ਅਜੇ ਦੇਵਗਨ ਅੱਜ (2 ਅਪ੍ਰੈਲ) ਨੂੰ ਆਪਣਾ 55ਵਾਂ ਜਨਮਦਿਨ ਸੈਲੀਬ੍ਰੇਟ ਕਰ ਰਹੇ ਹਨ। ਇਸ ਕਾਰਨ ਪਤਨੀ ਕਾਜੋਲ ਨੇ ਉਨ੍ਹਾਂ ਲਈ ਇੱਕ ਮਜ਼ਾਕੀਆ ਪੋਸਟ ਸ਼ੇਅਰ ਕੀਤੀ ਹੈ। ਸ਼ੇਅਰ ਕੀਤੀ ਤਸਵੀਰ ‘ਚ ਅਜੇ ਇਕ ਪੂਲ ਦੇ ਕਿਨਾਰੇ ਖੜ੍ਹੇ ਨਜ਼ਰ ਆ ਰਹੇ ਹਨ। ਪੋਸਟ ਸ਼ੇਅਰ ਕਰਦੇ ਹੋਏ ਕਾਜੋਲ ਨੇ ਲਿਖਿਆ- ਕਿਉਂਕਿ ਮੈਂ ਜਾਣਦੀ ਹਾਂ ਕਿ ਤੁਸੀਂ ਆਪਣੇ ਜਨਮਦਿਨ ਨੂੰ ਲੈ ਕੇ ਇੰਨੇ ਉਤਸ਼ਾਹਿਤ ਹੋ ਕਿ ਤੁਸੀਂ ਕੇਕ ਬਾਰੇ ਸੋਚ ਕੇ ਬੱਚਿਆਂ ਦੀ ਤਰ੍ਹਾਂ ਛਾਲ ਮਾਰ ਰਹੇ ਹੋ। ਇੰਨਾ ਹੀ ਨਹੀਂ, ਤੁਸੀਂ ਤਾੜੀਆਂ ਵਜਾਉਂਦੇ ਜਾ ਰਹੇ ਹੋ… ਇਸ ਲਈ ਮੈਂ ਤੁਹਾਨੂੰ ਸ਼ੁਭਕਾਮਨਾਵਾਂ ਦੇ ਕੇ ਤੁਹਾਡੇ ਦਿਨ ਦੀ ਸ਼ੁਰੂਆਤ ਕਰਦੀ ਹਾਂ। ਦਿਨ ਦੀਆਂ ਬਹੁਤ ਬਹੁਤ ਮੁਬਾਰਕਾਂ ।
ਦੱਸ ਦਈਏ ਕਿ ਅਜੇ ਦੇਵਗਨ ਦਾ ਜਨਮ 2 ਅਪ੍ਰੈਲ 1969 ਨੂੰ ਦਿੱਲੀ ਵਿੱਚ ਇੱਕ ਪੰਜਾਬੀ ਪਰਿਵਾਰ ਵਿੱਚ ਹੋਇਆ ਸੀ। ਉਸਦਾ ਅਸਲੀ ਨਾਮ ਵਿਸ਼ਾਲ ਵੀਰੂ ਦੇਵਗਨ ਹੈ। ਉਸਦੇ ਪਿਤਾ ਵੀਰੂ ਦੇਵਗਨ ਇੱਕ ਸਟੰਟ ਕੋਰੀਓਗ੍ਰਾਫਰ ਅਤੇ ਐਕਸ਼ਨ ਫਿਲਮ ਨਿਰਦੇਸ਼ਕ ਸਨ। ਉਸਦੀ ਮਾਂ ਵੀਨਾ ਦੇਵਗਨ ਇੱਕ ਨਿਰਮਾਤਾ ਹੈ।
ਅਜੇ ਦੇਵਗਨ ਨੇ ਆਪਣੇ ਕਰੀਅਰ ‘ਚ 100 ਤੋਂ ਜ਼ਿਆਦਾ ਫਿਲਮਾਂ ਕੀਤੀਆਂ ਹਨ। 8 ਮਾਰਚ ਨੂੰ ਰਿਲੀਜ਼ ਹੋਈ ਇਸ ਫਿਲਮ ਨੇ 194 ਕਰੋੜ ਦੀ ਕਮਾਈ ਕੀਤੀ ਹੈ। ਆਉਣ ਵਾਲੇ ਦਿਨਾਂ ‘ਚ ਅਜੇ ਮੈਦਾਨ, ਸਿੰਘਮ ਅਗੇਨ ਅਤੇ ਹੋਰ ਫਿਲਮਾਂ ‘ਚ ਨਜ਼ਰ ਆਉਣਗੇ।
ਜ਼ਿਕਰਯੋਗ ਹੈ ਕਿ ਅਜੇ ਦੇਵਗਨ ਫਿਲਮ ਮੈਦਾਨ ‘ਚ ਨਜ਼ਰ ਆਉਣਗੇ। ਫਿਲਮ ਮੈਦਾਨ ਫੁੱਟਬਾਲ ਕੋਚ ਸਈਦ ਅਬਦੁਲ ਰਹੀਮ ਦੀ ਬਾਇਓਪਿਕ ਹੈ। ਸਈਅਦ ਅਬਦੁਲ ਰਹੀਮ ਨੇ ਆਪਣਾ ਪੂਰਾ ਜੀਵਨ ਫੁੱਟਬਾਲ ਨੂੰ ਸਮਰਪਿਤ ਕਰ ਦਿੱਤਾ ਸੀ ਅਤੇ ਭਾਰਤ ਲਈ ਕਈ ਉਪਲਬਧੀਆਂ ਵੀ ਲੈ ਕੇ ਆਏ ਸਨ। ਫਿਲਮ ‘ਚ ਉਨ੍ਹਾਂ ਦਾ ਕਿਰਦਾਰ ਅਜੇ ਦੇਵਗਨ ਨੇ ਨਿਭਾਇਆ ਹੈ।
ਫਿਲਮ ‘ਚ ਅਜੇ ਦੇਵਗਨ ਦੇ ਨਾਲ ਪ੍ਰਿਯਾਮਣੀ ਅਤੇ ਗਜਰਾਓ ਵੀ ਮੁੱਖ ਭੂਮਿਕਾਵਾਂ ‘ਚ ਹਨ। ਇਹ ਫਿਲਮ ਈਦ ਦੇ ਮੌਕੇ ‘ਤੇ 10 ਅਪ੍ਰੈਲ 2024 ਨੂੰ ਸਿਨੇਮਾਘਰਾਂ ‘ਚ ਰਿਲੀਜ਼ ਹੋਵੇਗੀ। ਅਜੇ ਹਾਲ ਹੀ ‘ਚ ਫਿਲਮ ਸ਼ੈਤਾਨ ‘ਚ ਨਜ਼ਰ ਆਏ ਹਨ। ਫਿਲਮ ਨੇ ਬੌਕਸ ਆਫਿਸ ‘ਤੇ ਚੰਗੀ ਕਮਾਈ ਕੀਤੀ ਹੈ।
