ਜੇਕਰ ਤੁਸੀਂ ਮੈਸੇਜਿੰਗ ਅਤੇ ਚੈਟਿੰਗ ਲਈ ਵਟਸਐਪ ਦੀ ਵਰਤੋਂ ਕਰਦੇ ਹੋ ਤਾਂ ਤੁਹਾਡੇ ਲਈ ਜਰੂਰੀ ਖ਼ਬਰ ਹੈ। ਵਟਸਐਪ ਅਗਲੇ ਮਹੀਨੇ (24 ਅਕਤੂਬਰ) ਤੋਂ ਕੁਝ ਸਮਾਰਟਫੋਨਸ ਲਈ ਆਪਣਾ ਸਮਰਥਨ ਖਤਮ ਕਰਨ ਜਾ ਰਿਹਾ ਹੈ। ਵਟਸਐਪ ਦਾ ਕਹਿਣਾ ਹੈ ਕਿ ਉਹ ਉਨ੍ਹਾਂ ਫੋਨਾਂ ਨੂੰ ਸਪੋਰਟ ਕਰਨਾ ਬੰਦ ਕਰ ਦੇਵੇਗਾ ਜੋ ਐਂਡਰਾਇਡ OS 5.0 ਜਾਂ ਇਸ ਤੋਂ ਉੱਪਰ ਦੇ ਵਰਜ਼ਨ ‘ਤੇ ਨਹੀਂ ਚੱਲ ਰਹੇ ਹਨ।
ਆਪਣੇ ਫ਼ੋਨ ਦੇ Android OS ਵਰਜ਼ਨ ਦੀ ਜਾਂਚ ਕਿਵੇਂ ਕਰੀਏ
ਆਪਣੇ ਫੋਨ ਦੇ ਐਂਡਰਾਇਡ ਓਐਸ ਸੰਸਕਰਣ ਦੀ ਜਾਂਚ ਕਰਨ ਲਈ, ਤੁਹਾਨੂੰ ਫੋਨ ਦੀ ਸੈਟਿੰਗ ਵਿੱਚ ਜਾਣਾ ਹੋਵੇਗਾ, ਫਿਰ (About) ਫੋਨ ਵਿੱਚ ਜਾਣਾ ਹੋਵੇਗਾ। ਇੱਥੋਂ ਤੁਹਾਨੂੰ ਸਾਫਟਵੇਅਰ ਜਾਣਕਾਰੀ ‘ਤੇ ਜਾਣਾ ਹੋਵੇਗਾ। ਜੇਕਰ ਤੁਹਾਡਾ ਸਮਾਰਟਫੋਨ ਐਂਡ੍ਰਾਇਡ 4.0 ਜਾਂ ਇਸ ਤੋਂ ਘੱਟ ਵਰਜਨ ‘ਤੇ ਚੱਲ ਰਿਹਾ ਹੈ, ਤਾਂ ਮੈਸੇਜਿੰਗ ਪਲੇਟਫਾਰਮ ਅਕਤੂਬਰ ‘ਚ ਉਸ ਡਿਵਾਈਸ ‘ਤੇ ਆਪਣਾ ਸਮਰਥਨ ਖਤਮ ਕਰ ਦੇਵੇਗਾ। ਮਤਲਬ ਕਿ ਤੁਸੀਂ WhatsApp ਦੀ ਵਰਤੋਂ ਨਹੀਂ ਕਰ ਸਕੋਗੇ।
ਸਿਰਫ਼ ਇਨ੍ਹਾਂ ਡਿਵਾਈਸਾਂ ‘ਤੇ ਚੱਲੇਗਾ WhatsApp
- OS 4.1 ਅਤੇ ਇਸਤੋਂ ਉੱਪਰ ਵਾਲੇ Android ਫ਼ੋਨ।
- iOS 12 ਅਤੇ ਬਾਅਦ ਵਾਲੇ iPhones।
- JioPhone ਅਤੇ JioPhone 2 ਸਮੇਤ KaiOS 2.5.0 ਅਤੇ ਇਸ ਤੋਂ ਉੱਪਰ ਵਾਲੇ ਫ਼ੋਨ।
