ਪੈਰਿਸ ਓਲੰਪਿਕ ਦੀ ਅਧਿਕਾਰਤ ਸ਼ੁਰੂਆਤ ਅੱਜ ਤੋਂ ਹੋਣ ਜਾ ਰਹੀ ਹੈ। ਫਰਾਂਸ ਦੀ ਰਾਜਧਾਨੀ ਪੈਰਿਸ ਸਭ ਤੋਂ ਵੱਡੇ ਬਹੁ-ਖੇਡ ਮੁਕਾਬਲੇ ਦੀ ਮੇਜ਼ਬਾਨੀ ਕਰਨ ਜਾ ਰਹੀ ਹੈ। ਪਿਛਲੀ ਵਾਰ ਇੱਥੇ 1924 ਵਿੱਚ ਓਲੰਪਿਕ ਖੇਡਾਂ ਹੋਈਆਂ ਸਨ।ਉਦਘਾਟਨੀ ਸਮਾਰੋਹ ਫਰਾਂਸ ਦੀ ਰਾਜਧਾਨੀ ਪੈਰਿਸ ਵਿੱਚ 26 ਜੁਲਾਈ ਨੂੰ ਰਾਤ 11 ਵਜੇ ਸ਼ੁਰੂ ਹੋਵੇਗਾ।
ਪੈਰਿਸ ਓਲੰਪਿਕ ਦੇ ਉਦਘਾਟਨੀ ਸਮਾਰੋਹ ਦੀ ਪਰੇਡ ‘ਚ ਭਾਰਤੀ ਦਲ 84ਵੇਂ ਨੰਬਰ ‘ਤੇ ਨਜ਼ਰ ਆਵੇਗਾ। ਫਰਾਂਸ ਨੇ 34ਵੀਆਂ ਓਲੰਪਿਕ ਖੇਡਾਂ ਲਈ ਸ਼ਾਨਦਾਰ ਤਿਆਰੀਆਂ ਕਰਕੇ ਇਸ ਨੂੰ ਇਤਿਹਾਸਕ ਬਣਾ ਦਿੱਤਾ ਹੈ। 129 ਸਾਲਾਂ ਦੇ ਓਲੰਪਿਕ ਇਤਿਹਾਸ ‘ਚ ਪਹਿਲੀ ਵਾਰ ਉਦਘਾਟਨੀ ਸਮਾਰੋਹ ਸਟੇਡੀਅਮ ਦੇ ਅੰਦਰ ਨਹੀਂ ਸਗੋਂ ਬਾਹਰ ਹੋਵੇਗਾ। ਸਮਾਰੋਹ ਪੈਰਿਸ ਦੀ ਸੀਨ ਨਦੀ ਤੋਂ ਸ਼ੁਰੂ ਹੋਵੇਗਾ।
ਦੱਸ ਦਈਏ ਕਿ ਸ਼ੁੱਕਰਵਾਰ ਨੂੰ 3 ਖੇਡ ਮੈਚ ਹੋਣਗੇ। ਨਾਲ ਹੀ, ਦੁਨੀਆ ਭਰ ਦੇ ਨਿਸ਼ਾਨੇਬਾਜ਼ ਪ੍ਰੀ-ਇਵੈਂਟ ਸਿਖਲਾਈ ਦੇਣਗੇ। ਇਸ ਵਾਰ ਓਲੰਪਿਕ ਖੇਡਾਂ ਵਿੱਚ 206 ਦੇਸ਼ਾਂ ਦੇ 10500 ਐਥਲੀਟ ਹਿੱਸਾ ਲੈਣਗੇ। ਭਾਰਤ ਨੇ 117 ਖਿਡਾਰੀਆਂ ਦੀ ਟੀਮ ਨੂੰ ਮੈਦਾਨ ‘ਚ ਉਤਾਰਿਆ ਹੈ।
ਖੇਡਾਂ ਵਿੱਚ ਅੱਜ ਰਗਬੀ, ਹੈਂਡਬਾਲ ਅਤੇ ਫੁੱਟਬਾਲ ਦੇ ਮੈਚ ਖੇਡੇ ਜਾਣਗੇ। ਦਿਨ ਦੀ ਸ਼ੁਰੂਆਤ ਸ਼ੁਰੂਆਤੀ ਦੌਰ ਦੇ ਰਗਬੀ ਮੈਚਾਂ ਨਾਲ ਹੋਵੇਗੀ। ਫਿਰ ਸ਼ਾਮ ਨੂੰ ਕੁਆਰਟਰ ਫਾਈਨਲ ਮੈਚ ਖੇਡੇ ਜਾਣਗੇ। ਇੱਥੇ ਮਹਿਲਾ ਫੁੱਟਬਾਲ ਮੈਚ ਵੀ ਖੇਡੇ ਜਾਣਗੇ। ਸਮਾਗਮ ਕਰੀਬ 2 ਘੰਟੇ ਤੱਕ ਚੱਲੇਗਾ। ਭਾਰਤੀ ਖਿਡਾਰੀ ਸਮਾਰੋਹ ਦੌਰਾਨ ਕੁੜਤਾ ਅਤੇ ਬਾਡੀ ਸੈੱਟ ਪਹਿਨਣਗੇ, ਜਦੋਂ ਕਿ ਔਰਤਾਂ ਤਿਰੰਗੇ ਨੂੰ ਦਰਸਾਉਂਦੀਆਂ ਸਾੜ੍ਹੀਆਂ ਪਹਿਨਣਗੀਆਂ।