ਡਰਾਮਾ ਕੁਈਨ ਕੰਗਨਾ ਰਣੌਤ ਆਪਣਾ ਓਟੀਟੀ ਡੈਬਿਊ ਕਰਨ ਜਾ ਰਹੀ ਹੈ। ਦਸ ਦਈਏ ਕਿ ਇਹ ਰਿਐਲਿਟੀ ਸ਼ੋਅ ਹੋਵੇਗਾ ਜੋ ਕਿ ਏਕਤਾ ਕਪੂਰ ਪ੍ਰੋਡਿਊਸ ਕਰ ਰਹੀ ਹੈ। ਮੀਡੀਆ ਰਿਪੋਰਟਾਂ ਮੁਤਾਬਕ ਕੰਗਨਾ ਇਸ ਨੂੰ ਹੋਸਟ ਕਰੇਗੀ। ਇਸ ਸ਼ੋਅ ਦਾ ਫਾਰਮੈਟ ਬਿੱਗ ਬੌਸ ਵਰਗਾ ਹੀ ਹੋਵੇਗਾ।
ਜਾਣਕਾਰੀ ਅਨੁਸਾਰ ਏਕਤਾ ਦੇ ਇਸ ਰਿਐਲਿਟੀ ਸ਼ੋਅ ਨੂੰ ਸਭ ਤੋਂ ਨਿਡਰ ਸ਼ੋਅ ਦੱਸਿਆ ਜਾ ਰਿਹਾ ਹੈ। ਇਸ ਨੂੰ OTT ਪਲੇਟਫਾਰਮ Alt Balaji ਅਤੇ MX Player ‘ਤੇ ਸਟ੍ਰੀਮ ਕੀਤਾ ਜਾਵੇਗਾ। ਮੇਕਰਸ ਵੱਲੋਂ ਸ਼ੋਅ ਦਾ ਅਧਿਕਾਰਤ ਐਲਾਨ ਜਲਦੀ ਹੀ ਕੀਤਾ ਜਾਵੇਗਾ।
ਸੂਤਰਾਂ ਅਨੁਸਾਰ ਇਸ ਸ਼ੋਅ ਦਾ ਫਾਰਮੈਟ ਬਿੱਗ ਬੌਸ ਵਰਗਾ ਹੈ। ਇਸ ਸ਼ੋ ਵਿੱਚ ਖਿਡਾਰੀਆਂ ਨੂੰ ਕਿਸੇ ਇਕ ਜਗ੍ਹਾ ਤੇ 8-10 ਹਫ਼ਤਿਆਂ ਲਈ ਇਕੱਠਾ ਰੱਖਿਆ ਜਾਵੇਗਾ । ਹਰ ਜਗ੍ਹਾ ਤੇ ਕੈਮਰਿਆਂ ਨਾਲ ਨਿਗਰਾਨੀ ਰੱਖੀ ਜਾਵੇਗੀ, ਅਤੇ ਇੱਥੇ ਪ੍ਰਤੀਯੋਗੀਆਂ ਨੂੰ ਕੰਮ ਅਤੇ ਹਿੰਮਤ ਦਿੱਤੀ ਜਾਵੇਗੀ। ਇਹ ਇੱਕ 24×7 ਲਾਈਵ ਸ਼ੋਅ ਹੈ ਜੋ ALTBalaji ਅਤੇ MX Player ‘ਤੇ ਸਟ੍ਰੀਮ ਹੋਵੇਗਾ ।”