ਦੇਸ਼ ਵਿੱਚ ਕੋਰੋਨਾ ਦੀ ਤੀਜੀ ਲਹਿਰ ਦੇ ਮਾਮਲੇ ਲਗਾਤਰ ਸਾਹਮਣੇ ਆ ਰਹੇ ਹਨ । ਇਸ ਵਿਚਾਲੇ ਹੀ ਗੁਆਂਢੀ ਦੇਸ਼ ਪਾਕਿਸਤਾਨ ‘ਚ ਕੋਵਿਡ ਦੀ ਚੌਥੀ ਲਹਿਰ ਨੇ ਤੇਜ਼ੀ ਨਾਲ ਦਸਤਕ ਦੇ ਦਿੱਤੀ ਹੈ। ਪਾਕਿਸਤਾਨ ਦੀ ਡਾਨ ਅਖਬਾਰ ਅਨੁਸਾਰ ਪਾਕਿਸਤਾਨ ‘ਚ ਵੀਰਵਾਰ ਨੂੰ ਚਾਰ ਮਹੀਨਿਆਂ ਦੇ ਅੰਤਰਾਲ ਤੋਂ ਬਾਅਦ ਕੋਰੋਨਾ ਵਾਇਰਸ (ਕੋਵਿਡ-19) ਸੰਕਰਮਣ ਦੇ 3,000 ਨਵੇਂ ਮਾਮਲੇ ਸਾਹਮਣੇ ਆਏ। ਵਧਦੇ ਮਾਮਲਿਆਂ ਦੇ ਨਾਲ ਦੇਸ਼ ‘ਚ ਸੰਕਰਮਿਤਾਂ ਦੀ ਦਰ ‘ਚ ਇਕ ਮਹੀਨੇ ‘ਚ ਤੇਜ਼ੀ ਨਾਲ ਨੌ ਗੁਣਾ ਵਾਧਾ ਹੋਇਆ ਹੈ।
ਸਥਾਨਕ ਮੀਡੀਆ ਰਿਪੋਰਟ ਨੇ ਪਾਕਿਸਤਾਨ ਦੇ ਸੂਚਨਾ ਅਤੇ ਪ੍ਰਸਾਰਣ ਮੰਤਰੀ ਫਵਾਦ ਚੌਧਰੀ ਦੇ ਹਵਾਲੇ ਨਾਲ ਮੰਗਲਵਾਰ ਨੂੰ ਕਿਹਾ ਕਿ ਸਰਕਾਰ ਦੇਸ਼ ‘ਚ ਵਧਦੀਆਂ ਕੋਰੋਨਾ ਸਥਿਤੀਆਂ ਤੋਂ ਜਾਣੂ ਹੈ ਪਰ ਪਾਕਿਸਤਾਨ ਇਕ ਹੋਰ ਤਾਲਾਬੰਦੀ ਤੋਂ ਨਹੀਂ ਲੰਘੇਗਾ ਅਤੇ ਸਕੂਲ ਵੀ ਹੁਣ ਬੰਦ ਨਹੀਂ ਹੋਣਗੇ। ਦਸ ਦਈਏ ਕਿ 13 ਦਸੰਬਰ 2021 ਨੂੰ ਕੋਰੋਨਾ ਪਾਜ਼ੇਟਿਵਿਟੀ ਦਰ 0.69 ਫੀਸਦੀ ਸੀ ਜੋ ਵੀਰਵਾਰ ਨੂੰ ਵੱਧ ਕੇ 6.12 ਫੀਸਦੀ ਹੋ ਗਈ।
