ਮਸ਼ਹੂਰ ਕਾਮੇਡੀ ਸ਼ੋਅ ਤਾਰਕ ਮਹਿਤਾ ਕਾ ਉਲਟਾ ਚਸ਼ਮਾ ਇਨ੍ਹੀਂ ਦਿਨੀਂ ਚਰਚਾ ਦਾ ਵਿਸ਼ਾ ਬਣਿਆ ਹੋਇਆ ਹੈ। ਇਸ ਸ਼ੋਅ ਦੇ ਨਿਰਮਾਤਾ ਅਸਿਤ ਕੁਮਾਰ ਮੋਦੀ ‘ਤੇ ਗੰਭੀਰ ਦੋਸ਼ ਲੱਗ ਰਹੇ ਹਨ। ਜਦੋਂ ਤੋਂ ਸ਼ੈਲੇਸ਼ ਲੋਢਾ ਨੇ ਸ਼ੋਅ ਨੂੰ ਅਲਵਿਦਾ ਕਿਹਾ ਹੈ, ਕਈ ਹੋਰ ਕਲਾਕਾਰਾਂ ਨੇ ਵੀ ਸ਼ੋਅ ਨੂੰ ਅਲਵਿਦਾ ਕਹਿ ਦਿੱਤਾ ਹੈ। ਉਨ੍ਹਾਂ ‘ਚੋਂ ਕਈ ਸਿਤਾਰਿਆਂ ਨੇ ਅਸਿਤ ਮੋਦੀ ‘ਤੇ ਗੰਭੀਰ ਦੋਸ਼ ਲਗਾਏ ਹਨ। ਪਰ ਇਨ੍ਹੀਂ ਦਿਨੀਂ ‘ਰੋਸ਼ਨ ਸੋਢੀ’ ਯਾਨੀ ਕਿ ਜੈਨੀਫਰ ਮਿਸਤਰੀ ਚਰਚਾ ‘ਚ ਹੈ।
ਦਰਅਸਲ, ਉਸਨੇ ਤਾਰਕ ਮਹਿਤਾ ਸ਼ੋਅ ਦੇ ਨਿਰਮਾਤਾ ਅਸਿਤ ਕੁਮਾਰ ਮੋਦੀ, ਪ੍ਰੋਜੈਕਟ ਹੈੱਡ ਸੋਹਿਲ ਰਮਾਨੀ ਅਤੇ ਜਤਿਨ ਬਜਾਜ ‘ਤੇ ਕੰਮ ਵਾਲੀ ਥਾਂ ‘ਤੇ ਜਿਨਸੀ ਸ਼ੋਸ਼ਣ ਦਾ ਦੋਸ਼ ਲਗਾਇਆ ਸੀ। ਹੁਣ ਖਬਰ ਹੈ ਕਿ ਅਭਿਨੇਤਰੀ ਨੇ ਤਿੰਨਾਂ ਖਿਲਾਫ ਸ਼ਿਕਾਇਤ ਦਰਜ ਕਰਵਾਈ ਹੈ।
ਰਿਪੋਰਟਸ ਮੁਤਾਬਕ ਜੈਨੀਫਰ ਦਾ ਕਹਿਣਾ ਹੈ ਕਿ ਉਹ ਆਪਣੇ ਹੋਮਟਾਊਨ ਤੋਂ ਮੁੰਬਈ ਵਾਪਸ ਆ ਗਈ ਹੈ। ਜੈਨੀਫਰ ਨੇ ਇਹ ਵੀ ਖੁਲਾਸਾ ਕੀਤਾ ਕਿ ਉਸ ਨੂੰ ਹਾਲ ਹੀ ਵਿੱਚ ਪੋਵਈ ਪੁਲਿਸ ਨੇ ਆਪਣਾ ਬਿਆਨ ਦਰਜ ਕਰਨ ਲਈ ਬੁਲਾਇਆ ਸੀ। ਅਦਾਕਾਰਾ ਨੇ ਕਿਹਾ, ‘ਮੈਂ ਮੁੰਬਈ ਵਾਪਸ ਆ ਗਈ ਹਾਂ ਅਤੇ ਮੈਨੂੰ ਪੋਵਈ ਪੁਲਿਸ ਨੇ ਬੁਲਾਇਆ ਹੈ। ਮੈਂ ਬੀਤੇ ਕੱਲ੍ਹ ਪਵਈ ਥਾਣੇ ਪਹੁੰਚੀ ਅਤੇ ਆਪਣਾ ਬਿਆਨ ਦਰਜ ਕਰਵਾਇਆ। ਮੈਂ ਦੁਪਹਿਰ 12 ਵਜੇ ਦੇ ਕਰੀਬ ਉੱਥੇ ਪਹੁੰਚੀ। ਮੈਂ ਆਪਣਾ ਪੂਰਾ ਬਿਆਨ ਉਨ੍ਹਾਂ ਨੂੰ ਦਰਜ ਕਰਵਾ ਦਿੱਤਾ ਹੈ। ਮੈਂ ਉਥੇ 6 ਘੰਟੇ ਰਹੀ, ਹੁਣ ਕਾਨੂੰਨ ਆਪਣਾ ਕੰਮ ਕਰੇਗਾ।”