ਦੁਸਹਿਰਾ ਭਾਰਤੀਆਂ ਦਾ ਇਕ ਅਹਿਮ ਤਿਉਹਾਰ ਹੈ। ਇਹ ਤਿਉਹਾਰ ਬਦੀ ਉੱਤੇ ਨੇਕੀ ਦੀ ਜਿੱਤ ਦੇ ਪ੍ਰਤੀਕ ਵਜੋਂ ਮਨਾਇਆ ਜਾਂਦਾ ਹੈ। ਇਸ ਵਾਰ ਲੁਧਿਆਣਾ ‘ਚ ਪੰਜਾਬ ਦਾ ਸਭ ਤੋਂ ਵੱਡਾ 120 ਫੁੱਟ ਦਾ ਰਾਵਣ ਦਾ ਪੁਤਲਾ ਸਾੜਿਆ ਜਾਵੇਗਾ। ਦੱਸ ਦਈਏ ਕਿ 3 ਪੁਸ਼ਤਾਂ ਤੋਂ ਕੰਮ ਕਰ ਰਹੇ ਮੁਸਲਿਮ ਪਰਿਵਾਰ ਵਲੋਂ ਰਾਵਣ ਦਾ ਪੁਤਲਾ ਤਿਆਰ ਕੀਤਾ ਜਾ ਰਿਹਾ ਹੈ।
ਲੁਧਿਆਣਾ ਦੇ ਦਰੇਸੀ ਮੈਦਾਨ ਵਿੱਚ ਪੰਜਾਬ ਦਾ ਸਭ ਤੋਂ ਵੱਡਾ 120 ਫੁੱਟ ਉੱਚਾ ਰਾਵਣ ਦਾ ਪੁਤਲਾ ਬਣਾਇਆ ਜਾ ਰਿਹਾ ਹੈ। ਇਸ ‘ਤੇ ਮੀਂਹ ਵੀ ਆਪਣਾ ਅਸਰ ਨਹੀਂ ਦਿਖਾ ਸਕੇਗਾ ਕਿਉਂਕਿ ਇਹ ਵਾਟਰ ਪਰੂਫ ਪੇਪਰ ਨਾਲ ਤਿਆਰ ਕੀਤਾ ਜਾ ਰਿਹਾ ਹੈ। ਖਾਸ ਕਰਕੇ ਰਾਵਣ ਨੂੰ ਤਿਆਰ ਕਰਨ ਵਾਲੇ ਕਾਰੀਗਰਾਂ ਦਾ ਦਾਅਵਾ ਹੈ ਕਿ ਉਨ੍ਹਾਂ ਨੇ ਇਸ ਰਾਵਣ ਨੂੰ ਤਿਆਰ ਕਰਨ ਲਈ ਅਮਰੀਕਾ ਤੋਂ ਕਾਗਜ਼ ਮੰਗਵਾਏ ਹਨ ਤਾਂ ਜੋ ਬਾਰਿਸ਼ ਦੌਰਾਨ ਇਹ ਖਰਾਬ ਨਾ ਹੋ ਜਾਵੇ।
ਰਾਵਣ ਬਣਾਉਣ ਵਾਲੇ ਕਾਰੀਗਰ ਆਕੀਲ ਖਾਨ ਦਾ ਕਹਿਣਾ ਹੈ ਕਿ ਉਹ ਆਗਰਾ ਤੋਂ ਆਇਆ ਹੈ। 40 ਲੋਕਾਂ ਦੀ ਟੀਮ ਹੈ ਜੋ ਦੋ ਹਿੱਸਿਆਂ ਵਿੱਚ ਕੰਮ ਕਰ ਰਹੀ ਹੈ। ਪੰਜਾਬ ਦੇ ਮੋਹਾਲੀ, ਚੰਡੀਗੜ੍ਹ, ਜਲੰਧਰ ਕੈਂਟ ਅਤੇ ਲੁਧਿਆਣਾ ਵਿੱਚ ਰਾਵਣ ਤਿਆਰ ਕੀਤਾ ਜਾ ਰਿਹਾ ਹੈ। ਦਰੇਸੀ ਵਿੱਚ ਰਾਵਣ, ਮੇਘਨਾਥ ਅਤੇ ਕੁਭਕਰਨ ਦੇ ਤਿੰਨ ਪੁਤਲੇ ਕਰੀਬ 3 ਲੱਖ ਰੁਪਏ ਵਿੱਚ ਤਿਆਰ ਕੀਤੇ ਜਾ ਰਹੇ ਹਨ।
ਅਕੀਲ ਖਾਨ ਨੇ ਦੱਸਿਆ ਕਿ ਉਸ ਦਾ ਮਾਮਾ ਇਮਰਾਨ ਸਿਵਲ ਇੰਜੀਨੀਅਰ ਹੈ। ਰਾਵਣ ਬਣਾਉਣ ਦੇ ਆਪਣੇ ਪੁਰਖਿਆਂ ਦੇ ਕੰਮ ਕਾਰਨ ਉਸਨੇ ਨੌਕਰੀ ਛੱਡ ਦਿੱਤੀ। ਉਨ੍ਹਾਂ ਦਾ ਪਰਿਵਾਰ 1992 ਤੋਂ ਰਾਵਣ ਬਣਾਉਣ ਦਾ ਕੰਮ ਕਰ ਰਿਹਾ ਹੈ। ਇਹ ਉਸਦੀ ਤੀਜੀ ਪੀੜ੍ਹੀ ਹੈ।ਅਕੀਲ ਨੇ ਦੱਸਿਆ ਕਿ 120 ਫੁੱਟ ਉੱਚੇ ਰਾਵਣ ਦਾ ਜੈਕਟ ਖਿੱਚ ਦਾ ਕੇਂਦਰ ਹੋਵੇਗਾ। ਜੈਕਟ ‘ਤੇ ਇੱਕ ਚੱਕਰ ਬਣਾਇਆ ਜਾਵੇਗਾ. ਇਸ ਨੂੰ ਕੰਪਿਊਟਰਾਈਜ਼ਡ ਡਿਜ਼ਾਈਨ ਨਾਲ ਤਿਆਰ ਕੀਤਾ ਜਾ ਰਿਹਾ ਹੈ।