ਬ੍ਰੇਕ ਡਾਂਸਰ ਮਨੀਜ਼ਾ ਤਾਲਾਸ਼ ਜੋ ਅਫਗਾਨਿਸਤਾਨ ਦੀ ਰਹਿਣ ਵਾਲੀ ਹੈ ਅਤੇ ਓਲੰਪਿਕ ਵਿੱਚ ਸ਼ਰਨਾਰਥੀ ਟੀਮ ਦੀ ਨੁਮਾਇੰਦਗੀ ਕਰ ਰਹੀ ਹੈ, ਉਸ ਨੂੰ ਇਸ ਲਈ ਅਯੋਗ ਕਰਾਰ ਦਿੱਤਾ ਗਿਆ ਕਿਉਂਕਿ ਉਸਨੇ ਪ੍ਰੀ-ਕੁਆਲੀਫਾਇਰ ਦੌਰਾਨ ‘ਫ੍ਰੀ ਅਫਗਾਨ ਮਹਿਲਾ’ ਦੇ ਨਾਅਰੇ ਵਾਲਾ ਪਹਿਰਾਵਾ ਪਹਿਨਿਆ ਹੋਇਆ ਸੀ।
21 ਸਾਲਾ ਬ੍ਰੇਕ ਡਾਂਸਰ ਜੇਕਰ ਅਯੋਗ ਨਾ ਹੁੰਦੀ ਤਾਂ ਵੀ ਅੱਗੇ ਨਹੀਂ ਵਧ ਸਕਦੀ ਸੀ ਕਿਉਂਕਿ ਉਹ ਭਾਰਤ ਦੀ ਬ੍ਰੇਕ ਡਾਂਸਰ ਸਰਦਜੋ ਤੋਂ ਹਾਰ ਗਈ ਸੀ। ਸਰਦੋ ਨੂੰ ‘ਬੀ-ਗਰਲ ਇੰਡੀਆ’ ਦੇ ਨਾਂ ਨਾਲ ਜਾਣਿਆ ਜਾਂਦਾ ਹੈ। ਓਲੰਪਿਕ ਖੇਡਾਂ ਦੇ ਮੈਦਾਨ ਅਤੇ ਪੋਡੀਅਮ ‘ਤੇ ਸਿਆਸੀ ਬਿਆਨਾਂ ਅਤੇ ਨਾਅਰਿਆਂ ‘ਤੇ ਪਾਬੰਦੀ ਹੈ। ਵਰਲਡ ਡਾਂਸ ਸਪੋਰਟ ਫੈਡਰੇਸ਼ਨ ਨੇ ਬਾਅਦ ਵਿੱਚ ਇੱਕ ਬਿਆਨ ਜਾਰੀ ਕਰਕੇ ਕਿਹਾ ਕਿ ਪ੍ਰੀ-ਕੁਆਲੀਫਾਇਰ ਮੁਕਾਬਲੇ ਦੌਰਾਨ ਉਸ ਦੇ ਪਹਿਰਾਵੇ ‘ਤੇ ਸਿਆਸੀ ਨਾਅਰਾ ਦਿਖਾਉਣ ਲਈ ਉਸ ਨੂੰ ਅਯੋਗ ਕਰਾਰ ਦਿੱਤਾ ਗਿਆ ਸੀ। ਤਾਲਾਸ਼ ਨੇ ਅਫਗਾਨਿਸਤਾਨ ਛੱਡ ਕੇ 2021 ਵਿੱਚ ਸਪੇਨ ਵਿੱਚ ਸ਼ਰਨ ਲਈ ਸੀ।
