ਅਸੀਂ ਸਾਰੇ ਜਾਣਦੇ ਹਾਂ ਕਿ ਪ੍ਰਮਾਤਮਾ ਮੌਜੂਦ ਹੈ, ਪਰ ਉਸ ਨੂੰ ਕਿਸੇ ਨੇ ਨਹੀਂ ਦੇਖਿਆ। ਪਰ ਜੇਕਰ ਧਰਤੀ ‘ਤੇ ਰੱਬ ਦਾ ਕੋਈ ਹੋਰ ਰੂਪ ਹੈ ਤਾਂ ਉਹ ਹੈ ਡਾਕਟਰ। ਚੀਨ ਤੋਂ ਇੱਕ ਖਬਰ ਸਾਹਮਣੇ ਆਈ ਹੈ, ਜਿਸ ਵਿੱਚ ਦੱਸਿਆ ਗਿਆ ਹੈ ਕਿ ਡਾਕਟਰਾਂ ਨੂੰ ਭਗਵਾਨ ਦਾ ਦਰਜਾ ਕਿਉਂ ਦਿੱਤਾ ਜਾਂਦਾ ਹੈ। ਜ਼ਬਰਦਸਤ ਭੂਚਾਲ ਨਾਲ ਸਾਰਾ ਆਪਰੇਸ਼ਨ ਥੀਏਟਰ ਹਿੱਲ ਗਿਆ ਸੀ ਪਰ ਇਹ ਭੂਚਾਲ ਡਾਕਟਰਾਂ ਦੇ ਮਨੋਬਲ ਨੂੰ ਹਿਲਾ ਨਹੀਂ ਸਕਿਆ। ਆਪਣੀ ਜਾਨ ਦੀ ਪ੍ਰਵਾਹ ਕੀਤੇ ਬਿਨਾਂ ਡਾਕਟਰਾਂ ਦੀ ਟੀਮ ਨੇ ਮਰੀਜ਼ ਦੀ ਜਾਨ ਬਚਾਈ। ਉਹ ਜ਼ੋਰਦਾਰ ਝਟਕਿਆਂ ਦੇ ਬਾਵਜੂਦ ਸ਼ਾਂਤ ਰਹਿ ਕੇ ਦਿਮਾਗ ਦੀ ਸਰਜਰੀ ਕੀਤੀ। ਹੁਣ ਸੋਸ਼ਲ ਮੀਡੀਆ ‘ਤੇ ਇਨ੍ਹਾਂ ਡਾਕਟਰਾਂ ਦੀ ਕਾਫੀ ਤਾਰੀਫ ਹੋ ਰਹੀ ਹੈ।
ਜਦੋਂ 23 ਜਨਵਰੀ ਨੂੰ ਤੜਕੇ 2 ਵਜੇ ਚੀਨ ਦੇ ਸ਼ਿਨਜਿਆਂਗ ਵਿੱਚ 7.1 ਤੀਬਰਤਾ ਦਾ ਭੂਚਾਲ ਆਇਆ ਇਸ ਦੇ ਬਾਵਜੂਦ ਡਾਕਟਰਾਂ ਆਪਰੇਸ਼ਨ ਥੀਏਟਰ ਵਿੱਚ ਦਿਮਾਗ ਦੀ ਸਰਜਰੀ ਕੀਤੀ। ਹੁਣ ਇਸ ਘਟਨਾ ਦਾ ਵੀਡੀਓ ਚੀਨੀ ਸੋਸ਼ਲ ਸਾਈਟਸ ‘ਤੇ ਵਾਇਰਲ ਹੋ ਰਿਹਾ ਹੈ, ਜਿਸ ਨੂੰ ਦੇਖ ਕੇ ਲੋਕ ‘ਧਰਤੀ ਦੇ ਦੇਵਤਿਆਂ’ ਦੀ ਤਾਰੀਫ ਕਰ ਰਹੇ ਹਨ। ਸਰਜਨ ਐਨ ਸ਼ੁਫਾਂਗ ਦੀ ਟੀਮ ਨੇ ਭੂਚਾਲ ਦੇ ਜ਼ੋਰਦਾਰ ਝਟਕਿਆਂ ਦੇ ਬਾਵਜੂਦ ਸਰਜਰੀ ਪੂਰੀ ਕੀਤੀ।
