ਭਾਰਤ ਦੇ ਚੰਦਰਮਾ ਮਿਸ਼ਨ ਨੂੰ ਲੈ ਕੇ ਸਭ ਉਤਸ਼ਾਹਿਤ ਹਨ। ਇਸਰੋ ਨੇ ਮੰਗਲਵਾਰ (ਅੱਜ) ਨੂੰ ਚੰਦਰਯਾਨ-3 ਦੁਆਰਾ ਲਈਆਂ ਗਈਆਂ ਚੰਦ ਦੀਆਂ ਤਸਵੀਰਾਂ ਦਾ ਇੱਕ ਨਵਾਂ ਵੀਡੀਓ ਜਾਰੀ ਕੀਤਾ। ਦੁਪਹਿਰ ਨੂੰ ਚੰਦਰਮਾ ਮਿਸ਼ਨ ਦੀ ਜਾਣਕਾਰੀ ਦਿੰਦੇ ਹੋਏ, ਇਸਰੋ ਨੇ ਕਿਹਾ, “ਮਿਸ਼ਨ ਸਹੀ ਢੰਗ ਨਾਲ ਅੱਗੇ ਵੱਧ ਰਿਹਾ ਹੈ। ਸਿਸਟਮਾਂ ਦੀ ਬਕਾਇਦਾ ਚੈਕਿੰਗ ਕੀਤੀ ਜਾ ਰਹੀ ਹੈ। ਓਪਰੇਸ਼ਨ ਸੁਚਾਰੂ ਢੰਗ ਨਾਲ ਜਾਰੀ ਹਨ।
ਇਸਤੋਂ ਇਲਾਵਾ ਇਸਰੋ ਨੇ ਕਿਹਾ ਕਿ MOX/ISTRAC ਤੋਂ ਚੰਦਰਯਾਨ-3 ਦੀ ਚੰਦਰਮਾ ਦੀ ਲੈਂਡਿੰਗ ਦਾ ਸਿੱਧਾ ਪ੍ਰਸਾਰਣ ਬੁੱਧਵਾਰ ਸ਼ਾਮ 5.20 ਵਜੇ ਤੋਂ ਸ਼ੁਰੂ ਕੀਤਾ ਜਾਵੇਗਾ। ਲੈਂਡਰ (ਵਿਕਰਮ) ਅਤੇ ਰੋਵਰ (ਪ੍ਰਗਿਆਨ) ਵਾਲੇ ਲੈਂਡਰ ਮੋਡਿਊਲ ਦੀ ਬੁੱਧਵਾਰ ਸ਼ਾਮ 6.45 ਵਜੇ ਚੰਦਰਮਾ ਦੀ ਸਤ੍ਹਾ ਦੇ ਦੱਖਣੀ ਧਰੁਵੀ ਖੇਤਰ ਦੇ ਨੇੜੇ ਉਤਰਨ ਦੀ ਉਮੀਦ ਹੈ।
ਇਸ ਤੋਂ ਪਹਿਲਾਂ ਭਾਰਤੀ ਪੁਲਾੜ ਖੋਜ ਸੰਗਠਨ ਨੇ ਚੰਦਰਯਾਨ-3 ਮਿਸ਼ਨ ਦੇ ਲੈਂਡਰ ਪੋਜੀਸ਼ਨ ਡਿਟੈਕਸ਼ਨ ਕੈਮਰੇ (ਐਨਪੀਡੀਸੀ) ਦੁਆਰਾ ਲਗਭਗ 70 ਕਿਲੋਮੀਟਰ ਦੀ ਉਚਾਈ ਤੋਂ ਲਈਆਂ ਚੰਦਰਮਾ ਦੀਆਂ ਤਸਵੀਰਾਂ ਜਾਰੀ ਕੀਤੀਆਂ ਸਨ।
ਇਸਰੋ ਨੇ ਸੋਮਵਾਰ ਨੂੰ ‘ਲੈਂਡਰ ਹੈਜ਼ਰਡ ਡਿਟੈਕਸ਼ਨ ਐਂਡ ਐਵੀਡੈਂਸ ਕੈਮਰਾ’ ਤੋਂ ਲਈਆਂ ਚੰਦਰਮਾ ਦੇ ਦੂਰ ਵਾਲੇ ਪਾਸੇ ਦੀਆਂ ਤਸਵੀਰਾਂ ਜਾਰੀ ਕੀਤੀਆਂ ਸਨ। ਅਹਿਮਦਾਬਾਦ ਸਥਿਤ ‘ਸਪੇਸ ਐਪਲੀਕੇਸ਼ਨ ਸੈਂਟਰ’ ਦੁਆਰਾ ਵਿਕਸਿਤ ਕੀਤਾ ਗਿਆ ਇਹ ਕੈਮਰਾ ਹੇਠਾਂ ਉਤਰਦੇ ਸਮੇਂ ਸੁਰੱਖਿਅਤ ‘ਲੈਂਡਿੰਗ’ ਖੇਤਰ ਦਾ ਪਤਾ ਲਗਾਉਣ ‘ਚ ਮਦਦ ਕਰਦਾ ਹੈ, ਕਿੱਥੇ ਕੋਈ ਚੱਟਾਨ ਜਾਂ ਡੂੰਘੀਆਂ ਖਾਈ ਹੈ।
