ਕਾਂਗਰਸ ਨੇਤਾ ਰਾਹੁਲ ਗਾਂਧੀ ਗੁਜਰਾਤ ਪਹੁੰਚੇ ਹਨ। ਰਾਹੁਲ ਗਾਂਧੀ ਗੁਜਰਾਤ ਕਾਂਗਰਸ ਦੁਆਰਾ ਆਯੋਜਿਤ ਚਿੰਤਨ ਸ਼ਿਵਿਰ ਵਿੱਚ ਹਿੱਸਾ ਲੈਣ ਲਈ ਪੁਹੰਚੇ ਹਨ। ਇਹ ਸਮਾਗਮ ਸ਼ੁੱਕਰਵਾਰ ਨੂੰ ਸ਼ੁਰੂ ਹੋਇਆ ਸੀ ਅਤੇ ਐਤਵਾਰ ਨੂੰ ਸਮਾਪਤ ਹੋਵੇਗਾ। ਦੱਸ ਦਈਏ ਕਿ ਇਸ ਤੋਂ ਪਹਿਲਾ ਰਾਹੁਲ ਗਾਂਧੀ ਸ਼ਨੀਵਾਰ ਨੂੰ ਦਵਾਰਕਾਧੀਸ਼ ਮੰਦਰ ਪੁਹੰਚੇ।
ਜਿਕਰਯੋਗ ਹੈ ਕਿ ਗਾਂਧੀ ਦੁਪਹਿਰ ਸਮੇਂ ਹੈਲੀਕਾਪਟਰ ਰਾਹੀਂ ਦਵਾਰਕਾ ਪਹੁੰਚਣ ਤੋਂ ਪਹਿਲਾਂ ਵਿਸ਼ੇਸ਼ ਜਹਾਜ਼ ਰਾਹੀਂ ਜਾਮਨਗਰ ਹਵਾਈ ਅੱਡੇ ‘ਤੇ ਉਤਰੇ। ਉਹ ਭਗਵਾਨ ਕ੍ਰਿਸ਼ਨ ਨੂੰ ਸਮਰਪਿਤ ਪ੍ਰਸਿੱਧ ਦਵਾਰਕਾਧੀਸ਼ ਮੰਦਰ ਪੁਹੰਚੇ, ਜਿੱਥੇ ਉਸ ਦੇ ਸਵਾਗਤ ਲਈ ਰਵਾਇਤੀ ਲੋਕ ਨਾਚ ਪੇਸ਼ ਕੀਤਾ ਗਿਆ। ਗੁਜਰਾਤ ਕਾਂਗਰਸ ਦੇ ਕਿਸਾਨ ਸੈੱਲ ਦੇ ਪ੍ਰਧਾਨ ਪਾਲ ਅੰਬਾਲੀਆ ਨੇ ਕਿਹਾ ਕਿ ਰਾਹੁਲ ਦੇ ਇਥੇ ਪੁਹੰਚਣ ਤੇ ਉਨ੍ਹਾਂ ਦੇ ਮੱਥੇ ‘ਤੇ ‘ਤਿਲਕ’ ਲਗਾਇਆ ਗਿਆ ਜਿਸ ਤੋਂ ਬਾਅਦ ਰਾਹੁਲ ਗਾਂਧੀ ਮੰਦਰ ‘ਚ ਚੜ੍ਹਾਏ ਜਾਣ ਵਾਲੇ ਇਕ ਵੱਡੇ ਧਾਰਮਿਕ ਝੰਡਾ ‘ਧਜਾ’ ਲੈ ਕੇ ਮੰਦਰ ਵਿਖੇ ਪੁਹੰਚੇ।
ਅੰਬਾਲੀਆ ਨੇ ਕਿਹਾ ਕਿ ਮੰਦਰ ਦੇ ਅੰਦਰ ਰਾਹੁਲ ਗਾਂਧੀ ਨੇ ਭਗਵਾਨ ਦਵਾਰਕਾਧੀਸ਼ ਨੂੰ ਪ੍ਰਾਰਥਨਾ ਕੀਤੀ ਅਤੇ ਪੂਜਾ ਵਿੱਚ ਹਿੱਸਾ ਲਿਆ। ਗਾਂਧੀ ਦੁਆਰਾ ਚੜ੍ਹਾਏ ਗਏ ਧਾਰਮਿਕ ਝੰਡੇ ਨੂੰ ਪਰੰਪਰਾ ਅਨੁਸਾਰ ਮੰਦਰ ਦੇ ਸਿਖਰ ‘ਤੇ ਲਹਿਰਾਇਆ ਜਾਵੇਗਾ। ਭਗਵਾਨ ਕ੍ਰਿਸ਼ਨ ਨੂੰ ਮੱਥਾ ਟੇਕਣ ਤੋਂ ਬਾਅਦ, ਗਾਂਧੀ ਨੇ ਮੰਦਰ ਦੇ ਨੇੜੇ ਇੱਕ ਡਾਇਨਿੰਗ ਹਾਲ ਵਿੱਚ ਸਥਾਨਕ ਪਾਰਟੀ ਨੇਤਾਵਾਂ ਨਾਲ ਚਾਹ ਪਾਣੀ ਪੀਤਾ। ਇਸ ਤੋਂ ਬਾਅਦ ਉਹ ਪਾਰਟੀ ਦੇ ਚਿੰਤਨ ਸ਼ਿਵਿਰ ਵਾਲੇ ਸਥਾਨ ਲਈ ਰਵਾਨਾ ਹੋ ਗਏ। ਗਾਂਧੀ ਦੇ ਚਿੰਤਨ ਸੈਸ਼ਨ ਵਿਚ ਪਾਰਟੀ ਨੇਤਾਵਾਂ ਨੂੰ ਸੰਬੋਧਨ ਕਰਨ ਦੀ ਉਮੀਦ ਹੈ।