ਜੈਪੁਰ, 21 ਮਾਰਚ 2024 – ਜੈਪੁਰ ‘ਚ ਘਰ ਨੂੰ ਅੱਗ ਲੱਗਣ ਕਾਰਨ ਇਕ ਪਰਿਵਾਰ ਜ਼ਿੰਦਾ ਸੜ ਗਿਆ। ਇਸ ਹਾਦਸੇ ‘ਚ ਮਾਤਾ-ਪਿਤਾ ਸਮੇਤ ਤਿੰਨ ਬੱਚਿਆਂ ਦੀ ਮੌਤ ਹੋ ਗਈ ਹੈ। ਵਿਸ਼ਵਕਰਮਾ ਥਾਣਾ ਪੁਲਸ ਨੇ ਫਾਇਰ ਬ੍ਰਿਗੇਡ ਦੀ ਮਦਦ ਨਾਲ ਅੱਗ ‘ਤੇ ਕਾਬੂ ਪਾ ਕੇ ਸੜੀਆਂ ਲਾਸ਼ਾਂ ਨੂੰ ਬਾਹਰ ਕੱਢਿਆ। ਪੁਲੀਸ ਨੇ ਪੰਜਾਂ ਲਾਸ਼ਾਂ ਨੂੰ ਪੋਸਟਮਾਰਟਮ ਲਈ ਕਾਂਵਤੀਆ ਹਸਪਤਾਲ ਦੀ ਮੋਰਚਰੀ ਵਿੱਚ ਰਖਵਾਇਆ ਹੈ।
ਐਸਐਚਓ ਰਾਜੇਂਦਰ ਸ਼ਰਮਾ ਨੇ ਦੱਸਿਆ ਕਿ ਇਹ ਹਾਦਸਾ ਵੀਰਵਾਰ ਸਵੇਰੇ ਕਰੀਬ 7.30 ਵਜੇ ਜੈਸਲਿਆ ਪਿੰਡ ਵਿੱਚ ਵਾਪਰਿਆ। ਸੂਚਨਾ ਮਿਲਦੇ ਹੀ ਟੀਮ ਮੌਕੇ ‘ਤੇ ਪਹੁੰਚ ਗਈ। ਉਥੇ ਸਿਲੰਡਰ ਨੂੰ ਅੱਗ ਲੱਗ ਗਈ। ਰੈਗੂਲੇਟਰ ਪੈਨਲ ‘ਚੋਂ ਅੱਗ ਨਿਕਲੀ ਸੀ, ਜਿਸ ਕਾਰਨ ਕਮਰੇ ‘ਚ ਅੱਗ ਫੈਲ ਗਈ ਅਤੇ ਪਰਿਵਾਰ ਸੜ ਗਿਆ।
ਹਾਦਸੇ ਵਿੱਚ ਰਾਜੇਸ਼ (26), ਉਸਦੀ ਪਤਨੀ ਰੂਬੀ (24), ਈਸ਼ੂ (7), ਦਿਲਖੁਸ਼ (2) ਅਤੇ ਖੁਸ਼ਮਨੀ (4) ਦੀ ਮੌਤ ਹੋ ਗਈ। ਸ਼ਰਮਾ ਨੇ ਦੱਸਿਆ ਕਿ ਪਰਿਵਾਰ ਮਧੂਬਨੀ (ਬਿਹਾਰ) ਦਾ ਰਹਿਣ ਵਾਲਾ ਹੈ ਅਤੇ ਇੱਥੇ ਕਿਰਾਏ ‘ਤੇ ਰਹਿੰਦਾ ਸੀ।
ਅਚਾਨਕ ਲੱਗੀ ਅੱਗ ਨੇ ਪੰਜੇ ਲੋਕਾਂ ਨੂੰ ਆਪਣੀ ਲਪੇਟ ਵਿੱਚ ਲੈ ਲਿਆ। ਅੱਗ ਤੋਂ ਬਚਣ ਲਈ ਹਰ ਕੋਈ ਕਮਰੇ ਦੇ ਕੋਨੇ ਵਿੱਚ ਜਾ ਕੇ ਬੈਠ ਗਿਆ, ਪਰ ਬਚ ਨਾ ਸਕਿਆ।
