ਉੱਤਰ ਪ੍ਰਦੇਸ਼ : – ਉੱਤਰ ਪ੍ਰਦੇਸ਼ ਦੇ ਪੀਲੀਭੀਤ, ਲਖੀਮਪੁਰ, ਸੀਤਾਪੁਰ ਤੋਂ ਲੈ ਕੇ ਲਖਨਊ-ਉਨਾਵ ਤੱਕ ਆਵਾਰਾ ਬਲਦ ਭਾਜਪਾ ਦੇ ਵੋਟ ਬੈਂਕ ਲਈ ਖ਼ਤਰਾ ਨਜ਼ਰ ਆ ਰਹੇ ਹਨ। ਚੋਣ ਮਾਹਿਰਾਂ ਅਨੁਸਾਰ ਇਸ ਵਾਰ ਚੌਥੇ ਪੜਾਅ ਦੀਆਂ 60 ਵਿੱਚੋਂ ਘੱਟੋ-ਘੱਟ 50 ਸੀਟਾਂ ’ਤੇ ਬਲਦ ਵੱਡਾ ਮੁੱਦਾ ਹੈ। ਅਜਿਹਾ ਯੋਗੀ ਸਰਕਾਰ ਦੇ ਅਧੀਨ ਗਊਆਂ ਨੂੰ ਦਿੱਤੀ ਗਈ ਸੁਰੱਖਿਆ ਦੇ ਤਹਿਤ ਉਨ੍ਹਾਂ ਦੀ ਗਿਣਤੀ ਵਧਣ ਕਾਰਨ ਹੋਇਆ ਹੈ। ਇਸ ਦੇ ਨਾਲ ਹੀ ਭੁੱਖ ਮਿਟਾਉਣ ਲਈ ਉਹ ਫ਼ਸਲ ਨੂੰ ਵੀ ਨੁਕਸਾਨ ਪਹੁੰਚਾ ਰਹੇ ਹਨ।
ਬਲਦ ਲੋਕਾਂ ਦੀਆਂ ਜਾਨਾਂ ਵੀ ਲੈ ਰਹੇ ਹਨ। ਸਪਾ ਅਤੇ ਕਾਂਗਰਸ ਦੇ ਆਗੂਆਂ ਨੇ ਲੋਕਾਂ ਦੇ ਇਸ ਗੁੱਸੇ ਨੂੰ ਭਾਂਪ ਲਿਆ ਹੈ। ਇਸੇ ਲਈ ਯੂਪੀ ਚੋਣਾਂ 2022 ਵਿਚ ਭਾਜਪਾ ਬਲਦ ਮੁੱਦੇ ‘ਤੇ ਘਿਰੀ ਹੋਈ ਹੈ। ਸਪਾ ਦੇ ਰਾਸ਼ਟਰੀ ਪ੍ਰਧਾਨ ਅਖਿਲੇਸ਼ ਯਾਦਵ ਨੇ ਤਾਂ ਇੱਥੋਂ ਤੱਕ ਕਹਿ ਦਿੱਤਾ ਕਿ ਜੇਕਰ ਸਾਡੀ ਸਰਕਾਰ ਬਣੀ ਤਾਂ ਬਲਦ ਹਮਲੇ ‘ਚ ਜਾਨ ਗਵਾਉਣ ਵਾਲਿਆਂ ਨੂੰ 5-5 ਲੱਖ ਰੁਪਏ ਦਾ ਮੁਆਵਜ਼ਾ ਦੇਵਾਂਗੇ।
ਪਿੰਡ ਦੇ ਲੋਕਾਂ ਦਾ ਕਹਿਣਾ ਹੈ ਕਿ ਅਸੀਂ ਰਾਤ ਭਰ ਖੇਤਾਂ ਵਿੱਚ ਪਹਿਰਾ ਦਿੰਦੇ ਹਾਂ। ਜਾਨਵਰਾਂ ਦਾ ਪਿੱਛਾ ਕਰਕੇ ਉਨ੍ਹਾਂ ਨੂੰ ਭਜਾਉਂਦੇ ਹਾਂ। ਛੋਟੇ ਕਿਸਾਨ ਬਲਦਾਂ ਅਤੇ ਅਵਾਰਾ ਪਸ਼ੂਆਂ ਤੋਂ ਹੋਰ ਵੀ ਪ੍ਰੇਸ਼ਾਨ ਹਨ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਮਿੰਟਾਂ ਵਿਚ ਉਹ ਸਾਰੀ ਫ਼ਸਲ ਖਾ ਜਾਂਦੇ ਹਨ। ਵੱਡੇ ਕਿਸਾਨਾਂ ਨੇ ਖੇਤ ਦੀ ਵਾੜ ਕੀਤੀ ਹੋਈ ਹੈ, ਪਰ ਜਦੋਂ ਬਲਦਾਂ ਦਾ ਝੁੰਡ ਆਉਂਦਾ ਹੈ ਤਾਂ ਉਹ ਵਾੜ ਨੂੰ ਵੀ ਤਬਾਹ ਕਰ ਦਿੰਦੇ ਹਨ।