ਪਾਕਿਸਤਾਨੀ ਜਲ ਸੈਨਾ ਨੂੰ ਆਪਣਾ ਪਹਿਲਾ ਜਾਸੂਸੀ ਜਹਾਜ਼ ਮਿਲ ਗਿਆ ਹੈ। ਪਾਕਿਸਤਾਨ ਨੇ ਜਾਸੂਸੀ ਜਹਾਜ਼ ਦਾ ਨਾਂ ਪੀਐਨਐਸ ਰਿਜ਼ਵਾਨ ਰੱਖਿਆ ਹੈ। ਇਸ ਜਹਾਜ਼ ਨੂੰ ਚੀਨ ਦੀ ਫੁਜਿਆਨ ਮਾਵੇਈ ਸ਼ਿਪ ਬਿਲਡਿੰਗ ਲਿਮਟਿਡ ‘ਚ ਬਣਾਇਆ ਗਿਆ ਹੈ।
ਦੱਸ ਦਈਏ ਕਿ ਇਹ ਜਾਸੂਸੀ ਜਹਾਜ਼ 87.2 ਮੀਟਰ ਲੰਬਾ ਅਤੇ 19 ਮੀਟਰ ਚੌੜਾ ਹੈ। ਜਾਸੂਸੀ ਜਹਾਜ਼ ਦੀ ਤੁਲਨਾ ਭਾਰਤ ਦੇ ਆਈਐਨਐਸ ਧਰੁਵ ਨਾਲ ਕੀਤੀ ਜਾ ਰਹੀ ਹੈ। ਇਹ ਪ੍ਰਮਾਣੂ ਮਿਜ਼ਾਈਲਾਂ ਨੂੰ ਟਰੈਕ ਕਰਨ ਦੀ ਸਮਰੱਥਾ ਵੀ ਰੱਖਦਾ ਹੈ। ਮਾਹਿਰਾਂ ਅਨੁਸਾਰ ਪੀਐਨਐਸ ਰਿਜ਼ਵਾਨ ਵਰਗੇ ਜਹਾਜ਼ ਆਧੁਨਿਕ ਯੁੱਧ ਵਿੱਚ ਅਹਿਮ ਭੂਮਿਕਾ ਨਿਭਾ ਸਕਦੇ ਹਨ।
