ਸੋਮਵਾਰ ਨੂੰ ਸੀਐੱਮ ਨਿਤੀਸ਼ ਹਾਦਸੇ ਦਾ ਸ਼ਿਕਾਰ ਹੋਣ ਤੋਂ ਵਾਲ-ਵਾਲ ਬਚ ਗਏ। ਦੱਸ ਦਈਏ ਕਿ ਮੁੱਖ ਮੰਤਰੀ ਪਟਨਾ ਦੇ ਬੇਲਛੀ ਬਲਾਕ ਪਹੁੰਚੇ, ਜਿੱਥੇ ਉਨ੍ਹਾਂ ਨੇ 100 ਕਰੋੜ ਰੁਪਏ ਦੀ ਲਾਗਤ ਵਾਲੇ ਕਈ ਪ੍ਰੋਜੈਕਟਾਂ ਦਾ ਉਦਘਾਟਨ ਕੀਤਾ ਅਤੇ ਨੀਂਹ ਪੱਥਰ ਰੱਖਿਆ। ਪ੍ਰੋਗਰਾਮ ਤੋਂ ਬਾਅਦ ਜਿਵੇਂ ਹੀ ਮੁੱਖ ਮੰਤਰੀ ਦੀ ਗੱਡੀ ਬਲਾਕ ਦਫ਼ਤਰ ਤੋਂ ਰਵਾਨਾ ਹੋਣ ਲੱਗੀ ਤਾਂ ਉੱਥੇ ਬਣਿਆ ਸਵਾਗਤੀ ਗੇਟ ਡਿੱਗ ਗਿਆ।
ਇਸ ਦੌਰਾਨ ਮੁੱਖ ਮੰਤਰੀ ਦੇ ਕਾਫਲੇ ‘ਚ ਸ਼ਾਮਲ ਇਕ ਗੱਡੀ ਕਾਫੀ ਨੇੜੇ ਖੜ੍ਹੀ ਸੀ, ਜਦਕਿ ਮੁੱਖ ਮੰਤਰੀ ਦੀ ਗੱਡੀ ਥੋੜ੍ਹਾ ਪਿੱਛੇ ਸੀ। ਜਿਵੇਂ ਹੀ ਗੇਟ ਡਿੱਗਿਆ ਤਾਂ ਉਥੇ ਮੌਜੂਦ ਅਧਿਕਾਰੀਆਂ ਅਤੇ ਕਰਮਚਾਰੀਆਂ ਨੇ ਜਲਦਬਾਜ਼ੀ ਵਿਚ ਇਸ ਨੂੰ ਸੰਭਾਲ ਲਿਆ। ਇਸ ਦੌਰਾਨ ਮੁੱਖ ਮੰਤਰੀ ਦੀ ਕਾਰ ਕੁਝ ਦੇਰ ਲਈ ਰੁਕੀ ਰਹੀ। ਗੇਟ ਨੂੰ ਸੰਭਾਲਣ ਤੋਂ ਬਾਅਦ ਮੁੱਖ ਮੰਤਰੀ ਦੀ ਕਾਰ ਬਾਹਰ ਨਿਕਲੀ। ਇੱਥੋਂ ਮੁੱਖ ਮੰਤਰੀ ਮੋਕਾਮਾ ਵਿਧਾਨ ਸਭਾ ਹਲਕੇ ਸਮੇਤ ਹੜ੍ਹ ਵਾਲੇ ਇਲਾਕਿਆਂ ਦਾ ਦੌਰਾ ਕਰਨ ਲਈ ਰਵਾਨਾ ਹੋਏ ਹਨ।