ਔਰੰਗਾਬਾਦ ਵਿੱਚ ਇੱਕ ਕਾਰ ਬੇਕਾਬੂ ਹੋ ਕੇ ਨਹਿਰ ਵਿੱਚ ਡਿੱਗ ਗਈ। ਕਾਰ ‘ਚ ਸਵਾਰ ਪੰਜ ਲੋਕਾਂ ਦੀ ਡੁੱਬਣ ਕਾਰਨ ਮੌਤ ਹੋ ਗਈ। ਮ੍ਰਿਤਕਾਂ ਵਿੱਚ ਇੱਕ ਨੌਜਵਾਨ ਵੀ ਸ਼ਾਮਲ ਹੈ।
ਪ੍ਰਾਪਤ ਜਾਣਕਾਰੀ ਅਨੁਸਾਰ ਕਾਰ ਸਵਾਰ ਪਟਨਾ ਵੱਲ ਆ ਰਹੇ ਸਨ। ਇਹ ਘਟਨਾ ਦਾਊਦਨਗਰ ਥਾਣਾ ਖੇਤਰ ਦੇ ਕੈਨਾਲ ਰੋਡ ਸਥਿਤ ਚਮਨ ਬੀਘਾ ਨੇੜੇ ਵਾਪਰੀ। ਦਾਊਦਨਗਰ ਦੇ ਉਪਮੰਡਲ ਪੁਲਸ ਅਧਿਕਾਰੀ ਕੁਮਾਰ ਰਿਸ਼ੀ ਰਾਜ ਨੇ ਦੱਸਿਆ ਕਿ ਸਾਰੇ ਲੋਕ ਰੋਹਤਾਸ ਦੇ ਗੁਪਤਾਧਾਮ ਤੋਂ ਪੂਜਾ ਕਰਕੇ ਵਾਪਸ ਪਟਨਾ ਪਰਤ ਰਹੇ ਸਨ। ਫਿਰ ਕਾਰ ਬੇਕਾਬੂ ਹੋ ਕੇ ਨਹਿਰ ਵਿੱਚ ਜਾ ਡਿੱਗੀ।
ਦੱਸਿਆ ਜਾ ਰਿਹਾ ਹੈ ਕਿ ਕਾਰ ‘ਚ ਕੁੱਲ 6 ਲੋਕ ਸਵਾਰ ਸਨ। ਜਿਸ ਵਿੱਚ ਪੰਜ ਦੀਆਂ ਲਾਸ਼ਾਂ ਬਰਾਮਦ ਕਰ ਲਈਆਂ ਗਈਆਂ ਹਨ, ਜਦੋਂ ਕਿ ਇੱਕ ਹੋਰ ਬਾਰੇ ਕੋਈ ਜਾਣਕਾਰੀ ਸਾਹਮਣੇ ਨਹੀਂ ਆਈ ਹੈ। ਕਾਰ ਕਰੀਬ 30 ਮਿੰਟ ਤੱਕ ਨਹਿਰ ਵਿੱਚ ਪਈ ਰਹੀ। ਸਾਰੀ ਕਾਰ ਪਾਣੀ ਨਾਲ ਭਰ ਗਈ। ਜਿਸ ਕਾਰਨ ਕਾਰ ਵਿੱਚ ਸਵਾਰ ਪੰਜ ਲੋਕਾਂ ਦੀ ਮੌਤ ਹੋ ਗਈ।