ਇਸ ਸਮੇਂ ਦਿੱਲੀ,ਪੰਜਾਬ,ਹਰਿਆਣਾ ਅਤੇ ਇਸ ਦੇ ਆਸਪਾਸ ਦੇ ਇਲਾਕਿਆਂ ‘ਚ ਬਹੁਤ ਠੰਡ ਪੈ ਰਹੀ ਹੈ। ਅਜਿਹੀ ਸਥਿਤੀ ‘ਚ ਚਮੜੀ ਦੇ ਖੁਸ਼ਕ ਅਤੇ ਖਾਰਸ਼ ਹੋਣ ਦੇ ਨਾਲ-ਨਾਲ ਹੱਥਾਂ ਅਤੇ ਖਾਸ ਕਰਕੇ ਪੈਰਾਂ ਦੀਆਂ ਉਂਗਲਾਂ ‘ਤੇ ਲਾਲ ਨਿਸ਼ਾਨ ਆਉਣ ਲੱਗਦੇ ਹਨ ਅਤੇ ਖੁਜਲੀ ਦੇ ਨਾਲ-ਨਾਲ ਉਨ੍ਹਾਂ ‘ਤੇ ਸੋਜ ਵੀ ਆਉਣ ਲੱਗਦੀ ਹੈ। ਸਰਦੀਆਂ ਵਿੱਚ ਇਸ ਤਰ੍ਹਾਂ ਦੀ ਸਮੱਸਿਆ ਹੋਣਾ ਆਮ ਗੱਲ ਹੈ। ਪਰ ਇਸ ਦੇ ਕਾਰਨ ਤੁਹਾਨੂੰ ਕਈ ਵਾਰ ਕਈ ਪਰੇਸ਼ਾਨੀਆਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਤਾਂ ਆਓ ਜਾਣਦੇ ਹਾਂ ਉਨ੍ਹਾਂ ਘਰੇਲੂ ਨੁਸਖਿਆਂ ਬਾਰੇ ਜੋ ਸੋਜ ਅਤੇ ਖਾਰਸ਼ ਤੋਂ ਰਾਹਤ ਦਿਵਾ ਸਕਦੇ ਹਨ।
ਨਾਰੀਅਲ ਦਾ ਤੇਲ ਅਤੇ ਕਪੂਰ
ਨਾਰੀਅਲ ਦੇ ਤੇਲ ਨੂੰ ਗਰਮ ਕਰੋ ਅਤੇ ਇਸ ਵਿਚ ਕਪੂਰ ਪਾਓ। ਜਦੋਂ ਇਹ ਥੋੜਾ ਠੰਡਾ ਹੋ ਜਾਵੇ ਤਾਂ ਜਿੱਥੇ ਸੋਜ ਅਤੇ ਲਾਲੀ ਹੋਵੇ ਉੱਥੇ ਹਲਕੇ ਹੱਥਾਂ ਨਾਲ ਮਾਲਿਸ਼ ਕਰੋ। ਇਹ ਖੁਜਲੀ ਅਤੇ ਸੋਜ ਨੂੰ ਘਟਾਉਣ ਵਿੱਚ ਵੀ ਮਦਦ ਕਰ ਸਕਦਾ ਹੈ।
ਕੋਸੇ ਪਾਣੀ ਵਿੱਚ ਨਮਕ
ਸਰਦੀਆਂ ਵਿੱਚ ਹੱਥਾਂ-ਪੈਰਾਂ ਦੀ ਸੋਜ ਤੋਂ ਰਾਹਤ ਪਾਉਣ ਲਈ ਕੋਸੇ ਪਾਣੀ ਵਿੱਚ ਨਮਕ ਮਿਲਾ ਕੇ ਆਪਣੇ ਪੈਰਾਂ ਨੂੰ 10 ਤੋਂ 15 ਮਿੰਟ ਤੱਕ ਇਸ ਵਿੱਚ ਡੁਬੋ ਕੇ ਰੱਖੋ। ਨਿੱਘੇ ਪਾਣੀ ਨਾਲ ਦਰਦ ਤੋਂ ਰਾਹਤ ਮਿਲੇਗੀ। ਧਿਆਨ ਰਹੇ ਕਿ ਅਜਿਹਾ ਦਿਨ ‘ਚ ਕਈ ਵਾਰ ਨਾ ਕਰੋ ਕਿਉਂਕਿ ਗਰਮ ਪਾਣੀ ਨਾਲ ਪੈਰਾਂ ਦੀ ਚਮੜੀ ‘ਚ ਖੁਸ਼ਕੀ ਵੀ ਆ ਸਕਦੀ ਹੈ।
ਆਟਾ
ਆਟੇ ਦਾ ਸੇਕ ਦਰਦ ਤੋਂ ਰਾਹਤ ਦਿਵਾ ਸਕਦਾ ਹੈ। ਇਸ ਦੇ ਲਈ ਆਟੇ ਦਾ ਪੇਸਟ ਬਣਾ ਕੇ ਦਰਦ ਵਾਲੀ ਥਾਂ ‘ਤੇ 20 ਤੋਂ 30 ਮਿੰਟ ਤੱਕ ਲਗਾਓ। ਇਸ ਤੋਂ ਬਾਅਦ ਇਸ ਨੂੰ ਕੋਸੇ ਪਾਣੀ ਨਾਲ ਧੋ ਲਓ।