ਕੇਂਦਰ ਸਰਕਾਰ ਨੇ ਮੰਗਲਵਾਰ ਨੂੰ ਕਿਹਾ ਕਿ ਉਸ ਨੂੰ ਫਰਜ਼ੀ ਖਬਰਾਂ ਫੈਲਾਉਣ ਵਾਲੇ 8 ਯੂਟਿਊਬ ਚੈਨਲਾਂ ਬਾਰੇ ਪਤਾ ਲੱਗਾ ਹੈ। ਇਹ ਚੈਨਲ ਭਾਰਤੀ ਫੌਜ, ਸਰਕਾਰੀ ਸਕੀਮਾਂ, ਲੋਕ ਸਭਾ ਚੋਣਾਂ ਅਤੇ ਹੋਰ ਕਈ ਗੰਭੀਰ ਮੁੱਦਿਆਂ ਬਾਰੇ ਗੁੰਮਰਾਹਕੁੰਨ ਜਾਣਕਾਰੀ ਫੈਲਾ ਰਹੇ ਸਨ। ਇਨ੍ਹਾਂ ਚੈਨਲਾਂ ਦੇ ਕੁਲ ਮਿਲਾ ਕੇ 2.3 ਕਰੋੜ ਸਬਸਕ੍ਰਾਈਬਰ ਹਨ। ਫਰਜ਼ੀ ਖ਼ਬਰਾਂ ਫੈਲਾਉਣ ਵਾਲੇ ਅੱਠ ਚੈਨਲ ਕੇਂਦਰ ਸਰਕਾਰ ਨੇ ਬੰਦ ਕਰ ਦਿੱਤੇ ਹਨ
ਅਧਿਕਾਰੀਆਂ ਨੇ ਦੱਸਿਆ ਕਿ ਜਿਨ੍ਹਾਂ ਚੈਨਲਾਂ ਨੂੰ ਬੰਦ ਕੀਤਾ ਗਿਆ ਹੈ ਉਨ੍ਹਾਂ ਵਿੱਚ ਸੱਚ ਦੇਖੋ, ਕੈਪੀਟਲ ਟੀਵੀ, ਕੇਪੀਐਸ ਨਿਊਜ਼, ਸਰਕਾਰੀ ਵੀਲੌਗ, ਅਰਨ ਟੇਕ ਇੰਡੀਆ, ਐਸਪੀਐਨ9 ਨਿਊਜ਼, ਐਜੂਕੇਸ਼ਨਲ ਦੋਸਤ ਅਤੇ ਵਰਲਡ ਬੈਸਟ ਨਿਊਜ਼ ਸ਼ਾਮਲ ਹਨ। ਇਨ੍ਹਾਂ ਯੂ-ਟਿਊਬ ਚੈਨਲਾਂ ‘ਤੇ ਪਏ ਵੀਡੀਓ ਦੀ ਜਾਂਚ ਕੀਤੀ ਗਈ, ਜਿਸ ‘ਚ ਉਕਤ ਚੈਨਲ ਝੂਠੀਆਂ ਖਬਰਾਂ ਫੈਲਾਉਂਦੇ ਪਾਏ ਗਏ। ਇਹਨਾਂ ਚੈਨਲਾਂ ਦੀ ਪ੍ਰੈਸ ਸੂਚਨਾ ਬਿਊਰੋ ਦੁਆਰਾ ਤੱਥ-ਜਾਂਚ ਕੀਤੀ ਗਈ।