ਪੂਰੀ ਦੁਨੀਆ ਬਾਲੀਵੁੱਡ ਸਿਤਾਰਿਆਂ ਦੀ ਬਾਈਕ ਦੇ ਕ੍ਰੇਜ਼ ਤੋਂ ਜਾਣੂ ਹੈ। ਜਾਨ ਅਬ੍ਰਾਹਮ, ਸਲਮਾਨ ਖਾਨ, ਸ਼ਾਹਿਦ ਕਪੂਰ ਸਮੇਤ ਕਈ ਫਿਲਮੀ ਸਿਤਾਰੇ ਆਪਣੀ ਮਹਿੰਗੀ ਬਾਈਕ ਨਾਲ ਮੁੰਬਈ ਦੀਆਂ ਸੜਕਾਂ ‘ਤੇ ਘੁੰਮਦੇ ਨਜ਼ਰ ਆਉਂਦੇ ਹਨ। ਹੁਣ ਇਨ੍ਹਾਂ ਨਾਵਾਂ ‘ਚ ਇਕ ਹੋਰ ਮਸ਼ਹੂਰ ਨਾਂ ਜੁੜ ਗਿਆ ਹੈ ਅਤੇ ਉਹ ਹੈ ਅਰਜੁਨ ਕਪੂਰ। ਅਰਜੁਨ ਕਪੂਰ ਨੇ ਇੱਕ ਨਵੀਂ ਬਾਈਕ ਖਰੀਦੀ ਹੈ ਤੇ ਇਸ ਦੀਆਂ ਤਸਵੀਰਾਂ ਉਨ੍ਹਾਂ ਨੇ ਆਪਣੇ ਸੋਸ਼ਲ ਮੀਡੀਆ ਤੇ ਸ਼ੇਅਰ ਕੀਤੀਆਂ ਹਨ।
ਅਰਜੁਨ ਕਪੂਰ ਨੇ ਆਪਣੇ ਇੰਸਟਾਗ੍ਰਾਮ ਅਕਾਉਂਟ ਉੱਤੇ ਨਵੀਂ ਬਾਈਕ ਖਰੀਦਣ ਬਾਰੇ ਫੈਨਜ਼ ਨਾਲ ਜਾਣਕਾਰੀ ਸ਼ੇਅਰ ਕੀਤੀ। ਉਨ੍ਹਾਂ ਨੇ ਆਪਣੇ ਇੰਸਟਾਗ੍ਰਾਮ ‘ਤੇ ਆਪਣੀ ਨਵੀਂ ਬਾਈਕ ਦੀਆਂ ਤਸਵੀਰਾਂ ਵੀ ਸ਼ੇਅਰ ਕੀਤੀਆਂ ਹਨ। ਇਨ੍ਹਾਂ ਤਸਵੀਰਾਂ ਦੇ ਨਾਲ ਅਰਜੁਨ ਨੇ ਕੈਪਸ਼ਨ ਵਿੱਚ ਲਿਖਿਆ ਹੈ, ” ਰਾਈਟ ਸਵਾਈਪ ਕਰੋ, ਅਤੇ ਮਿਲੋ ਮੇਰੇ ਨਵੇਂ ਦੋਸਤ ਤੋਂ। ਮੈਂ ਅਕਸਰ ਹੀ ਹਰ ਵੀਕੈਂਡ ਉੱਤੇ ਆਪਣੀ ਇਸ ਦੋਸਤ ਨੂੰ ਮਿਲਣ ਦੀ ਕੋਸ਼ਿਸ਼ ਕਰਦਾ ਹਾਂ। ”
ਤਸਵੀਰਾਂ ਦੇ ਵਿੱਚ ਤੁਸੀਂ ਦੇਖ ਸਕਦੇ ਹੋ ਕਿ ਅਰਜੁਨ ਆਪਣੀ ਬਾਈਕ ਉੱਤੇ ਬੈਠ ਕੇ ਕਈ ਤਰ੍ਹਾਂ ਦੇ ਪੋਜ਼ ਦਿੰਦੇ ਹੋਏ ਨਜ਼ਰ ਆ ਰਹੇ ਹਨ। ਅਰਜੁਨ ਨੇ ਆਪਣੀ ਬਾਈਕ ਦੀ ਬਲੈਕ ਐਂਡ ਵਹ੍ਹਾਈਟ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ। ਅਰਜੁਨ ਦੀ ਇਨ੍ਹਾਂ ਤਸਵੀਰਾਂ ਉੱਤੇ ਬਾਈਕ ਬ੍ਰਾਂਡ ਕੰਪਨੀ ਡੁਕਾਟੀ ਇੰਡੀਆ ਹੈਂਡਲ ਨੇ ਕਮੈਂਟ ਕਰਕੇ ਲਿਖਿਆ, “ਸਾਨੂੰ ਖੁਸ਼ੀ ਹੈ ਕਿ ਤੁਸੀਂ ਇਸ ‘ਤੇ ਸਹੀ ਸਵਾਈਪ ਕੀਤਾ ਹੈ!” ਅਰਜੁਨ ਦੇ ਫੈਨਜ਼ ਇਨ੍ਹਾਂ ਤਸਵੀਰਾਂ ਉੱਤੇ ਕਮੈਂਟ ਕਰਕੇ ਉਨ੍ਹਾਂ ਵਧਾਈ ਦੇ ਰਹੇ ਹਨ। ਇਸ ਤੋਂ ਇਲਾਵਾ ਤੁਹਾਨੂੰ ਦੱਸ ਦਈਏ ਕਿ ਅਰਜੁਨ ਦੀ ਇਸ ਬਾਈਕ ਦੀ ਕੀਮਤ ਕਰੀਬ 13 ਲੱਖ ਰੁਪਏ ਹੈ।
