- ਇਕ ਸਾਲ ਦਾ ਇਹ ਮਿਸ਼ਨ ਆਫ਼ਤ ਦੀ ਦੇਵੇਗਾ ਚਿਤਾਵਨੀ
ਸ਼੍ਰੀਹਰੀਕੋਟਾ, 16 ਅਗਸਤ 2024 – ਭਾਰਤੀ ਪੁਲਾੜ ਖੋਜ ਸੰਗਠਨ (ਇਸਰੋ) ਨੇ ਦੇਸ਼ ਦੇ ਸਭ ਤੋਂ ਛੋਟੇ ਰਾਕੇਟ SSLV-D3 ਤੋਂ ਧਰਤੀ ਨਿਰੀਖਣ ਸੈਟੇਲਾਈਟ-8 (EOS-08) ਨੂੰ ਸ਼੍ਰੀਹਰੀਕੋਟਾ ਸਥਿਤ ਸਤੀਸ਼ ਧਵਨ ਪੁਲਾੜ ਕੇਂਦਰ ਤੋਂ ਲਾਂਚ ਕੀਤਾ। ਇਸ ਉਪਗ੍ਰਹਿ ਨੂੰ ਧਰਤੀ ਦੇ ਪੰਧ ਤੋਂ ਬਾਹਰ ਲਗਭਗ 475 ਕਿਲੋਮੀਟਰ ਦੂਰ ਸਥਾਪਿਤ ਕੀਤਾ ਜਾਵੇਗਾ। ਇਹ ਇੱਕ ਸਾਲ ਤੱਕ ਕੰਮ ਕਰੇਗਾ।
EOS-08 ਸੈਟੇਲਾਈਟ ਦਾ ਉਦੇਸ਼ ਵਾਤਾਵਰਣ ਅਤੇ ਆਫ਼ਤ ਬਾਰੇ ਸਹੀ ਜਾਣਕਾਰੀ ਪ੍ਰਦਾਨ ਕਰਨਾ ਹੈ। ਇਸ ਤੋਂ ਪਹਿਲਾਂ ਇਸਰੋ ਨੇ ਲਾਂਚ ਦੀ ਤਰੀਕ 15 ਅਗਸਤ ਤੈਅ ਕੀਤੀ ਸੀ। ਪਰ ਇਸ ਨੂੰ ਇੱਕ ਦਿਨ ਬਾਅਦ ਅੱਜ ਲਾਂਚ ਕੀਤਾ ਗਿਆ ਹੈ।
EOS-08 ਸੈਟੇਲਾਈਟ ਦੇ ਤਿੰਨ ਪੇਲੋਡ ਹਨ। ਇਸ ਵਿੱਚ ਇਲੈਕਟ੍ਰੋ ਆਪਟੀਕਲ ਇਨਫਰਾਰੈੱਡ ਪੇਲੋਡ (EOIR), ਗਲੋਬਲ ਨੇਵੀਗੇਸ਼ਨ ਸੈਟੇਲਾਈਟ ਸਿਸਟਮ-ਰਿਫਲੈਕਟੋਮੈਟਰੀ ਪੇਲੋਡ (GNSS-R) ਅਤੇ SiC-UV ਡੋਸੀਮੀਟਰ ਸ਼ਾਮਲ ਹਨ।
EOIR ਪੇਲੋਡ ਨੂੰ ਆਫ਼ਤ ਨਿਗਰਾਨੀ, ਵਾਤਾਵਰਣ ਨਿਗਰਾਨੀ ਆਦਿ ਵਰਗੇ ਕੰਮਾਂ ਲਈ ਚਿੱਤਰਾਂ ਨੂੰ ਕੈਪਚਰ ਕਰਨ ਲਈ ਤਿਆਰ ਕੀਤਾ ਗਿਆ ਹੈ। ਇਹ ਪੇਲੋਡ ਦਿਨ ਅਤੇ ਰਾਤ ਦੇ ਦੌਰਾਨ ਵੀ ਚਿੱਤਰਾਂ ਨੂੰ ਕੈਪਚਰ ਕਰ ਸਕਦਾ ਹੈ।
GNSS-R ਦੀ ਵਰਤੋਂ ਸਮੁੰਦਰ ਦੀ ਸਤ੍ਹਾ ‘ਤੇ ਹਵਾ ਦਾ ਵਿਸ਼ਲੇਸ਼ਣ ਕਰਨ, ਮਿੱਟੀ ਦੀ ਨਮੀ ਦਾ ਮੁਲਾਂਕਣ ਕਰਨ, ਹੜ੍ਹਾਂ ਦਾ ਪਤਾ ਲਗਾਉਣ ਆਦਿ ਲਈ ਰਿਮੋਟ ਸੈਂਸਿੰਗ ਸਮਰੱਥਾ ਲਈ ਕੀਤੀ ਜਾਵੇਗੀ।
SiC UV ਡੋਜ਼ੀਮੀਟਰ ਗਗਨਯਾਨ ਮਿਸ਼ਨ ਲਈ ਅਲਟਰਾਵਾਇਲਟ ਕਿਰਨਾਂ ਦੀ ਨਿਗਰਾਨੀ ਕਰੇਗਾ।
