ਮੁਕੇਸ਼ ਅੰਬਾਨੀ ਦੇ ਬੇਟੇ ਅਨੰਤ ਅੰਬਾਨੀ ਅਤੇ ਰਾਧਿਕ ਮਰਚੈਂਟ ਦੀ ਦੂਜੀ ਪ੍ਰੀ-ਵੈਡਿੰਗ ਸੈਰੇਮਨੀ ਅੱਜ ਤੋਂ ਸ਼ੁਰੂ ਹੋਵੇਗੀ। ਚਾਰ ਦਿਨ ਚੱਲਣ ਵਾਲੇ ਇਸ ਸਮਾਗਮ ਦੀ ਸ਼ੁਰੂਆਤ ਮਹਿਮਾਨਾਂ ਲਈ ਸੁਆਗਤ ਦੁਪਹਿਰ ਦੇ ਖਾਣੇ (Welcome lunch) ਨਾਲ ਹੋਵੇਗੀ।
ਇਹ ਸਮਾਗਮ ਬਹੁਤ ਹੀ ਸ਼ਾਨਦਾਰ ਹੋਵੇਗਾ ਅਤੇ ਇਸ ਵਿੱਚ ਬਾਲੀਵੁੱਡ ਅਤੇ ਅੰਤਰਰਾਸ਼ਟਰੀ ਮਹਿਮਾਨ ਸ਼ਾਮਲ ਹੋਣਗੇ। ਇਹ ਪ੍ਰੀ-ਵੈਡਿੰਗ ਫੰਕਸ਼ਨ ਇਟਲੀ ਅਤੇ ਦੱਖਣੀ ਫਰਾਂਸ ਵਿਚਕਾਰ ਲਗਜ਼ਰੀ ਕਰੂਜ਼ ‘ਤੇ ਚਾਰ ਦਿਨ ਤੱਕ ਚੱਲੇਗਾ। ਪੂਰੀ ਦੁਨੀਆ ਦੀਆਂ ਨਜ਼ਰਾਂ ਇਸ ਆਲੀਸ਼ਾਨ ਕਰੂਜ਼ ਪਾਰਟੀ ‘ਤੇ ਟਿਕੀਆਂ ਹੋਈਆਂ ਹਨ। ਇਸ ਦੌਰਾਨ ਰਾਧਿਕਾ ਅਤੇ ਅਨੰਤ ਦੀ ਪ੍ਰੀ-ਵੈਡਿੰਗ ਦਾ ਪੂਰਾ ਸ਼ੈਡਿਊਲ ਆ ਗਿਆ ਹੈ, ਜਿਸ ਬਾਰੇ ਅਸੀਂ ਤੁਹਾਨੂੰ ਦੱਸਣ ਜਾ ਰਹੇ ਹਾਂ।
ਰਿਪੋਰਟਾਂ ਮੁਤਾਬਕ ਸਾਰੇ ਸਮਾਗਮ 29 ਮਈ ਯਾਨੀ ਅੱਜ ਤੋਂ ਸ਼ੁਰੂ ਹੋ ਕੇ 1 ਮਈ ਤੱਕ ਚੱਲਣਗੇ। ਪ੍ਰੀ-ਵੈਡਿੰਗ ਫੰਕਸ਼ਨ ਵੈਲਕਮ ਲੰਚ ਅਤੇ ਸਟਾਰਰੀ ਨਾਈਟ ਪਾਰਟੀ ਨਾਲ ਸ਼ੁਰੂ ਹੋਣਗੇ। ਦੂਜੇ ਦਿਨ ਰੋਮ ਦਾ ਪਲਾਨ ਹੈ ਅਤੇ ਕਰੂਜ਼ ‘ਤੇ ਟੋਗਾ ਪਾਰਟੀ ਅਤੇ ਡਿਨਰ ਹੋਵੇਗਾ। ਤੀਜੇ ਦਿਨ ਇਹ ਕਰੂਜ਼ ਕਾਨਸ ਪਹੁੰਚੇਗਾ ਅਤੇ ਉੱਥੇ ਪਾਰਟੀ ਹੋਵੇਗੀ। ਇਸ ਤੋਂ ਬਾਅਦ ਚੌਥੇ ਦਿਨ ਇਟਲੀ ਦੇ ਪੋਰਟੋਫਿਨੋ ਜਾਏਗਾ।
ਵੈਲਕਮ ਲੰਚ ਇਟਲੀ ਦੇ ਸ਼ਹਿਰ ਪਲੇਰਮੋ ਵਿੱਚ ਦੁਪਹਿਰ 12 ਵਜੇ ਤੋਂ ਸ਼ਾਮ 4 ਵਜੇ ਤੱਕ (ਭਾਰਤੀ ਸਮੇਂ ਅਨੁਸਾਰ 3:30 ਤੋਂ 7:30 ਵਜੇ ਤੱਕ) ਚੱਲੇਗਾ। ਦੁਪਹਿਰ ਦੇ ਖਾਣੇ ਤੋਂ ਬਾਅਦ ਸਾਰੇ ਮਹਿਮਾਨ ਕਰੂਜ਼ ‘ਤੇ ਸਵਾਰ ਹੋਣਗੇ ਅਤੇ ਸਟਾਰਰੀ ਨਾਈਟ ਸ਼ਾਮ 6:30 ਵਜੇ (IST 10 ਵਜੇ) ਤੋਂ ਕਰੂਜ਼ ‘ਤੇ ਮਨਾਈ ਜਾਵੇਗੀ।