ਅਬੋਹਰ ‘ਚ ਇੱਟਾਂ ਨਾਲ ਭਰੀ ਇਕ ਟਰਾਲੀ ਸੜਕ ‘ਤੇ ਪਲਟ ਗਈ । ਜਾਣਕਾਰੀ ਅਨੁਸਾਰ ਪੁਲ ’ਤੇ ਚੜ੍ਹਦੇ ਸਮੇਂ ਅਬੋਹਰ ਮਲੋਟ ਰੋਡ ’ਤੇ ਬਾਈਪਾਸ ਨੇੜੇ ਇੱਟਾਂ ਨਾਲ ਭਰੀ ਵੱਡੀ ਟਰਾਲੀ ਬੇਕਾਬੂ ਹੋ ਕੇ ਸੜਕ ਕਿਨਾਰੇ ਪਲਟ ਗਈ। ਇਸ ਹਾਦਸੇ ‘ਚ ਟਰਾਲੀ ਚਾਲਕ ਅਤੇ ਕੰਡਕਟਰ ਵਾਲ ਵਾਲ ਬਚ ਗਏ ਜਦਕਿ ਟਰਾਲੀ ਦਾ ਕਾਫੀ ਨੁਕਸਾਨ ਹੋ ਗਿਆ।
ਖੁਸ਼ਕਿਸਮਤੀ ਰਹੀ ਕਿ ਉਸ ਸਮੇਂ ਕੋਈ ਵੀ ਉਥੋਂ ਨਹੀਂ ਲੰਘ ਰਿਹਾ ਸੀ, ਨਹੀਂ ਤਾਂ ਕੋਈ ਵੱਡਾ ਹਾਦਸਾ ਵਾਪਰ ਸਕਦਾ ਸੀ। ਟਰਾਲੀ ਚਾਲਕ ਹਰਪ੍ਰੀਤ ਸਿੰਘ ਨੇ ਦੱਸਿਆ ਕਿ ਬੀਤੀ ਰਾਤ ਉਹ ਅਤੇ ਉਸ ਦਾ ਦੋਸਤ ਗੁਰਲਾਲ ਟਰਾਲੀ ਵਿੱਚ ਇੱਟਾਂ ਲੈ ਕੇ ਮਟੀਲੀ ਤੋਂ ਅੰਮ੍ਰਿਤਸਰ ਜਾ ਰਹੇ ਸਨ ਕਿ ਜਦੋਂ ਉਹ ਮਲੋਟ ਰੋਡ ’ਤੇ ਪੁਲ ਨੇੜੇ ਪਹੁੰਚੇ ਤਾਂ ਪੁਲ ’ਤੇ ਚੜ੍ਹਦੇ ਸਮੇਂ ਟਰਾਲੀ ਦੀ ਇੱਕ ਪਲੇਟ ਟੁੱਟ ਗਈ। ਜਿਸ ਤੋਂ ਬਾਅਦ ਟਰਾਲੀ ਦਾ ਅਗਲਾ ਹਿੱਸਾ ਇਸ ਤੋਂ ਵੱਖ ਹੋ ਗਿਆ, ਜਦਕਿ ਇੱਟਾਂ ਨਾਲ ਭਰਿਆ ਪਿਛਲਾ ਹਿੱਸਾ ਸੜਕ ਕਿਨਾਰੇ ਪਲਟ ਗਿਆ।
ਇਸ ਤੋਂ ਬਾਅਦ ਉਸ ਨੇ ਰੋਡ ਸੇਫਟੀ ਫੋਰਸ ਨੂੰ ਘਟਨਾ ਦੀ ਸੂਚਨਾ ਦਿੱਤੀ, ਜਿਸ ‘ਤੇ ਪੁਲਸ ਮੁਲਾਜ਼ਮਾਂ ਨੇ ਮੌਕੇ ‘ਤੇ ਪਹੁੰਚ ਕੇ ਘਟਨਾ ਦਾ ਜਾਇਜ਼ਾ ਲਿਆ।