ਹੌਟ ਸੀਟ ਬਣ ਚੁੱਕੀ ਮੰਡੀ ਸੀਟ ਤੋਂ ਕਾਂਗਰਸ ਦੇ ਉਮੀਦਵਾਰ ਵਿਕਰਮਾਦਿੱਤਿਆ ਸਿੰਘ ਅੱਜ ਆਪਣੇ ਨਾਮਜ਼ਦਗੀ ਪੱਤਰ ਦਾਖਲ ਕਰਨਗੇ, ਵਿਕਰਮਾਦਿੱਤਿਆ ਸਿੰਘ ਦੀ ਨਾਮਜ਼ਦਗੀ ਦੌਰਾਨ ਮੁੱਖ ਮੰਤਰੀ ਸੁਖਵਿੰਦਰ ਸਿੰਘ ਸੁੱਖੂ, ਕਾਂਗਰਸ ਪ੍ਰਦੇਸ਼ ਪ੍ਰਧਾਨ ਪ੍ਰਤਿਭਾ ਸਿੰਘ, ਡਿਪਟੀ ਸੀ.ਐੱਮ ਮੁਕੇਸ਼ ਅਗਨੀਹੋਤਰੀ ਅਤੇ ਕਈ ਵੱਡੇ ਕਾਂਗਰਸੀ ਆਗੂ ਮੌਜੂਦ ਸਨ।
ਦੱਸ ਦਈਏ ਕਿ ਕਾਂਗੜਾ ਸੀਟ ਤੋਂ ਕਾਂਗਰਸੀ ਉਮੀਦਵਾਰ ਆਨੰਦ ਸ਼ਰਮਾ ਵੀ ਅੱਜ ਹੀ ਨਾਮਜ਼ਦਗੀ ਪੱਤਰ ਦਾਖਲ ਕਰਨਗੇ। ਮੁੱਖ ਮੰਤਰੀ ਸੁੱਖੂ ਸਵੇਰੇ ਵਿਕਰਮਾਦਿਤਿਆ ਦੀ ਨਾਮਜ਼ਦਗੀ ਲਈ ਮੌਜੂਦ ਰਹਿਣਗੇ, ਜਦਕਿ ਦੁਪਹਿਰ ਨੂੰ ਉਹ ਆਨੰਦ ਸ਼ਰਮਾ ਦੀ ਨਾਮਜ਼ਦਗੀ ‘ਚ ਸ਼ਾਮਲ ਹੋਣ ਲਈ ਕਾਂਗੜਾ ਜਾਣਗੇ।
ਦੂਜੇ ਪਾਸੇ ਭਾਜਪਾ ਦੇ ਰਵੀ ਠਾਕੁਰ ਵੀ ਅੱਜ ਲਾਹੌਲ ਸਪਿਤੀ ਵਿਧਾਨ ਸਭਾ ਉਪ ਚੋਣ ਲਈ ਨਾਮਜ਼ਦਗੀ ਦਾਖ਼ਲ ਕਰਨਗੇ। ਭਾਜਪਾ ਉਮੀਦਵਾਰ ਦੇਵੇਂਦਰ ਕੁਮਾਰ ਭੁੱਟੋ ਵੀ ਅੱਜ ਹੀ ਕੁਟਲਹਾਰ ਵਿਧਾਨ ਸਭਾ ਸੀਟ ਲਈ ਨਾਮਜ਼ਦਗੀ ਦਾਖ਼ਲ ਕਰਨਗੇ।