ਅਕਸਰ ਲੋਕ ਤਾਜ਼ੇ ਫਲਾਂ ਨੂੰ ਕੱਟ ਕੇ ਖਾਂਦੇ ਹਨ ਜਾਂ ਇਨ੍ਹਾਂ ਦਾ ਸਲਾਦ ਬਣਾ ਕੇ ਖਾਂਦੇ ਹਨ। ਕਈ ਲੋਕ ਕੱਟੇ ਹੋਏ ਫਲਾਂ ‘ਤੇ ਚਾਟ ਮਸਾਲਾ ਜਾਂ ਨਮਕ ਛਿੜਕ ਕੇ ਖਾਣਾ ਪਸੰਦ ਕਰਦੇ ਹਨ। ਇਸ ਨਾਲ ਫਲਾਂ ਦਾ ਸਵਾਦ ਵਧਦਾ ਹੈ। ਕਈ ਵਾਰ ਲੋਕ ਫਲਾਂ ਦੀ ਮਿਠਾਸ ਵਧਾਉਣ ਲਈ ਕੱਟੇ ਹੋਏ ਫਲਾਂ ਵਿੱਚ ਚੀਨੀ ਮਿਲਾਉਂਦੇ ਹਨ। ਜੇਕਰ ਤੁਸੀਂ ਵੀ ਕੱਟੇ ਹੋਏ ਫਲਾਂ ਨੂੰ ਉੱਪਰੋਂ ਚੀਨੀ, ਨਮਕ ਜਾਂ ਚਾਟ ਮਸਾਲਾ ਮਿਲਾ ਕੇ ਖਾਣਾ ਪਸੰਦ ਕਰਦੇ ਹੋ ਤਾਂ ਸਾਵਧਾਨ ਹੋ ਜਾਓ। ਅਜਿਹੇ ਫਲਾਂ ਦਾ ਸੇਵਨ ਸਿਹਤ ਲਈ ਹਾਨੀਕਾਰਕ ਹੋ ਸਕਦਾ ਹੈ।
ਨਮਕ ਮਿਲਾ ਕੇ ਫਲ ਖਾਣ ਦੇ ਨੁਕਸਾਨ-
ਮਾਹਿਰਾਂ ਅਨੁਸਾਰ ਕੱਟੇ ਹੋਏ ਫਲਾਂ ‘ਤੇ ਜਦੋਂ ਨਮਕ ਛਿੜਕਿਆ ਜਾਂਦਾ ਹੈ ਤਾਂ ਇਨ੍ਹਾਂ ‘ਚੋ ਪਾਣੀ ਨਿਕਲਣਾ ਸ਼ੁਰੂ ਹੋ ਜਾਂਦਾ ਹੈ। ਇਸ ਨਾਲ ਫਲਾਂ ‘ਚ ਮੌਜੂਦ ਪੋਸ਼ਕ ਤੱਤ ਨਸ਼ਟ ਹੋ ਜਾਂਦੇ ਹਨ। ਦੂਜੇ ਪਾਸੇ ਨਮਕ ਜਾਂ ਚਾਟ ਮਸਾਲਾ ਵਿੱਚ ਮੌਜੂਦ ਸੋਡੀਅਮ ਗੁਰਦਿਆਂ ਨੂੰ ਪ੍ਰਭਾਵਿਤ ਕਰਦਾ ਹੈ। ਜੇਕਰ ਤੁਸੀਂ ਫਲਾਂ ਤੇ ਚਾਟ ਮਸਾਲੇ ਜਾਂ ਨਮਕ ਪਾ ਕੇ ਖਾਂਦੇ ਹੋ ਤਾਂ ਸਰੀਰ ਵਿੱਚ ਸੋਡੀਅਮ ਦੀ ਮਾਤਰਾ ਵੱਧ ਜਾਂਦੀ ਹੈ ਕਿਉਂਕਿ ਚਾਟ ਮਸਾਲਾ ਵਿੱਚ ਵੀ ਨਮਕ ਹੁੰਦਾ ਹੈ।
ਫਲਾਂ ਦੇ ਨਾਲ ਚੀਨੀ ਮਿਲਾ ਕੇ ਸੇਵਨ ਕਰਨ ਦੇ ਨੁਕਸਾਨ-
ਫਲਾਂ ਵਿੱਚ ਕੁਦਰਤੀ ਮਿਠਾਸ ਹੁੰਦੀ ਹੈ। ਫਲਾਂ ਵਿੱਚ ਗਲੂਕੋਜ਼ ਵੀ ਪਾਇਆ ਜਾਂਦਾ ਹੈ, ਜੋ ਕੈਲੋਰੀ ਨੂੰ ਵਧਾਉਂਦਾ ਹੈ। ਅਜਿਹੇ ‘ਚ ਜੇਕਰ ਤੁਸੀਂ ਕੱਟੇ ਹੋਏ ਫਲਾਂ ‘ਚ ਚੀਨੀ ਮਿਲਾ ਲਓ ਤਾਂ ਸਰੀਰ ‘ਚ ਮਿਠਾਸ ਦੀ ਮਾਤਰਾ ਵਾਧੂ ਹੋ ਜਾਂਦੀ ਹੈ। ਇਸ ਨਾਲ ਸ਼ੂਗਰ ਦੀ ਸਮੱਸਿਆ ਵਧ ਸਕਦੀ ਹੈ। ਜ਼ਿਆਦਾ ਖੰਡ ਵੀ ਭਾਰ ਵਧਣ ਦਾ ਕਾਰਨ ਬਣਦੀ ਹੈ। ਜੋ ਮਰੀਜ਼ ਸ਼ੂਗਰ ਤੋਂ ਪੀੜਤ ਹਨ, ਉਨ੍ਹਾਂ ਲਈ ਚੀਨੀ ਮਿਲਾ ਕੇ ਫਲ ਖਾਣਾ ਨੁਕਸਾਨਦੇਹ ਹੋ ਸਕਦਾ ਹੈ।