸ਼ੇਅਰ ਕਰਦੇ ਹੋਏ ਨਜ਼ਰ ਆਉਣਗੇ। ਸਿਧਾਰਥ ਆਨੰਦ ਨਿਰਦੇਸ਼ਿਤ ਦੀ ਫਾਈਟਰ ਫ਼ਿਲਮ ਵਿੱਚ ਦੀਪਿਕਾ ਤੇ ਰਿਤਿਕ ਦੀ ਜੋੜੀ ਦਿਖਾਈ ਦੇਵੇਗੀ।
