ਤੁਹਾਡੇ ਹੱਥੋਂ ਕਿੰਨੇ ਕੀੜੇ ਮਰੇ ਹੋਣਗੇ, ਪਰ ਕੀ ਤੁਸੀਂ ਉਨ੍ਹਾਂ ਦੇ ਮਰਨ ਤੋਂ ਬਾਅਦ ਉਨ੍ਹਾਂ ਨੂੰ ਸ਼ਰਧਾਂਜਲੀ ਦਿੱਤੀ ਹੈ? ਹੁਣ ਤੁਸੀਂ ਕਹੋਗੇ ਕਿ ਇਹ ਕੀ ਮਜ਼ਾਕ ਹੈ। ਪਰ ਇੱਕ ਕੀਟਨਾਸ਼ਕ ਕੰਪਨੀ ਅਜਿਹੀ ਵੀ ਹੈ ਜੋ ਮਾਸੂਮ ਜੀਵਾਂ ਨੂੰ ਮਾਰਨ ਤੋਂ ਬਾਅਦ ਉਨ੍ਹਾਂ ਦੇ ਸਨਮਾਨ ਵਿੱਚ ਇੱਕ ਯਾਦਗਾਰੀ ਮੀਟਿੰਗ ਦਾ ਆਯੋਜਨ ਕਰਦੀ ਹੈ। ਤੁਸੀਂ ਮੰਨੋ ਜਾਂ ਨਾ ਮੰਨੋ, ਇਹ ਸੱਚ ਹੈ। ਦੂਜੇ ਸ਼ਬਦਾਂ ਵਿਚ, ਕੰਪਨੀ ਆਪਣੇ ਗੁਨਾਹਾਂ ਲਈ ਮੁਆਫੀ ਮੰਗਦੀ ਹੈ!
ਜਪਾਨ ਵਿੱਚ ਅਰਥ ਕਾਰਪੋਰੇਸ਼ਨ ਨਾਮ ਦੀ ਇੱਕ ਕੀਟਨਾਸ਼ਕ ਕੰਪਨੀ ਹੈ, ਜਿਸ ਨੇ ਦਹਾਕਿਆਂ ਦੀ ਖੋਜ ਤੋਂ ਬਾਅਦ ਇਸ ਖੇਤਰ ਵਿੱਚ ਆਪਣਾ ਨਾਮ ਬਣਾਇਆ ਹੈ। ਇਹ ਟੈਸਟ ਕਰਨ ਲਈ ਕਿ ਉਤਪਾਦ ਪ੍ਰਭਾਵੀ ਹੈ ਜਾਂ ਨਹੀਂ, ਕੰਪਨੀ ਇਸ ਦੀ ਵਰਤੋਂ ਅੱਕੋ ਸ਼ਹਿਰ ਵਿੱਚ ਵੱਖ-ਵੱਖ ਕਿਸਮਾਂ ਦੇ ਕੀੜਿਆਂ ‘ਤੇ ਕਰਦੀ ਹੈ। ਇਸ ਦੌਰਾਨ ਬਹੁਤ ਸਾਰੇ ਕੀੜੇ ਮਾਰੇ ਜਾਂਦੇ ਹਨ।
ਅਜਿਹੇ ‘ਚ ਲੋਕਾਂ ਨੂੰ ਇਹ ਦੱਸਣ ਲਈ ਕਿ ਕੰਪਨੀ ਕੀੜੇ-ਮਕੌੜਿਆਂ ਪ੍ਰਤੀ ਵੀ ਸੰਵੇਦਨਸ਼ੀਲ ਹੈ, ਅਰਥ ਕਾਰਪੋਰੇਸ਼ਨ ਹਰ ਸਾਲ ਸ਼ਹਿਰ ਦੇ ਮਯੋਦੋਜੀ ਮੰਦਰ ‘ਚ ਕੀੜੇ-ਮਕੌੜਿਆਂ ਦੇ ਸਨਮਾਨ ‘ਚ ਇਕ ਮੀਟਿੰਗ ਦਾ ਆਯੋਜਨ ਕਰਦੀ ਹੈ। ਇਸ ਦੌਰਾਨ ਕੰਪਨੀ ਉਨ੍ਹਾਂ ਸਾਰੇ ਕੀੜੇ-ਮਕੌੜਿਆਂ ਦੀ ਆਤਮਾ ਦੀ ਸ਼ਾਂਤੀ ਲਈ ਅਰਦਾਸ ਕਰਦੀ ਹੈ ਜੋ ਉਨ੍ਹਾਂ ਦੇ ਹੱਥੋਂ ਮਰ ਗਏ ਸਨ।
ਇੰਨਾ ਹੀ ਨਹੀਂ, ਮਾਰੇ ਗਏ ਕੀੜਿਆਂ ਦੀਆਂ ਤਸਵੀਰਾਂ ਵੀ ਨਿਯਮਤ ਤੌਰ ‘ਤੇ ਰੱਖੀਆਂ ਜਾਂਦੀਆਂ ਹਨ, ਜਿਨ੍ਹਾਂ ਵਿਚ ਮੱਖੀਆਂ, ਮੱਛਰ, ਚਿੱਚੜ ਅਤੇ ਕਾਕਰੋਚ ਆਦਿ ਸ਼ਾਮਲ ਹਨ। ਇਸ ਤੋਂ ਬਾਅਦ ਕੰਪਨੀ ਦੇ ਕਰਮਚਾਰੀ ਖੜ੍ਹੇ ਹੋ ਕੇ ਉਨ੍ਹਾਂ ਨੂੰ ਸ਼ਰਧਾਂਜਲੀ ਦਿੰਦੇ ਹਨ। ਤੁਹਾਨੂੰ ਇਹ ਜਾਣ ਕੇ ਹੈਰਾਨੀ ਹੋਵੇਗੀ ਕਿ ਪੁਜਾਰੀ ਦੇ ਹੱਥੋਂ ਅਰਦਾਸ ਕੀਤੀ ਜਾਂਦੀ ਹੈ, ਤਾਂ ਜੋ ਉਨ੍ਹਾਂ ਕੀੜਿਆਂ ਦੀਆਂ ਆਤਮਾਵਾਂ ਨੂੰ ਸ਼ਾਂਤੀ ਮਿਲ ਸਕੇ।
