ਹਾਲੀਵੁੱਡ ਦੀ ਮਸ਼ਹੂਰ ਅਦਾਕਾਰਾ ਐਂਜਲੀਨਾ ਜੋਲੀ ਅਤੇ ਉਸ ਦੇ ਸਾਬਕਾ ਪਤੀ ਬ੍ਰੈਡ ਪਿਟ ਦੇ ਬੇਟੇ ਪੈਕਸ ਜੌਲੀ ਪਿਟ ਦਾ 29 ਜੁਲਾਈ ਨੂੰ ਐਕਸੀਡੈਂਟ ਹੋ ਗਿਆ। ਲਾਸ ਏਂਜਲਸ ‘ਚ ਉਸ ਦੀ ਤੇਜ਼ ਰਫਤਾਰ ਬਾਈਕ ਇਕ ਕਾਰ ਨਾਲ ਟਕਰਾ ਗਈ, ਜਿਸ ਕਾਰਨ ਉਸ ਨੂੰ ਗੰਭੀਰ ਸੱਟਾਂ ਲੱਗੀਆਂ।
ਰਿਪੋਰਟਾਂ ਮੁਤਾਬਕ ਇਸ ਹਾਦਸੇ ‘ਚ ਪੈਕਸ ਜੌਲੀ ਦੇ ਸਿਰ ‘ਤੇ ਸੱਟ ਲੱਗੀ ਹੈ, ਜਿਸ ਕਾਰਨ ਉਨ੍ਹਾਂ ਨੂੰ ਇਕ ਰਾਤ ਹਸਪਤਾਲ ‘ਚ ਰੱਖਿਆ ਗਿਆ। ਫਿਲਹਾਲ ਉਸ ਦੇ ਇਲਾਜ ਸੰਬੰਧੀ ਜ਼ਿਆਦਾ ਜਾਣਕਾਰੀ ਸਾਹਮਣੇ ਨਹੀਂ ਆਈ ਹੈ। ਹਾਦਸੇ ਤੋਂ ਬਾਅਦ ਐਂਜਲੀਨਾ ਜੋਲੀ ਆਪਣੇ ਬੇਟੇ ਨਾਲ ਮੌਜੂਦ ਹੈ
ਰਿਪੋਰਟਾਂ ਦੇ ਅਨੁਸਾਰ, ਸਟਾਰ ਕਿਡ ਲਾਸ ਏਂਜਲਸ ਦੀ ਇੱਕ ਵਿਅਸਤ ਸੜਕ ‘ਤੇ ਆਪਣੀ ਇਲੈਕਟ੍ਰਿਕ ਬਾਈਕ ਚਲਾ ਰਿਹਾ ਸੀ ਇਸ ਦੌਰਾਨ ਉਹ ਇੱਕ ਚੌਰਾਹੇ ‘ਤੇ ਇੱਕ ਕਾਰ ਨਾਲ ਟਕਰਾ ਗਿਆ। ਚਸ਼ਮਦੀਦਾ ਅਨੁਸਾਰ ਪੈਕਸ ਦੀ ਹਾਲਤ ਨਾਜ਼ੁਕ ਲੱਗ ਰਹੀ ਸੀ ਹਾਲਾਂਕਿ ਪੈਰਾਮੈਡੀਕਲ ਟੀਮ ਨੇ ਮੌਕੇ ‘ਤੇ ਪਹੁੰਚ ਕੇ ਉਸ ਦਾ ਮੁੱਢਲਾ ਇਲਾਜ ਕੀਤਾ ਤਾਂ ਉਸ ਨੂੰ ਹੋਸ਼ ਆ ਗਿਆ।
ਐਂਜਲੀਨਾ ਜੋਲੀ ਅਤੇ ਬ੍ਰੈਡ ਪਿਟ ਦੇ ਚੌਥੇ ਬੱਚੇ, ਪੈਕਸ ਨੂੰ ਅਕਸਰ ਆਪਣੀ BMX-ਸਟਾਈਲ ਈ-ਬਾਈਕ ‘ਤੇ LA ਚ ਘੁੰਮਦੇ ਦੇਖਿਆ ਜਾਂਦਾ ਹੈ। ਵਰਕ ਫਰੰਟ ਦੀ ਗੱਲ ਕਰੀਏ ਤਾਂ ਪੈਕਸ ਨੇ ‘ਕੁੰਗ ਫੂ ਪਾਂਡਾ 3’ ਵਿੱਚ ਆਪਣੀ ਆਵਾਜ਼ ਦਿੱਤੀ ਹੈ ਅਤੇ ਆਪਣੀ ਮਾਂ ਦੀ ਡਿਜ਼ਨੀ ਫਿਲਮ ‘ਮੈਲੀਫਿਸੇਂਟ’ ਵਿੱਚ ਵੀ ਭੂਮਿਕਾ ਨਿਭਾਈ ਹੈ।